مجالس الفرده - الحـاجـه الـلـي نبيـهـا لازم نطولـهـا

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - الحـاجـه الـلـي نبيـهـا لازم نطولـهـا (http://www.alfredah.net/forum/threads/alfredah19767/)

الحـاجـه الـلـي نبيـهـا لازم نطولـهـا

يسعد صباح المـدارس والشـذى والعطـور=كم حلوة(ن) هـب هـذا الصبـح مريولهـا
ويسعد صبـاح الحقيبـه والكسـل والفتـور=لـو زودتهـا كتـاب تطيـح مـن طولهـا
ذا مدخل الحـي والاّ ذي حديقـة زهـور!!=هالـدرب ضيّـق لكـن الـدار بنزولـهـا
من جـد لامنهـم قالـوا السعـه فالصـدور=لـو قلتهـا تصـدق الكلـمـة ومدلولـهـا
من قبل عشرين عام ونيـف كانـت بـدور=تجـي هنـا آخـر الحلـوات بوصولـهـا
متمايله كـن الارض اللـي تحتّهـا تمـور=والاّ مهـي شايلتهـا يمـي.. رجولهـا

وانا انتظرها واطير من الفـرح والسـرور=لـي جـات الله جات..ويبتسـم لولـهـا
يسمع ابوهااخوهـاإن كلمونـي اثـور=جايـن ليّـه اناطـب ماتروحولـهـا
ومرات اجي جنبها..واطيح كني امعثـور=حتى تطيـح الكتـب والـم مـن حولهـا
وترمي عليّه رسايـل شوقهـا فـي سطـور=مـرات تجرافهـا.مـرات كشكولهـا
شقاوة اطفال.مدري طيش مدري غـرور=الحـاجـه الـلـي نبيـهـا لازم نطولـهـا
كبـار كنّـا بياديـنـا زمــام الامــور=وصغـار صرنا..نحسّـب ردة افعولهـا
كنّـا نقـول البعـيـدة ياتـجـي ياتـغـور=صرنـا نقـول البعيـدة دونـهـا زولـهـا
كانـت إرادة تغيـر فـي ملامـح عصـور=صـارت علينـا العصـور تحتّـم حلولهـا
تدرون ....ما ودي ازعج هالبها والحضـور=لكـن معـي كلمتيـن ارتــاح واقولـهـا
غصب(ن) يكون الصباح اللي صحيتوه نـور=وكـل(ن) طـوت لـون ليلتهـا فمجدولهـا
وغصب(ن) على الارض لو قالوا تلف وتدور=تستعجل الشمس تصحـى لجـل تصحولهـا

(((((الشاعر / طلال نايف)))))