بيت أعجبني عن ألف بيت

صح بدنك اخوي طلال

شاكر لك الاطلالة الجميلة

تسلم يمناك على اضافة القصيده الرائعه،،،
مبدع اخوي زاهر في اختيارك ونقلك دمت بود،،،
تقبل تقديري ومروي.

المبدع هو انت اخوي عايض في مرورك وتعليقك

شاكر اك

... اغنم زمانك قبل جمع المكاسيب= = يا سعد منهو بر في والدينه

...شكر ا ً لك على هذه النصيحه الله يثيبك عليها

... اخوك / مبارك بن ناصر بن حديد

شاكر لك اخوي / مبارك بن ناصر بن حديد المرور

شكــرا(ن) دبــل ياشــوق شقــراء الذوايب=الجــادل اللي ينهــب القلــب زينــه
أتـحفـتـنـــا فـي نــادرات الغــرايــــب=علــى أختيــارك للبـــيــوت الـثـمـيــنـــه

هلااابك اخوي قرناس خامس

شاكر لك المرور والاضافة

لاصار ماتاقف مواقيف رجال=والله خساره فيك ذبح التمايم

والله مايقهرك ياكود حاجه******** لاصار في وجهك حيا وانت محتاج

عليك الفرج يالله ياحى ياقيوم .... سلطان الهاجرى


عليك الفرج ياالله ياحي ياقيّوم
إلهٍ عباده كلها تلفت يمّه

الا يارفيقي والله انه عداك اللوم
انا اللي علي اللوم في ذمتي ذمه

ولكن سامحني ترى العلم فيه علوم
ولا يفرح اللي بيننا ينقل النمه

حصل ماحصل والعبد يصبر على المقسوم
يدور الزمان ويخلف العزم والهمه

(طرات الرجل لا لحقه من الزمان هموم
ما يدري بسده كود خيرة بني عمه)

وسيع البنايد في الشدايد قوي عزوم
لعظك زمانك شال همّك مع همّه

وانا والله اني ماتهنى بحلو النوم
ورفيقي عليه هموم الايام ملتمه

اشيل الحمل منه واحطّه علي واقوم
مقام يورد مظمي الما على الجمّه

لكن الزمان الشين ظالم وانا مظلوم
على الهون ياللي تمدح الوقت وتذمه

تهب الهبايب والسفن في البحور تعوم
وتقفي بها صلف الهبايب عن اليمه

هبوب تصلفها وبحر وسما ونجوم
وموج تقفاه العواصيف وتزمه