مجالس الفرده - يوم ارسل الحد الجنوبي وصيـه

الله اكبـر كبـرو ياهـل الشـان
يوم ارسل الحد الجنوبي وصيـه
من معركة حرب النشاما بجيـزان
وصوت القفوش ونغمة البندقيـه
ومن الجبال الشامخه فوق دخان
اللـي وراهـا ترمـي المدفعيـه
ومن الرميح اللي على حد جحفان
نقصف عدو الديـن بالمروحيـه
جيش الصحابه مابدى فيه نقصان
الديـن واحـد والمـوارد مليـه
دستورنـا يامـة الخيـر قـران
علـى كتـاب الله وسنـة نبيـه
ياشيخنـا ياشيخنـا ياكحيـلان
ياصاحب النفس الصدوق الزكيـه
ياللي على يمناك حطيت سلطـان
والنايب الثانـي علـى الداخليـه
امر وتلقانا علـى الحـد سيـان
لجل الوطن نارد حياض المنيـه
بالارض دبابه وبالجـو عقبـان
وعلى البحر تجري ريـاح عتيـه
مال العدو عن مخلب الحر مزبان
(تخّطفه) شهب الضواري عشيـه
حنا شبوب الحرب لو كان ماكان
وحنا سهوم المـوت للرافضيـه
وحنا هل الوقفات يوم اللقاء بان
وحنا هل العادات واهـل الحميـه
والله واللي فارض خمس الاركان
انّا عليهـم كالسيـوف المضيـه
ماهو غرور الا تواضع وعرفـان
خوف ورجى وايمان واخلاص نيه
اخوكم رائد طيار/محمدلطيف العنزي