مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   واليوم يانواف قم وأفرق السوم=حيثك نسل حرن له العز شاري (http://www.alfredah.net/forum/threads/alfredah20807/)

ذيبان 18-05-10 03:30 PM

واليوم يانواف قم وأفرق السوم=حيثك نسل حرن له العز شاري
 
الشاعر :

لافي عبدالعزيز ابالعون الحربي



ياطير أمانه..وأنت تدري ومحشوم=وش الأمانه عندنا وأنت داري
ان الأمانه حقها شي مفهوم=وأنا الذي ياطير فيك أختياري
ياطير حول الشبك ماأنته بملزوم=أكفخ بعيد وهز صمت البراري
ياطير ماتفزع لي اليوم بالحوم=صوب الشمال وصوب طلحه مساري
دوك الرساله وأنتبه علم وعلوم=يفهم رموز الحرف كاتب وقاري
نصيت تاج الطيب ضايق ومهموم=رأس المعالي هامتي ياأفتخاري
ياعزوتي ينصاك من حارب النوم=ياهامتن للعز..للعز..ضاري
أنت الشموخ الي للأجيال..دبلوم=من جامعة شرواك ..وقع قراري
هداج تيما..جامعن كل مقسوم=يستاهل كحيلان ستر العذاري
هو شيخنا الي لانطق يسكت القوم=تاجن على الباقين رأس الضواري
يزعل ويرضا من زعل ياعسا دوم=جعل الزعل يبدأ حضور أضطراري
ماني مجامل ليه أجامل لو اللوم=اللوم نفسي ليه طاعت قراري
هذا فعل يمناي وحصان ويقوم=كبوة جواد ومن تحتها أعتذاري
أخطيت وآبن آدم بشر غير معصوم=وأعلنت لله توبتي وأنكساري
واليوم يانواف قم وأفرق السوم=حيثك نسل حرن له العز شاري
جيتك عسى ظلك لنا دايم يدوم=وأنت الملاذ وذخر من جاك ذاري
فيك أتذرى والذرى فيك منعوم=يادرعنا من دون حد الشباري
نسل الامير الي له المجد محسوم=جازي له البيضا بروس السواري
وساوسه سقم العدو سيف مسموم=عزالرفيق الي من الضيم ساري
وأنخاك ياهجاج..في جوي غيوم=تلبدت لي في سماي ومداري
مدري مقاديري أنا ناتج اليوم=مدري ضمير الذنب يقدح شراري
اعاهدك باللي له نحج ونصوم=اني على نفسي عزمت أنتصاري
أشوف بكره للأسف طيف وحلوم=وأبغى سند وأنت السند فيه أماري
بدلت حالي كني الجسم بهدوم=وقررت أكافح لأجل أرد أعتباري
من نفسي الي للندم ترسم الزوم=وأنا أنتظر أول بدايه بنهاري
أنا بوجهك ياعضيدي من اليوم=تكفى ترأي اليوم طال انتظاري
يزها ولد جازي على الطيب مرسوم=تاجن على من كان طيبه تجاري
العمر يفنى والفعل ذكره يدوم=ماكر حرار وكسر جول الحباري
طيبن لحاجة يعتبر طيب مذموم=الا أنت طيبك في ظلامي مناري
طيبك من أصل الطيب والساس مختوم=ابشر وتم وجاك ودونك يداري
وأنخاك ياهجاج مابعدها علوم=الا أنها بالبرد تزداد ناري
والله يجبر بالعزا كل محروم=من ينحرم كسب الثناء ما يجاري
وأعداد ماهبت لواهيب وسموم=وأعداد مايروى سند للبخاري
صلوا على خير البشر وأقروأ الروم=سوره تهدي بالنفوس الطواري

عايض المقطع 19-05-10 01:40 AM

رد: واليوم يانواف قم وأفرق السوم=حيثك نسل حرن له العز شاري
 
صح لسان الشاعر: لافي على القصيده الجميله،
وصح بدنك ياذيبان على اضافتها.


الساعة الآن 04:27 PM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52