بسم الله الرحمن الرحيم

الباقي الله والفنا للطوايف =سبحان من بيديه كل التصاريف
دنياك يا الغافل تراها كسايف =لا بد من عقب المغازي مناكيف
متاعها لو طاب جرف مهايف =تقبل وتقفي ما تجيلك على الكيف
دنيا تزول ولاعليها حسايف =بس الرجال اللي عليهم تحاسيف
بعض البشر لو مات موته خفايف =ان مات ون مامات ماله مواقيف
ماينفقد غير ابلجن مثل نايف =لاضاع هرج مصففين السواليف
يوم الفشق له وندقه والقذايف =الخوف ماله وصط قلبه تجاويف
قلبه جزوم ليا انثنا كل خايف =ماهو برعديدن يجي له تراجيف
ليت الفدا عنه الرخوم الهدايف =اللي بغيبات المقفي شواحيف
ماهم فقيده جعلهم بالذلايف =صقاط خلقن للمخازي مغاريف
مرحوم يانايف صبي الكلايف =عز الخوي والجار ومكرم الضيف
عسى المقر بجنة الخلد كايف =والله يبيحك يابناخ المخاليف
يالله ياللي بالمخاليق رايف =عمه بلطفك ياوسيع المحاريف
وعسى عوضنا بالصقور الخلايف =اللي مواكرها طوال المشاريف
عياله اللي للمراجل ولايف =وفي ساعة الحاجه سيوفن مراهيف

بعض البشر لو مات موته خفايف ++++ان مات ون مامات ماله مواقيـف ماينفقد غير ابلجـن مثـل نايـف ++++ لاضاع هرج مصففين السواليـف