بيت أعجبني عن ألف بيت

مشكور اخوي فااارس من ذوقك الطيب
مشكورين ع المرور

الشاعر / ( فهد بورسللي) :



سلموا لي على اللي سم حالي فراقه
حسبي الله على اللي حال بيني وبينه
قايد الريم تاخذني عليه الشفاقة
ليتني طول دهري خاتم في يمينه
آه وا قلبي اللي راح مني سراقة
تل حبل المودة وانقطع في يمينه
بالهوى طاح ما بالراس عقب الحماقة
اتشهد واسمّي لا خزرني بعينه
الردايف تشيل الثوب عن حجل ساقه
مثل برق تكاشف لاكشف عن جبينه
زاميات نهودة يوم زرر شباقة
مثل خوخ مخدد(تَوْهُمْ)قاطفينه
لا ذكرت الليالي اللي مضت و الصداقة
عوّد القلب يرجف مثل رجف المكينة
عقب ماهو نديمي صار شوفه شفاقة
الله أقوى على عشر مع أربع سنينه
اشتهى عشرتي وأنا عشقته عشاقة
في زمان مضى واليوم ويني ووينه
__________________

اخوى


الصقر الجارح



بارك الله فيك والله لايهينك على الاختيار الجميل



تحيتي

مشكور اخوي غــــــــــــــــــــــاز ي

هذي قصيدة للشاعر:خلف بن هذال
عندما كان خارج المملكة في احدى الدورات التدربية
يقول فيها:

الكنـق والله كنقنـا ياهـل الكنـق
كنق الشرف ماهي سواليف ومزوح
يحكم بحد السيف ماصـدر الشنـق
راع المظالم قدمـه البـاب مفتـوح
قالوا تعرف السنق قلت الغنا سنـق
ربابتي جلد الحويـر علـى اللـوح
قلت البكا قالولي اسمه كـرا ينـق
هذي دموعي تسقي الخـد وتفـوح
تخنقني العبراتـساعة مشـى خنـق
لكن مافي دمعـة العيـن مصلـوح
ياللي ضحى السبت سافر على بنق
يحفظك ربٍ بالسفينـه حفـظ نـوح
ليتك تسلملي علـى ناحـل العنـق
سلام روحٍ تشرح الحب عـن روح
حب الغضي في لنق والكون في لنق
وانا اشهد ان اللي سبالعقل مملـوح
إ ن سأل قله بيـن ميـدن وريدنـق
وان مانشد عني مجمـل ومسمـوح

مشكور وعساك دايم بالوجود شاكر ذاكر

اخوى


فارس الفريدي


الشاعر خلف هذال شاعر غني عن التعريف



صح لسان ابو هذال وسلم يراعك على مانقل



تحياتي

مشكور على النقل رائع
تحياتي لك

صح لسان الشاعر الكبير: خلف بن هذال ،،، وتسلم يمناك على النقل ياخوي فارس.

ذيب ٍقنب في عـــاليات المراقيب
غصبٍ وقفت وشدني في قــــنيبه

وش لي بمرقابٍ قنب فوقه الـذيب
وش لي بها لمرقاب وش لي بذيبه

يقنب وتقنب له ضلوعٍ مـــحاديب
تل الــــــرشا يومٍ قـــنب من قليبه

ونّفَض تراب المبطيه والـكراكيب
والمنبر المـــــهجور يبكي خطيبه

ماعاد هي لحية عقال ومـــواجيب
بشرب بكرما فاح واترك ســريبه

والغيمه اللي لي حـــدتها الهباهيب
ترعد وتبرق وانحدر به شـــعيبه

من طالب بحـقه تبــاعد عن العيب
والحــــق يفنى لاتـــــردى طليبه

بـشدها والغيب عند الله الـــــغيب
ومن شدها مـــــاردها لو مصيبه

والحمل لامنه ثقل شـــاله هــديب
وحملك ثقيلٍ وارتكاله هـــــــديبه

بشب ناري واحطب الهم تـحطيب
والـــــنار قيفان القصيد ولـــهيبه

قم يا فراش النارهات اليـــعاسيب
ما راح اعدد ..جيب منهو تجيبه

ما كل من شال البنادق يبـ..يصيب
ومن صار مرمى للبنادق تصيبه

والطلقه اللي نــاويتـني ولاتصيب
تدوش ويدي بـــالــزناد وقــريــبه

احدَب ودورفـ..النشامى عذاريب
مثل الذي يســـرح ولاشاف عيبه

للطِيب يدٍ كل مــــامــــدها طيب
مثل الانــاء الطَيب يفــوح طيبه

والاالردَى ماهوغـريبٍ ولانـــيب
مستـغربه منــك ولاهي غــريبه

دامك تدور فـ....القراح الدغاليب
وكلٍ على ما قيل يلقــــى نصيبه

وحكي القفـى ماتردفه شُمّخ النيب
وبالشرع حكيٍ من ورى الشخص غيبه

دع مايريبك واترك الشك والريب
واقضب على اللي مايجي منه ريبه

والشيب ماعذرب رجالٍ بها شيب
والشعر الابيض بالرجاجيل هيبه

والضيف مايامروينهى المعازيب
ولاأنته عقيد القـــــوم وألا الرقيبه

والشعرله شاعرومعنى وتـهذيب
ولاتنفعك ذيك العجوز ونــــــحيبه

والزيروشهي قصته وقصة كليب
ومحصن القلعه وقـــصة قتيبـــــه

ماودّي هموم الــــحنايا ولا اجيب
والصدر درع ٍوالمضارب عطيبه

والليل مسيار القسى والتــــعاتيب
والهم خيمه والـــــــــــزوايا كئيبه

ذيب ٍقنب في عـــاليات المراقيب
غصبٍ وقفت وشدني في قــــنيبه

وش لي بمرقابٍ قنب فوقه الـذيب
وش لي بها لمرقاب وش لي بذيبه


الشاعر

فيصل اللويش


تحياتي
ســــــهم الفريدي