يامل عيـن تنثـر دمعهـا الصافـي=على عشير تشوف مـن ورى بابـه
ياقف قبالي ليا انـه شـاف ميقافـي=جرحه صطابي وجرحي مابعد صابـه
متى على الله بيي يوفـي ويستافـي=الصاحب اللي قضيت حالي من أسبابه
عزالله إنه عـذاب القلـب وإتلافـي=حبه جرح خاطري ياكـود مضرابـه
لولاه ماصابنـي بالقلـب خفخافـي=أقفى بعقلـي ولا لـي ماتلهـى بـه
جرح الهوى بالعرب ماهوب ينشافي=لاشك جرحك بقلبي ضاعـت أطبابـه
ماظنتي عشرته ترخـص وتنعافـي=الموجب إنه قطع قلبـي وقفـا بـه
وأنا على الذكر قبل العـرف ميلافـي=يندار مـن يمهـم قلبـي ودولابـه
قلبي علـى راس ميهـاف وينلافـي=من قبل أشوفـه ومـن اتشقـى بـه
الله يستـر عليـه بستـره الضافـي=عن هرجة السوسلم وخـاب طلابـه

الشاعر/ احمد الناصر