لا يا ( حبيبي) .. الزمن لا يخليك=تقسى على قلبي وتسقيه سِمِّك !
[ دِ نْ يـَ ا كْ ] هذي , لا تغيِّر مباديك=مهما إستطعت الظلم إعدل بحكمك !
ما هي غريبه من يذمِّك يماشيك=لكن غريبـــه يمدحك من يذمِّك !!
ما كل واحد غاب معناه ناسيك =بعض البشر ينساك لو كان يمِّك !
أدري تعزني .. اللـه يعز غاليك=وإن كان لـي عندك معزَّه بضمك !
في خاطري كم كلمةٍ : عن تجافيك=وإن شفت دمعاتي إنزَلَت .. حط كمِّك !
إسمك حبيبي ويا كثِرها أساميك=وقلبي يفز .. لا جابوا الناس إسمك !
غايب بدون أعذار .. ربِّي يجازيك=عطني سبب مُقنع حبيبي .. وألمكّ !
همِّك , جنونك , ضحكتك , كل ما فيك=صوتك , سكوتك , وأرجع أقول : هـ مِّ كْ
[ لبيــه ] منِّك غير .. لمَّا أناديك=كن الكلام العَذب ... مرساه فمِّك !
مهما غلوك قلوب ناسٍ حوالــــيك=أغليك أكثر منِّهُم بس .. لعلمك !
أبوك , خالك , إختك , أخوك , ماضيك=ربعك ، جميع النـاس, وعيـــال عمِّك !
شايف غلاهم لِك .. أكثر أنا أغليك=واللِّي وِصَل ( نِص الغلا ) يمكن أمّك

المشاركة الأصلية كتبت بواسطة $$طلال الحمــاد$$ (المشاركة 115852) وفقت في الاختيار ...مشكور

همّك ؛ جنونك ؛ ضحكتك ؛ كل مافيك=صوتك ؛ سكوتك ؛ وارجع آقول همّك
لبيّه منّك غير لمّا أناديك=كلّ الكلام العذب مرساه فمّك

مستفعلن مستفعلن فاعلاتن=مستفعلن مستفعلن فاعلاتن

المشاركة الأصلية كتبت بواسطة نواف بن راشد (المشاركة 116084) همّك ؛ جنونك ؛ ضحكتك ؛ كل مافيك=صوتك ؛ سكوتك ؛ وارجع آقول همّك لبيّه منّك غير لمّا أناديك=كلّ الكلام العذب مرساه فمّك مستفعلن مستفعلن فاعلاتن=مستفعلن مستفعلن فاعلاتن على بحر المسحوب # والمرسى فم المحبوب وكلك نظر يابن مطيع