|
قصة صارت معي !!!!!! بدون مقدمات هذا طول الله أعماركم واحد من أبناء هذه القبيلة الغراء (( حربن هل اللّقوات ... )) تطوّر وحط له موقع يعني : (( تمنطر )) واقرب ماله التاليه : على العموم أبرجع لقصتي ، قام معي أسد من أسود حرب يسمّى : بدر بن عبدالله بن سبيل الظاهري من بني سالم القبيلة المعروفة ، المهم قام معي الرجال قومة رفيق ، لا والله قومة أخو ، وبيّض الله وجهه ، قمت أنا بدوري ومن باب (( فان لم تجد ماتجزيه به فادع له )) وتهيّض الخاطر ببيتين قلت فيهن :
خلاص يابن اعقيل قم طف الانوار = مادام بدر بحيكم مايبي نور بدر الشكاله والفخر نسل الاحرار = بدر بدر بالمرجله كمّل الدور كمّل ووفّى وايضا وولّع النار = نار الحجاز اللي على وقت طاغور بدر بدر أقولها سرّ وجهار =ريّس ولد ريّس وعمه وهامور وبعد بعد لو قلت ماني بمحتار = يالظاهري نادر وفارس ودكتور حلالها لاوقّفت والخوي بار = ورجالها لاصار للمرجله شور عدّل وبدّل وانتهت كل الاخطار = مشكور!! ماهي شي لا قلت مشكور واحد وحط بجنبها ستة اصفار = بدر بدر لو غاب ناصر و منصور |
تكملة القصة وقمت بعد من باب الفخر بابن عمي بكتابة هالبيتين على ذلك الموقع المذكور لأني لقيت فيه مدح بالصوت والصوره لأشخاص من غير القبيله فتأملت خيرا ، زي ميقولون ، وقلت ان هالبيتين بيحطونهن على الصفحة الرئيسية ، وابرسل عليهم وابقول لا حطوهن مع مواضيع المدح الأخرى ، واللي حصل !!! انشالن من الموقع مع العلم أني ماسبيت أحد والابيات مثل ما شفتوا . والمشكله راع الموقع معرفه ولي عشر اسنين ماشفته وحصل اللي حصل ، وقلت :
ياهلا يامرحبا ياعسى المولى يعين = مبتداها مبتدا والخبر ماله مكان المعاني واضحه ماخفى لازم يبين = ياتصاريف القدر ياتصاريف الزمان يا أوادم يابشر ماتجي دنبا ودين = الجبل يشكي جبل وأصبح القاسي ليان انتحر ليه انتحر ياشواعير القطين =الدلايل علمها ماوصل برّ الأمان نحمد الله نحمده كل ماخربت تزين = خلها في دربها خلها دانه ودان الموادع واللقا استوت للعارفين = وانتهت في وقتها وسط ذاك المهرجان |
صح لسانك اخي نواف واشكرك على وقفتك مع ابن عمك ولاهي غريبة والله يعطيك العافية ولك تحياتي |
صح السانك اخي نواف قصائد راااائعة |
مشكوووووور على القصيده وياهلا فيــــــــــــــــــك |
رد
أهلا هلا في حرب ربعي وناسي=وأكبر فخر لا قالوا اني ولد حرب
مع تحياتي للفريدي mazel و f15 و ابن مطيع |
ًصح لسانك والنعم فيك وفي بدر |
ماعليك زود ياقرناس |
| الساعة الآن 09:29 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir