توّي دريت ان الوقايه خير من طـب الطبيـب=وإن التجارب يستفيد اللـي يحفـظ دروسهـا
لو كان من مضمونها راس الفتى بدري يشيب=كنز الحكيم اللـي يفصّـل للرجـال لبوسهـا
خبرة نجيب ٍ يصقلـن بنودهـا فكـر اللبيـب=يعرف خيارالناس بالحكمه وسوس ضروسهـا
ماينخدع بالمنطق الجذاب والشكـل العجيـب=يضحك بسنـه والمظاهـر يتقـي مدسوسهـا
اضرب مثل يفرق بسومه طالب الراي المصيب=في سوق ماتنفع بـه التجـار كثـر فلوسهـا
سوق ٍ ليارد البرا بالسيف والرمـح العطيـب=حار المعاضي بالدواء والريح هبـت كوسهـا
ولاحت شبوح الخوف بعيون الهبود المستريب=والارض شربت من لهايبها نضيح رسوسهـا
هاك النهار يشاف قدر السيف ضداد الحريـب=اللي يقص يديـن عدوانـه ويقطـع روسهـا
والدار يطلع فرق حاميها الاصيل من الربيـب=والخيل اصايلها يجيبه فرق عـن جاموسهـا
والا مواقيت الرخا يبدي بها النجـم ويغيـب=الرحله اللـي بالمواقـف ينجلـي كابوسهـا
دنيا كفـا الله شرهـا كلـن لسيدهـا حبيـب=لوكان له شتفا تقـد كبودهـم فـي موسهـا
الكل منهم يلتمس له عذر الأقصـى والقريـب=يصبر على عوجه وكتفـه ينحـدر ويبوسهـا
مايدري ان الهون ماللعز فـي ثوبـه نصيـب=وإن المعالـي للرجـال اللـي تعـز نفوسهـا
لوعاش واحدهم حياته كلها في قـوت ذيـب=أخير من جنـة نعيـم استعبـدوه نجوسهـا
هذا الكلام اللي لو انه مـر وإدراكـه صعيـب=من منطلق صدق وحقيقة روح بيض حسوسها
لكن يلبس تاجها حـيٍٍّ علـى الدنيـا غريـب=له شوفتن ماهي قريّـب يتعبـون عسوسهـا
ترى شعور الزيف والتطفيف مصدر كل عيـب=الصفحه اللي من وباهـا يحتـرق قاموسهـا
للشاعر ..حمّـاد مريـزيـق البشـري