مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   بيت أعجبني عن ألف بيت (http://www.alfredah.net/forum/threads/alfredah14340/)

فريدي وفي 12-07-10 10:58 PM

رد: عليك الفرج يالله ياحي ياقيوم""
 
صح لسان الشاعر سلطان الهاجري

وسلمت أناملك اخوي المشتاق على الايراد

شاااكر لك

ميس الريم 13-07-10 12:56 AM

رد: عليك الفرج يالله ياحي ياقيوم""
 
تهب الهبايب والسفن في البحور تعوم
وتقفي بها صلف الهبايب عن اليمه

صح لسان الشاعر /// ويسلم من نقل الشعر


علي الجضعان 13-07-10 02:12 AM

رد: عليك الفرج يالله ياحي ياقيوم""
 
المشتاق الف شكر على الاضافه

ومشتاقين لمشاركاتك الرائعه

وياهلابك

المشتاق 13-07-10 05:08 PM

رد: عليك الفرج يالله ياحي ياقيوم""
 
اقتباس:

المشاركة الأصلية كتبت بواسطة فريدي وفي (المشاركة 159797)
صح لسان الشاعر سلطان الهاجري

وسلمت أناملك اخوي المشتاق على الايراد

شاااكر لك

شاكرلك مرورك
وتفاعلك الجميل اخوي فريدي

تقبل تحياتي


المشتاق 13-07-10 05:10 PM

رد: عليك الفرج يالله ياحي ياقيوم""
 
ميس الريم """"""""""""""علي الجضعان


شاكرلكم مروكم وتفاعلكم الرائع

شرفتوا صفحتي



الغرام 26-07-10 04:19 AM

رد: بيت أعجبني عن ألف بيت
 
أكبر قهر }*~
لا مرّك إنسان تغليه

وناظر...
بعينك ثم قفى
وخلاك ..

الغرام 26-07-10 04:24 AM

رد: بيت أعجبني عن ألف بيت
 
× كلـــي عيوب × ومعجبتني عيوبي ..!
وأنا عيوبي عند غيرك
× مـــزايا ×

الغرام 26-07-10 03:13 PM

رد: بيت أعجبني عن ألف بيت
 
عــز القـصـيد وزاعـلـتـنى حـروفـه

من يوم غاب اللي قصيدي ... مهاويه

الغرام 26-07-10 03:14 PM

رد: بيت أعجبني عن ألف بيت
 
شرب على غير الظما يجرح الكبد..!!

وحب على غير المودة خســـــارة،،

الغرام 26-07-10 03:15 PM

رد: بيت أعجبني عن ألف بيت
 
تدري وش أكثرـر حـآأجــه تستفزّڪ
و تطيح فـي قلبڪ و لـآـآ يمكن تطوف


وآحـد ، قبل شهرمـرّرره ! يـ ع ـزڪ
و ألـيؤوم ! يمرّڪ بس مآأ كنّــه يشوف !

الغرام 26-07-10 03:16 PM

رد: بيت أعجبني عن ألف بيت
 
ما اقول لك مخطي ولا اقول غلطان
أقول انا فـيك الظروف اخذلتني
مانت اول اجروحي ولا أول انسان
غالي ومن شوفته ظروف احرمتني
في قلبي جروح وتباريح واحــزان
وعلى الصبـر دنيا الشقا علمتني
الله معك وانس الذي بينـنا كـان
غلطه عليك اشواق نفسي رمتني

