|
في كفها خاتم هذي قصيدة لكل من ظن أن الجمال بالمظهر ولم يعلم أن الجمال جمال الروح في كفهـا خاتـم وفـي خدهـا خـال وفي عينها غيـم وعمـارات وبيـوت الخال شفته واضحٍ مـن ورى الشـال والخاتـم المـاس مرصـع بيـاقـوت والعمر في العشرين كنـي مانيـب زال والجسم كنه من جبـل ثلـج منحـوت جبـل ولكـن لا طرقـه الهـوى مـال وخطواتهـا ماهـي بالأمتـار بالفـوت ماهي تشوف الشمس من ظل الاظـلال ومصيافها مـا بيـن لنـدن وبيـروت الشمس لو تشرق على جسمهـا سـال كنهـا مجسـم محلبـيـه وبسـكـوت ومن صغر مبسمها شقى حالها الحـال ما تاكل الا اللـوز والخـوخ والتـوت ماهي تشوف النـاس تمشـي وتختـال ومرٍ على جاكور ومـرٍ علـى حـوت وخدامتيـن وهـي بـلا زوج وعيـال وسمعتهـا تدعـي الدريـول يياقـوت وثـلاث جـوالات مـاهـوب جــوال ومن يوم خلقـت كـل شـيٍ بريمـوت لكـن قلبـي مالهـا فـيـه مثـقـال وش قرب البشت الحساوي من الكـوت ياجعلهـا للـي خـذت قلبـي نـعـال اللي غلاها عنـدي الشـرب والقـوت حوريـةٍ مـن فوقهـا الليـل شــلال كنهـا صبـحٍ فوقهـا الليـل مكتـوت قلبي لها من كثـرة الشـوق مشخـال وللسر عـن كـل المخاليـق تابـوت تنحت لي من الحب في القلـب تمثـال وحبي لها ينحت على الساحـه بيـوت فـي عينهـا ماكـل رجـال رجــال وأقصى حدود الوصل في سلمها الصوت زودٍ على القلب وعلى الحسن مـن آل روسٍ لهم روسٍ على متونها بشـووت الى رضت موتوا يا أهل روس الأموال وإلى زعلت جربت وش سكرة المـوت من دونهـا رجلـي وراكـب وخيـال والسيف والأمواج والبحـر والحـوت |
رد: في كفها خاتم اخي فارس القصيدة جميلة اختيار رائع ووصف شامل لكن مدح مبالغ فيه تسلم على ذا الطرح |
رد: يا صاحبي لاتحسب اني مجافيك =ولا تحسب الصد مني تغلي أخي فااارس مرورك معطر بالاشادة كيف أحيي الجرح إذا حيا اشتد ألمه تسلم من الجروح وغيرها مرورك متميز لك الشكر الجزيل |
رد: في كفها خاتم أختي ميس الريم مرور رااااائع وأطراء جميل ولكن بخصوص المدح هل هو زياده أو نقصان أقول الشمس لا تغطى بجلباب |
رد: يا صاحبي لاتحسب اني مجافيك =ولا تحسب الصد مني تغلي تسلم ابن مطـــــــــــيع على المرور الجميل وبارك الله فيك وفي عمرك ألف شكر لك |
رد: يا صاحبي لاتحسب اني مجافيك =ولا تحسب الصد مني تغلي صح لسان الشاعر خالد البريكي وسلمتي على الاضافه ياصاحبة القلم المبدع. |
رد: لاصرت بايعني أشوفك على خير رائعه من روائع شاعر المشاعر الشاعر الرائع محمد السهلي،،، تسلم يمناك على الاضافه يابوعبدالله. |
كـلن نهـار الـعيد عـايد حـبيـبه 000 والتم شمل اهل القلوب المواليف كلٍ نهار العيد عايد حبيبه وإلتم شمل اهل القلوب المواليف وانا حبيبي غايب الله يجيبه ياحسرتي ان كان انتهى العيد ما شيف مصيبتي ياكبرها من مصيبه لا شفت غيري في اناسه وتكييف فرقا الاحبه ياجماعه صعيبه تالي العهد في صويحبي العام فالصيف ياوين اشوف اللي اوصافه عجيبه ويلي عليه ولو لحقني تكاليف ارف قلبي منه يبري لهيبه لمشاهده ياناس يستانس الكيف جله نصيبٍ لي وانا من نصيبه هذا منى قلبي ومن غيره امعيف المستريح اللي حبيبه قريبه ماهوب مثلي عيشته بالتكاليف من لامني في الزين ربي حسيبه تلوم قلبي في مليح التواصيف شفت العذل ما اطيع ماهي غصيبه ماتدري ان راعي الهوى قلبك صخيف الشاعر: علي القحطاني. |
رد: يا صاحبي لاتحسب اني مجافيك =ولا تحسب الصد مني تغلي ميس الريم قصيدة في قمة الروعة وتسلمين ع النقل الرائع تقبلي تحياتي،،، |
الــــــــــــبارحة الـبـارحة ربي كتب لي ومريت دربٍ عليه بروق الاحباب لاحت جيت المـكـان اللي جمعنا وخفـّيت وقامت جروحي للجوارح وصاحت يــا لـيـتـنـي في لـفـة الـدرب زليت كان العيون من الدموع استراحت إلتــم غـيـم الـدمــع مـن يـوم لفيت وورقا القصيد لشوفة الغيم ناحت وضحكت ماابغي الناس تدري يابلفيت لــكـنـها غــصــبٍ عــن الـعـيـن ساحت حارت دموعي في عيوني وصديت وأرمشت ابيهــا مـا تبيّن وطاحت وعقبـه برق فالعين براق واسقيـت خــدي و ونـاتـي بـصـدري تـلاحـت وأنا احسب إني في فراقه تعافيت وإن عبرتي من مدخل الزاد زاحت اللي يحسب إني عن البعد سجيت ولا إن عـيـوني لـلـرقــاد استباحت يا ليتني من قبل لا أحبـه أقـفـيت ولا إن دروبي عن دروبه تناحت أهـون علي مــن البـكى والتناهيت وأشلى من سدودٍ على الناس باحت عرفت كيف الحي يفرق عن الميت وعــرفت قـيـمـة نـعمتي يوم راحت قــولــوا لــه اني عقب بعده تدانيت ورجلي عن دروب المعافين شاحت البعد نـــار وطاعــة الـعـذل كبريت يقصر على بعده ترى الكبد فـاحت الشاعر: محمد أبن فطيس |
| الساعة الآن 03:27 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir