مجالس الفرده - شكوى سبيل الحصني رحمه الله

الله من ليلٍ به اقاسي السهر = عيني عن النوم اللذيذ تشوم

من واهجٍ لجة ضميري مقره = لكن ماليه عن المقسوم

وانا افهم اللي لي واللي عليه = مير الروابع يالبيب سهوم

مااقولها من شان تيهة دليلي = تهت ودريت اني ضحى منجوم

والفايت اللي فات ما احدٍ يرده = مثل امس مايلحق عليه اليوم

لو ينلحق رديت عنوة ذلولي = يم الرفيق اللي ماغير علوم

يوم انها جت عند ابو زيد حاجتي = ومبادل الحاجات بين القوم

ليته تعذر لي وانا ضارب الفضا = طلاب فضل ولا عليه لزوم

ماراح يضحك بي على غير واجب = ياوي والله سالفه وعلوم

انا ليا جوني مراسيل لازمه = اطيح قدم عيونهم واقوم

حتى يتم اللازم اللي عليه = وانا على اللازم عصا سلوم

ماني هزيلٍ عن لزايم لزومه = يذريه ما يذري دويم الدوم

والا يحل بكل حيله نجاته = وليا انقفل باب النجاه يعوم

واللي نصيب رجال ماهم هلايم = قالوا:كذب ونكسر اللهزوم

ماهم مناديلٍ على ماهقا بهم = خلوه بس يطير العيسوم

وانا تردا بي رداننٍ مكرر = وجنبته الشرهة يطيح اللوم

افعال عمد ولاتجي من جهاله = يمكن لها من خلفها داحوم

والا نصب بي عند خله وظله = يلعب عليه لعبة المبروم

يقصر بي ايام وليالي طويله = عادي علي بتركة المرحوم

هو ما درى اني سمةٍ تفجر النحر = سمة يداوي سمها المسموم

لا ولعوا نار الفتيل قبالي = ولعت نارٍ خصمها مهزوم

الله ومر تقوى العوارف شرها = نارٍ دهوم وراسها قدوم

اعرف مضاربها والاحق لهبها = لا ولعت يظهر لها الزيزوم

وليا نشب بين شفتيه لسانه = اصبح ينادي والجدا معدوم

راجع ضميره وين لابسه الخطا = وبيا مبرر ها الخطاء مدعوم

ما للخطا بين القبايل قابل = ياللي عليك الحايمات تحوم

الا جبانٍ مانقل هم السعد = ومر الكبود اللي عليها يزوم

هاذاك شاه ومن بغاها بالفلا = لا جزا بحسناها ولا مجروم

انا اللي اوفي للرجال حقوقها = والحر عن حق الحرار يشوم

احسب حساب الميل قدام افعله = وليا فعلت الميل سمته سوم

وجهت فيه رجال وارخصت الحلال = قدام اعرض بكرتي هيف السموم

واللي يشوف الميل يبني له سنام = عليه من ميله مثل شط الردوم

فلاح يحصد مابذر من كل نوع = الهيل هيل ليا جنا والثوم ثوم

واللي مكذبني يبي العلم الصحيح = يشن غارات الخطا ماله يموم

حتى يجيه اللي على حقه غيور = لو ذب له قرطوع من دم البهوم

مايفهم الا ليه يوم انك تطيش = هذي مراقيع الهيام انت مهيوم

بك علةٍ صرما وعلى الله اجرها = لاطبت منها ماتجاهلت السلوم

رافقت في وجدان واحسان وضمير = واصبحت بين الناس حاشم ومحشوم

هذا وانا اصلي واسلم كل حين = على النبي اللي من الميل معصوم