الغرام 26-07-10 03:17 PM

رد: بيت أعجبني عن ألف بيت
 
هـــلي الجدايل ظــلليني عـــن الشمس
داري جــبيني عــن لهيب الســـمومي

لا تســـــــاليني عن عذاب مضى امس
انـا نصيتك هـــارب مــن هـــــــمومي

ما تـلمسين الجرح في مهجـــتي لمس
جــــرح الهوى ما يــخفينه هــــدومي

يظهر على صمتي ويــنزف مع الهمس
وبالدمعة بفضح بقـــايـــــــــا عـلومي

الغرام 26-07-10 03:18 PM

رد: بيت أعجبني عن ألف بيت
 
كسبت بعد الطيّبه جملة أعجاب

ناسٍ على شرواي تفرك يديها

وقريت بنفوس الحواسيد ما طاب

من الفلق و الناس واللي يليها

وما جبتها يا كود من جهد وأسباب

والطيّب اللي غايتـه يحتويهـا

الغرام 27-07-10 04:00 AM

رد: بيت أعجبني عن ألف بيت
 
جيتك غلا يا مشغل الفكر كله
جيتك وكلي للقا حيل عطشان

جيتك حبيبي والغلا في محله
و زود الغلا في بحر الاشواق غرقان

الغرام 27-07-10 01:36 PM

رد: بيت أعجبني عن ألف بيت
 
وصلت حدي بالغلا كيف ما اغليك
كل الكلام مقصر لا يطولك

من كثر ما احبك أعاندك وأراضيك
أغار من كل اللي يعزك وحولك

الغرام 27-07-10 01:40 PM

رد: بيت أعجبني عن ألف بيت
 
مآغيرُ آّنآإظرُ بِ آلخَلآيًقُ تسًليّ ~ ...............

وآلله آعُلمّ خآإفقًيّ وشً مُزآإجًـه ..!

الغرام 27-07-10 01:42 PM

رد: بيت أعجبني عن ألف بيت
 
ماعاد لي حيله على ملك الأشواق
مشاعري وأشواق قلبي (املكـــــــــوني)

الشوق بلوى والوله صارسراق!!
ويمك أحاسيس المحبه (دعــــــــوني)

مشتاق لك مشتاق مشتاق مشتاق
لكن ظروفي عن لقاك (ابعـــــــــــدوني)؟؟

الغرام 27-07-10 03:06 PM

رد: بيت أعجبني عن ألف بيت
 
حــبـك شــريـتـه يــوم انــا بـحـاجــه لـلـحب
والـيـوم ما ابيـعـه لــو يـسـاوي عـيـونــي..:

الغرام 27-07-10 03:08 PM

رد: بيت أعجبني عن ألف بيت
 
ياحبني له.../ وياويلي على شوفــه
ياوجـــد روحــي ..عليـه ويابري حآلي ..
آصدق لـيا قلت مالكني بمعروفه
وآكذب ليـا قلت ,,مايطرى على بآآآآلي

الغرام 28-07-10 03:30 PM

رد: بيت أعجبني عن ألف بيت
 
قلبي..إلا منّه شرى قلب..ماباع
وإنت هالله هالله فيه..والعمر موقوت

اسمع أشعاري في الهوى وارخ الأسماع

ياللي غلاك بـ تربة القلب مكتوت

الغرام 28-07-10 03:31 PM

رد: بيت أعجبني عن ألف بيت
 
ياكثر ماحبك وياكثرماغليــك
وياكثر مالك في ضمــيري معــــزه

أموت واحيا كل ماحل طاريك
ويفز لك القلب مــلـيووون فــــــزه

أنسى حياتي بس مانيب ناسيك
وأتذكـرك مابـين حـــــزه وحــــــزه

قلبي يحبك حـب بالحيل يغـليـك

وماحدٍ قــــدر للقلـب غيــرك يفــــزه

الغرام 28-07-10 03:33 PM

رد: بيت أعجبني عن ألف بيت
 
بين.. الأصابع ..سوالف حيل مجنونه
سمعتها... يوم يده عانقت ..يدي
إحساس ثاني
.. ومدري وش يسمونه
إحساس ضعت بحلاوة ضيعته حدي
واللي ذهب في
..
بسمه داخل عيونه
عزالله إني وراها رحت مع
جدي!!

الغرام 28-07-10 03:35 PM

رد: بيت أعجبني عن ألف بيت
 
الأمآكن ! يـ اللي تمليهآ عيـون
...........................ودّهـآ تعرف شعـورك
من معـه ؟

والكلآم اللي على شآنك ( يكون)
...........................
مآ يحــق لْ غيرك أحدٍ : يسمـعه !


