رد: بيت أعجبني عن ألف بيت
 

فوحت دمي لين صار أشقر اللون
وأخذت من مجراه فنجال دله

ماغير أغني فيك لو كنت مغبون
يا مل قلبي من غرامك يا من له

دايم ضحايا العشق لإجله يضحون
كم فاض من كثر الضحايا سجله

وأنا غديت بحكم فاتن ومفتون
راضي بحكم الحب والحكم لله

وأن قام يكبر بيننا شاسع البون
أرفق علي وشاسع البون قله

عزالله أن الشك ماهوب مامون
سيف الجفا البتار يمكن يسله

رد: بيت أعجبني عن ألف بيت
 

تاخذني الغربه من الأمس لليوم..
واتوه بين ايامها والليالي..

وابحث عبث عن بسمة انسان محروم..
يمكن الاقي للسعاده معاني..

وانزف صبر واستسقي جروحي غيوم
..لين السنابل تحتضر في كياني..

وانا انتظر يتنفس الصبح ويقوم..
ليت الصباح المنتظر مانساني..

ينفض بي الظلما ويقعد بي النوم..
ويسيح في كاس الظلام وملاني..

الوقت يرمي عذقي المثمر هموم..
واعطيه من عذقي كثر مارماني..

عمر الأمل ماغير بشي مقسوم..
وعمر الحزن ماسد باب التهاني..

عذر البحر ماقال للخايف يعوم..
وعذر الشواطي ماتحب المواني..

امسح بكفين الأمل دمعة اللوم..
وان جف حلمي غيم حلمي سقاني.

وان مر حزني يوم جال الفرح يوم..
وبالابتسامه صرت اساير زماني..

مافيه احد محروم لو كان محروم..
مادام يقدر يبتسم لو ثواني..

رد: بيت أعجبني عن ألف بيت