ما هو البيت الذي ترددونه إذا ضاقت صدوركم

ســافر وخـــل أحزاااان عمري تخــاويك..
يمكـــن معك تلقـــى حلــول لضيـــاعي..
حـــاولت أشـــوه صـــورتك..يوم أخلـــــيك..
لقيـــتك أصـــدق من بكــى في وداعــــــــي..!!

الغنى والفقر حاجه بيد رب العالمين..
مؤمن بهذي العبااره.. بس ما انتي مؤمنه
أدري ان المال لبّى كل شيٍ ترغبين..
إلا انا واحد من الرغبات غير الممكنه

هم يحسبون المسأله كلها سلك
اذا انقطع تقطع معاه المسالك
ولا دروا اني بالاحساس ابادلك
مو شرط اشوفك واسألك كيف حالك
احس بك لو كنت ماني مقابلك
وتحس بي لو كنت ماني قبالك
دايم وفكري في حراوي منازلك
ان جا مجالك ولا ما جا مجالك
تدري وش اللي بس يقطع تواصلك؟
الموت بس الموت يقطع وصالك؟؟

معاني العشق لو تجمع وتهدى لك كما الباقة
حبيبي ما وفت قدرك ولا لبت طموحاتي
يا أطيـب قـلب قابلته أنا لك روح مشتاقة
تبي تجمع غنايم حبك ومصدر بطولات
أنا من يوم ما شفتك عيوني مالها طاقه
تبي ترسم لك ألوان ألمحبه والمسراتي
يا أجمل من سكن قلبي وضيّ العمر وإشراقه
احبك قلتها صادق وخطتها عبارتي

أصــبرحبيبي قبل ماترحل : تعاااال!
أبيك توعـــدني " تجيــني تجيـــني "
حتى إذا ظرفك عن الجيّات حال ..
" أكسر ظروفك ياغلا لجل عيني "
وابنتظرك أنا على كـل الأحوال ..
وابحتضن وردة غلانــا بيديني ..

أنا جريح الأمس واليوم والغد,,
وهاذي جروح العمر احصي عددها,,
لقيت أنا الدنيا ترى ملعنة جد,,
فيها الكلاب السود تأكل أسدها,,
صدقني غيرك انت ما اشوف انا احد,,
ومن ماتلد مثلك خسارة ولدها,,

أببتعد وأهجر شوارعك والبيت،،
قلة أدبكم عجلت بالنهاية
رح في طريق في دروبه تماديت،،
تحت الثرى شيعت نهاية عنايا
اقسم قسم لوشفتك بيوم حنيت،،
لأدوس قلبك بالقدم من قسايا
آخر سؤالي كان بالحق رديت،،
قلي بربك وش سبب هالسوايا

كرهني بنفسك لو بذنب صغير
ألقى به اعذاري وأعود لزماني
المشكله انه مابدى منك تقصير
وهذا يزود واقعك في كياني

محدن قدر يجيب اقصى دموعي
الا انت لامن غبت يسري بي الدمع
حتى طبوعك غيرت لي طبوعي
انت الغلا والحب والشوق والطبع
تبي مكانك؟ قم وطالع ضلوعي
حرام انك ماتفارق ولا ضلع!!

الا ياطفل..لا تكبر..كذا اجمل..كذا اطهر
كذا لا هم يتراكم..كذا لا ضغط لا سكر
ترى اكبر كذبه عشناها(يالله متى نكبر)
احلم قد ماتقدر..واذا خفت خب احلامك بدفتر
ترى الايام سراقه والا حلام تتبخر!!