مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   بيت أعجبني عن ألف بيت (http://www.alfredah.net/forum/threads/alfredah14340/)

علي الجضعان 10-09-10 11:19 AM

رد: راح الكريم الي به الجود والخير.....عشرين ليله والعشر يتبعنه
 
ابوحمد الف شكر على النقل الموفق

والأختيار الرائع وجهود تشكر عليها

مع طلبي بالتنسيق مستقبلاً

سهم الفريدي 10-09-10 12:13 PM

مايــــــقود الــوجة مـــذهبهم
 

ابشرك مايقودالوجه مذهبهم
ولايرفع الراس من هذي سواياهم
ماهم رجاجيل لو طالت شواربهم
ولاهم اجـواد لو الكل ينصــاهم
حمامهم طار من فرية مخالبهم
وغربانهم من طمان النفس ترقاهم
حاضرهم ان جاع ياكل لحم غايبهم
واقصاهم الياشبع من فضلة ادناهم
اكذبهم اصدقهم واصدقهم اكذبهم
وارداهم اطيبهم واطيبهم ارداهم
ياصاحبي لاتحسب اني مصاحبهم
لاوالذي في يديه الموت واحياهم
ماهم لي اعدا ولاني من حبايبهم
ولاهمني لو يحطوني من اعداهم
مهما تحدوا فلا والله احاربهم
ماهم كفولي من شان اتحداهم
مابي رضاهم ابد وان كان يغضبهم
غضبهم افضل من اني اطلب رضاهم
ينعاف غيم تسوقه لي هبايبهم
وينعاف ضو يجي باسباب ضوضاهم
اذا خسرت المبادي يمكن اكسبهم
وبيعتهم بـ ... تغنيني عن شراهم
وانا ادري ان البلا من راس شايبهم
عـفنٍ مـخلي نظـرهم عـند ماطـاهم
لو هو رجل كان عـلمهم وادبهم
ماكف يمناهم ولا مد يسراهم
ماقول الا ياعل الله يذهبهم
والله يعمي بصرهم كان ماعماهم
قريتهم واحسب اني اقدر اكتبهم
وكتبتهم واتضح لي ماقدر اقراهم
ليت العصافير تدري قبل تشربهم
ان الدغاليب عيشتهاعلى ماهم
وابشرك ماحد يقدر يعاتبهم
الاالذي منهم وفيهم وشرواهم

الشاعر
فيصل الطوالة

تحياتي
سـهم الفريدي

ميس الريم 10-09-10 05:29 PM

رد: راح الكريم الي به الجود والخير.....عشرين ليله والعشر يتبعنه
 
من صام بايمان الوجيه المسافيـر=طارت ذنوبـه والغثـا زال عنـه
جزاه لو صامه على غير تقصيـر=يصيرمولـود السمـان اغسلنـه



صح لسان الشاعر
شعر جزل
تسلم ابو حمد على النقل الجميل


غازى بن عجاب أبوزوايد 10-09-10 07:05 PM

رد: مايــــــقود الــوجة مـــذهبهم
 
اخوى


سهم الفريدي


صح لسان الشاعر فيصل بن طواله



وسلمت على مانقلت من الجزل



تحياتي

ابـن مـطـيـع 10-09-10 08:20 PM

لكن تعال وخـل عنـك المعاذيـر
 


كل عام وانت بخير وايامك بخيـر = لايابعـدهـم كلـهـم ياغنـاتـي
انت بحياتي شي ثاني عـن الغيـر = تقدر تقول : اجمل حدث في حياتي
انت الفرح انت الوفـا والتباشيـر= انت امنيـه لا والله كـل امنياتـي
دايم افكر لو خسرتك وش يصيـر = وقول دايـم جعـل قبلـه وفاتـي
من قبل اعرفك ماحسبت المخاسير= واليوم شفني ماخسرتـك واحاتـي
اذا افترقنا بطلبك مطلـب صغيـر = لاتزورني بيـن النعـاس ومباتـي
اخاف لاجوني طيوفـك مساييـر = قلطهـم قلبـي تعشـوا ممـاتـي
ماقلت لك طبع الوجيـه المسافيـر =ماتغيب وان غابت ليالـي وتاتـي
يعني اذا بتغيب من غيـر تفكييـر = ترجع قبل لا ينكسـر لـك ثباتـي
ولا اخذني معك من وين ماتسيـر = مدامك الدرب الطويـل بجهاتـي
لو نفترض اني وصلت السما طير =احوم حومة حر والريـح عاتـي
المشكلـه انـي بليـاك ماطـيـر = لانك جناحـي للمطيـر ونجاتـي
الطيحه منك تترك اسنيـن تأثيـر = من قال لك ماراح تشمت عداتـي
لا والله الا طيحة الدلو في البيـر = ياكبرهـا منـك الملـم شتـاتـي
وص انت قلبك يذكر الحب بالخير =ولا انـا والله لقضـب وصـاتـي
امانتك .. في داخلك شوفني غيـر = وامانتي .. لقربـك قـرب ذاتـي
من كثر ماخانت غـلاك التعابيـر = معاك احس اصدق كلامي سكاتـي
لكن تعال وخـل عنـك المعاذيـر = شفني شسوي وسو عقبي سواتـي
ارفع يديك لمـن يـرد المقاديـر = وردد ورايـه ماتقولـه شفـاتـي
كل عام وانت بخير وايامك بخيـر=وانا معاك اعيـش باقـي حياتـي
ثـامـر شبـيـب


ابـن مـطـيـع 10-09-10 11:02 PM

رد: سعد بن جدلان
 
صح السان الشاعر ابن جدلان وصح بدنك اخوووووي الجارح

طلال الحمـاد 11-09-10 12:08 AM

رد: سعد بن جدلان
 
نعم اسطوره
صح لسانه ولسانك
تقبل خالص مروري

طلال الحمـاد 11-09-10 12:21 AM

رد: مايــــــقود الــوجة مـــذهبهم
 
روعه روعهابيات في غالية الجمالتقبل خالص شكري

عايض المقطع 11-09-10 04:40 AM

رد: لكن تعال وخـل عنـك المعاذيـر
 
لله درك يابن مطيع،،
قصيده رائعه صح لسان الشاعر ثامر وصح بدنك على الاضافه،،
تسلم ويسلم ذوقك الراقي.

غازى بن عجاب أبوزوايد 11-09-10 04:48 AM

رد: لكن تعال وخـل عنـك المعاذيـر
 
اخوى


ابن مطيع


عافاك الباري على النقل الجميل الجزل



وصح لسان الشاعر ثامر شبيب على القصيده الرائعه



تحياتي


الساعة الآن 12:52 AM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52