مجالس الفرده - تطرف برمش العين وإن واجهتني

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - تطرف برمش العين وإن واجهتني (http://www.alfredah.net/forum/threads/alfredah21749/)

تطرف برمش العين وإن واجهتني

عبدالله بن سبيل
عذلت عيني بالهوى واعسرتنـي=مفتونة فـي حـب حـي محنهـا
نفسي لها هويات مـا طاوعتنـي=لين انحلت بالحال واكدت بدنهـا
عندل بطاروق الهوى ساعفتنـي=تنقاد لي قود العسيـف برسنهـا
تطرف برمش العين وإن واجهتني=تعطيني الهرجـة وتاخـذ ثمنهـا
تخفي لي الكلمـة إلـى هرّجتنـي=خوفٍ من اللي هرجته ما وزنهـا
شاورتها على الجـواز وهدتنـي=تبغى لعلـه يبعـد الحـوم عنهـا
عطيتهـا علـمٍ وهـي خابرتنـي=لو أربع بالبيت ما جـزت منهـا
خمسة عشر عام وهـي مالكتنـي=والخادم المملوك يومـر وينهـى
هذا جزاها يوم هي مـا انكرتنـي=وإلا فلا منهـا ولا مـن عدنهـا
الموجب إنـه بالهـوى ولعتنـي=لولا غلاها مـا سكنـت بوطنهـا

رد: تطرف برمش العين وإن واجهتني

خمسـة عشـر عـام وهـي مالكتنـي
والـخـادم الممـلـوك يـومــر ويـنـهـى
مشكور اخوي

رد: تطرف برمش العين وإن واجهتني

أبن سبيل(ياناس خلو كل وادي ومجـراه..قلتوا كثير وقولكم مالقيته)

اللـه يعطيك العافيه أخي أبن مطيع على النقل.........تقبل تحياتي وتقديري

رد: تطرف برمش العين وإن واجهتني

صح لسان الشاعر عبدالله بن سبيل،
وتسلم يمناك على الاضافه يابن مطيع.

رد: تطرف برمش العين وإن واجهتني

الأخوووووووه الكرام مروركم شرفني