مجالس الفرده - قـصيـدة رثـاء في الشيخ فالح بن صلبي رحمه الله قراتها اليوم في جريدة الجزيرة للشاعر

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

قـصيـدة رثـاء في الشيخ فالح بن صلبي رحمه الله قراتها اليوم في جريدة الجزيرة

[align=center][B]

[size=5]هذه القصيدة رثاء في الفقيد فالح بن صلبي الحربي رحمه الله..
للشاعر : لافـي بـن نفــجـان الحــربي

وفاة خطو الهيلعي تنتل الروح
تشلع معاليق الضماير بنتله

أشد من رمحٍ طعن حيل ونطوح
يقطعك دنيا فيك غفلة وختله

واقلبي اللي له نهارين مجروح
من حر دمع العين يوم ارسلت له

على الفقيد اللي عن الشين مبروح
ولا به عن الواجب ليا جاه فتله

فالح فقيدٍ للسوالم ومسروح
وكل القبيلة في وفاه اشهدت له

من رحمتك يا رب عساه ممنوح
آمين ياللي كل روح سجدت له

يا مؤي اهل الكهف يا مخرجٍ نوح
عسى النعيم بقدرتك صوتت له

نرجي لعله من خطاياه مسموح
واقبل دعاوي كل نفسٍ دعت له

ياعل ابو سلطان فايز ومبيوح
ولا تلام عينٍ بالدموع ذرفت له

واللي جرى مكتوب مكتوب باللوح
ولا به من المخلوق واحد صفت له

الدرب للي باقي اليوم مفتوح
من طافته بكره تبي تلتفت له

لا شك فالح بالمهمات طحطوح
ليت المنية جنبت وامهلت له

وإلا خطاة الهلف ما فيه مصلوح
لو يتصنع فيه شيٍ يعتله

تلقاه وقت اللازمة قاصر شبوح
يا قوم لو الفانية صفقت له

الشـــاعــر : لافـــــــي بــن نفــــجـــان الـــحـــــربــــــي