|
على الجسر عارضته يبي يدخل البحريـن= وأنا مختّم أوراقي .. دخـول السعوديّـه على الجسر عارضته يبي يدخل البحريـن= وأنا مختّم أوراقي .. دخـول السعوديّـه عرض لي على فكسار زيتي موديل 2000=جروح الغرام الميّتـه .. عـوّدت حيّـه ولكن على ما قيل مقفـي وهـم مقفيـن= لو إنّ المولّـع .. بيـن هـذي وهذيّـه شخصني بـ/ عين ٍ كنّها السيف ابو حدّين= وأنا أقول : يالله منـك رحمـه وماويّـه ولا عاد عندي غير وحده مـن الثنتيـن= أغض النظر ؟ والا أتراجع عـنّ الجيّـه ! يورّا لي إن القيد قد طـق فـ.. الرجليـن= ولا عاد تمسك طـارة الموتـر .. ايديّـه غشاني من الله .. رهبة التايـب المسكيـن= الى شاف عمره .. كنّه الشمـس والفيّـه عزاي السنين اللي مضت خمسة وعشريـن= حلالاه .. لـو أقضـي حياتـي رفاهيـه سنينٍ تقافت مع بعضها بـ.. لمحـة عيـن= عليها القصايد .. كلّبوها : ( وداعيّـة ) ! رسوم المحبّه ما انمحت .. لو يطول البيـن= لها في ضميري .. ختم أمـارة , وجاهيّـه حسيبي على الفكسار .. ومورّد الخدّيـن= بروا حال / من حاله من الـودّ .. مبريّـه |
رد: على الجسر عارضته يبي يدخل البحريـن= وأنا مختّم أوراقي .. دخـول السعوديّـه (الاديب ابو راكان المتذوق للمعاني الجزلة اشكرك على اختيار الرائعة المرهفة وياليت كتابت اسم الشاعر ( وسلامتكم ) |
رد: على الجسر عارضته يبي يدخل البحريـن= وأنا مختّم أوراقي .. دخـول السعوديّـه يعطيك العافية على القصيدة الجميلة روعة في الانتقاء والاختيار شاكر لك وليت اسم الشاعر كان موجود اكرر شكري لا خلا ولا عدم |
| الساعة الآن 10:38 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir