ما هو البيت الذي ترددونه إذا ضاقت صدوركم

ردلي بعـض المـودة يابخيـل *** لاتخلي القلب يتعب في هـواك
ماوراء ياما من الليل الطويـل *** سهرت عيوني وحلمت في لقاك
ليت قلبك فـي وداده مايميـل *** مثل ما قلبي تخيـرك وبغـاك
اعطني حبك قبل وقت الرحيل *** لامتى تبخل علينا في رضـاك
كان قصدك تمتحن عندك دليـل *** شف عيوني كم بكت سبة غلاك
منك شفت احراج ماهوبالقليـل *** واحتملته خايف يكبـر جفـاك

من تكون اللـي حياتـي لجلهـا *** من مأس الجرح لطياف الامـل
من تكون اللـي سكنـت بقلبهـا *** مالي غيري في تباريحه محـل
من لها غيري ومن لي غيرهـا *** لا حظرت اصبحت أنا كل الاهل
رمز حرف العين بادي بسمهـا *** لو يراها فاقـد الحـظ احتفـل
هزني والهـم شعـوري حبهـا *** وحب غيري صابها عنـا جهـل
يا رسـول الحـب عنـي قلهـا *** صوب حايل قلبي العاشق رحل

ليته قبل مايفارقني حفر قبري *** أكون للقبر أهون من حضن غيره

أموت بعيونك ولا هان باقيك *** كلك حلو بس الحلا في عيونك

شفتك معه وصديت عنك واقفيت *** اخاف اموت من القهر في مكاني

جف الكلام ومدت يدينها فوق
.... أخترت هذي .. وأنت شف لك سحابه

قلت .. ويديني تحتضنها مثل طوق ..
أخترت هذي هذي أكثر رحابه

هذي دفا صوتٍ من البرد مخنوق
هذي سؤالٍ نصف عمري جوابه

هذي هي اللي عرّفتني على الشوق
هذي قدر .. ماكنت حاسب حسابه

قطعة حزن في جيب بالي ومشقوق
ومضة فرح في عيون ناسٍ غلابه

أن سولفت في ثغرها لمعة بروق
وإن سرّحت في عيونها صمت غابه

واليا اضحكت نورٍ من الفجر مسروق
واليا بكت تحزن عليها الكآبه

حبي لها لوأدري ان فيه مخلوق ..
قدّ حبّ مثله .. قلت "ياللغرابه"

هالآدمي من وين له قلب وعروق؟!
والصبر هالمسكين من وين جابه؟

وأنا أتكلّم .. ردّت عيونها فوق
ثم تمتمت من هي هالأكثر رحابه؟؟

قلت ويديني تحتضنها مثل طوق
في ذمتي ماشفت غيرك سحابه

خذني فحضنك ابغفى .. يآآآه مبطي ماغفيت
وان لمحت دموع عيني سو نفسك مالمحت

خذني فحضنك وبعثر في جرحي وان قضيت
هزلي كتفي وقلي عيب تبكي لو سمحت

اضحك وعلم زماني من انا ومن وين جيت
طق باب الحزن واصرخ في لا مني فتحت

وشفيك ماتسال وتنشد عن الحال
وراك حطمت الامانـي وقفيـت
ماظنتي حبك عن القلب ينشـال
حسب اعتقادي يوم عني تنحيت

والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق

مساء الحب يا حب يعيش ودنيته طرياك
احس انك هنا ايامي ولو ما كنت تطريني
يفوح من الزهر عطره ويبقي القلب مع ذكراك
وهج ذكراك في قلبي بعد صدك يدفيني