بيت أعجبني عن ألف بيت

بـعـض البـشـر طـبعـه مـقدر ومحشــوم
وبـعض البـشر عـيـبـن علـيك إحـتـرامــه

الـلي سـتـر عـيـبـه عن الـنــاس بـهــدوم
وش يـسـتـره لاصـار عـيــبــه كـلامــــه

جرحي اللي في ضميري ماهو باسباب الحبيب
لو هو من خلي كتمته وبسكوتي اجرعه

السبايب من زمانٍ عشت به كني غريب
كل جرحٍ من يدينه في خفوقي يزرعه

ياما سوّابي و لايم للهموم وتستجيب
وكل همٍ يالفاني الف همٍ يتبعه

وانا صبري ماتزعزع من بعيد ومن قريب
خيّب الله كل نفسٍ تستلذ الزعزعه

والله لو صدري تحشرج من زماني مستصيب
ل(امسك) ضلوعه بكفي وكل ضلعٍ ل(نزعه)

يازماني والله اني مانحنيت ولاأخيب
والشموخ اللي سكني مااظنك تطلعه

حتى لو ظلك جفاني أنا راضيبك لهيب
جهّز همومك وصدري هو مكان الموقعه

دامها حربٍ ضروسٍ فانا لهمومك حريب
وكل همٍ ياحربْني يبي يلقى مصرعه

.إليا تواضعنـا بلشنـا بالاقـزام،،، واليـا تكبرنـا مـلام ٍ عليـنـا

لكن تعلمنا من صـدوف الايـام،،،من عقب جربنا ورحنـا وجينـا

اللاش مثل الصفر بحساب الارقام،،،حطه يسـارك لاتحطـه يمينـا

الزمن يمكن يغيّر شخص ماله أي قيمه
بس مايقدر يغيّر واحد عنده " مـباديْ "

يمشي الواثق ويجنح للدروب المستقيمه
ويقضي "المهزوز" عمره بين خلق الله غاديَ !

الخيل فـي طبعهـا عجلـه وجماّحـه ،،
وليا عسفها سنافي القوم تخضـع لـه ،،


والجادل إللـي نمـى بالصـدر تفاحـه ،،
ياوجد عينـي عليهـا لا أقبلـت وجلـه ،،


تكفون قولوا لهـا لا جـات مرتاحـه ،،
لك صاحبٍ من رحلتك فاقدٍ عقله ،،


روفي بحالـه قبـل فرقـاك تجتاحـه ،،
ودموع عينه بعد غيبتـك .. تشفـع لـه ،,

من صار لي في الرخا عبدٍ وانا عمه .. لا جاء القسا صرت له عبدٍ وهو عمي

ياما تمنيت اني اعمى ولااشوف ** لاصاربعض الشوف غبن لراعيه

ياشينها لاضاق صدرك وفحيت = ثم جاك خبل (ن) قال يالربع كشته

بيت من قصيده لي

قالوا علامك ضايق الصدر ملهود = قلت البلا خل (ن) ذبحني غيابه

من نظمي

بلاي خل(ن) زايدن في عناده = أثر العناد يدمر الحب ياسعود

يحرم عليه يوم أذوق السعاده = من حول الخدمه على خط موجود

من نظمي