|
ولاتخيـب هقـوت اللـي تهقـواك لا تفرح إن الوقت أسعدك وأعطـاك لابـد مـا سـود الليالـي تبكـيـك دنـيـا تقـلـب علـهـا مـاتـولاك تمسي عزيز وتصبح مـن الصعاليـك إلى أقبلت تخفي عيوبك عن أعداك وإلى أدبرت تظهر عيوبك لأهاليـك اغنم من صروف الدهر كانه امداك قبل اللحد عن ظاهر الارض يخفيـك وتـرى التشكـي للمخاليـق يشنـاك يحط من قـدرك ويفـرح أمعاديـك وكثر التشره يجعل النـاس تجفـاك ولاعاد تلقـى بينهـم مـن يخاويـك ولا تمادى في زعـل مـن ترضـاك مادام جاء عاني على شأن يرضيـك والجاهـل احـذر لاتجادلـه يـبـلاك في كلمـة بيـن المخاليـق تعميـك والهرجه العوجى لـو أنـه تنصـاك حـاول تجاهلهـا وخـلـه تعـديـك ولاتخيـب هقـوت اللـي تهقـواك مادام جاء بيـن المخاليـق ناصيـك واحذر تهزا يافتـى بخلـق مـولاك تشوفهـا باقـرب قريـبٍ يوالـيـك ولاتفرح بزودٍ على الحق وان جـاك زودك ترى نقصٍ على حق ذوليـك وخل القناعـه ميـزةٍ مـن مزايـاك مـع القناعـه كـل شـيء يكفيـك وان جت لك الدنيا على غير مشهاك أصبر ترى بالصبر تـدرك أمانيـك لا تأمن الدنيا تـرى الوقـت فتـاك لجا القدر كثر الحـذر مـا ينجيـك |
قصيدة اكثر من رائعة ..وكلماتها اروع .. دمـــــــــــت ســــــــــــــالمن |
وكثر التشره يجعل النـاس تجفـاك=ولاعاد تلقـى بينهـم مـن يخاويـك ما يجيب الا الجزلات رائعة كلها حكم ومواعظ صح لسان من قال وصح بدن من نقل |
صح السان شاعر القصيده الجميله التي في ابياتها نصح وحكم وبيض الله وجهك انا شهد انك أخترت قصيده من أروع ماكتب كتاب الشعر شكراً لك |
كنانه عميد المجالس ذيبان ابن مطيع دمتم بخير وشكرا لكم على اطلالتكم الغالية وحضوركم الراقي |
صح لسانك على القصيده الجميله |
تسلم يمينك على النقل الرائع قصيده جميله |
صـــح لســــاااان شاعرها وســــلم بناااان ناشــــرها تحياتي اخي منصور ومشكور على الجهود الجبااااره ولاهي غريبه عليك |
| الساعة الآن 09:26 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir