ياناشدن عني تراني بلزام = عرق النفود اللي جنوب الزبيره
اما نشوش مع الطواريق ياحزام = ولاا نتراجع للصفوف الاخيره
للعز ياوضحن شعتني بدرهام = ماشفت حلياها بشبه الجزيره
وضحن مزايين وثمينات وحشام = من يقدر يغطك ياشمس الظهيره
عوايدك بالزين تحطيم الارقام = لامن كل قام يشعب بعيره
جرد الرقاب وبالغوارب تقدام = طوالن مشاربها وروسن كبيره
وان زرفلت كن الوطا كله الغام = من قو ما فيها سطر تستثيره
تلقى الخروفه باول الطرش قدام = على الحداوي والغنا مستطيره
والشيخه اللي عذبة كل سوام = متغطرسه والهرش تهدر هديره
لو قلت وشهي رغبتك يم برشام = تقول ابي نايف ولا احتاج غيره
نايف ولد جازي وللذود مقدام = حي القبال وحي ذيك العشيره
شيخن على الطولات صامل وجزام = زيزوم ربعه والمراجل كثيره
به هيبة الفارس وله زول ضرغام = عقب الشيوخ اهل الفعول الشهيره
قومن لها شيمة على مر الاعوام = حماية التالي نهار المغيره
المجد ما جابوه في وقت الاختام = جابوه غصب وبالسيوف الشطيره
قومن لهم بين العرب خير الاقسام = كم(ن) عقيدن ذوقوه الكسيره
حرب الكرم حرب الوفا حرب الاكرام = اهل النقا واهل الوجيه السفيره
ومعزبي نايف له اخوانن احشام = مثل الحرار الندر المستذيره
والمسك والريحان والكادي اختام = ياهيلعن يم الثريا مسيره
ويالله يامرسل محمد بالاسلام = طول لنا بعمره وكثر بخيره

حرب الكرم حرب الوفا حرب الاكرام
اهــل النـقـا واهـــل الـوجـيـه السـفـيـره

ومعزبـي نـايـف لــه اخـوانـن احـشـام
مـــثـــل الـــحـــرار الـــنـــدر الـمـسـتـذيــره

ونعم فيكم
صح لسان الشاعر / فهيد بن مطلق المطيري