الغرام 28-07-10 03:38 PM

رد: بيت أعجبني عن ألف بيت
 
تبسم واتركـ جروحكـ على جنب الزمن وارتاح
حرام تطيح من عينكـ على شان الزمن دمعـهـ

انا برجوكـ لاتزعل ولاتزيد الجـراح جـراح
تبسم واتركـ جروحكـ على شانـي بلارجعـهـ

انا ادري صعب لو تنسى ولاكن الامل ماراح
ولو راح الامل يبقى في تالي من الالم متعـهـ

الغرام 28-07-10 03:39 PM

رد: بيت أعجبني عن ألف بيت
 
مــسكين .. من هـو ..
يحتـرق ..
[ شوق ] .. في صـمت ..
لا نـآل.. مطلوبه .. ولا [خـاطره ] ..طــآب ..

أبن سعدية 01-08-10 11:13 PM

رد: بيت أعجبني عن ألف بيت
 
أخوي ناصر ابن راكب بداية بيت شعر ذعار بن قاعد

اليله الدنيا عليه فضاها= اضوق من الإبره على ناضم السلك

بداية البيت الذي قلت خطاء والصحيح اليله ؟


البارح الدنيا عليه فضاها =اضوق من الإبره على ناضم السلك

للشاعر// ذعار بن قاعد الفريدي

ابن مقطف 07-08-10 03:41 AM

رد: بيت أعجبني عن ألف بيت
 
لا غشاك الليل واسرف بك الحزن العميق ...........,,,, جنب وجيه البشر واسجد لخالقها

تحياتي

فارس ابن معلا 14-08-10 12:02 AM

رد: بيت أعجبني عن ألف بيت
 
كلّ ماأرهينا على الوضع ينحل ويزين غير شراع السفينة مهب(ن) ضدها ..


سعد بن جدلان

غازى بن عجاب أبوزوايد 19-08-10 12:20 AM

رد: بيت أعجبني عن ألف بيت
 
ايها الاخوه الكرام


اورد الاخ سعد بن هذيل


جارنا ماحشمته عندنا يوم* نرفا خماله رفيت العش للقار


الشطر الاول للشاعر رميح الخمشى


قصيرنا ماحشمته عندنا يوم* يزيد مع زايد سنينه وقاره

الياقزت عينه قزينا عن النوم* والشيخ مايرضاعليه الخساره

اما الشطر الاخير فهو من قصيده الصقري الشيخه


للإيضاح تم النشر مع تحيتي للجميع

؛؛ فهد الفريدي ؛؛ 21-08-10 02:11 AM

رد: بيت أعجبني عن ألف بيت
 

بعض الاوادم معرفتها تجاره = يغنيك عرفه عن كثير الدنانير

وبعض الاوادم معرفتها خساره = مامن وراها غير زود المخاسير

يقطعك رجل (ن) ماعرف حق جاره = ويهدمك بيت(ن) مالفوا له مسايير


للشاعر / غازي الرويلي ’’

طلال الحمـاد 24-08-10 05:42 AM

اكبر قهر لامن تبسمت مقهور
 
ثمّن كلامـك فاتحـن فمـك .. مسـرور
واحشم مكانك . . منت قاعد بسكـره !!
ماينجبر كسرك . . ولـو كنـت مجبـور
كسر الجبر أهون من اصلاح . . كسره !!
وجبر الكسير احيان . . بيديـن دكتـور
وكسر الجبير احيان . . باسباب جبره !!!
ياصاحبي والشعر . . جائـز ومحظـور
حتى المجاز احيان . . يجبرك حظـره !!
ولاجت قصيدتها . . تتالو على الـدور!!
شخصن يهني . . وشخص بالغ بشكـره
مثل القماش اللي (( تطارحبه )) الثـور
والثور هايج . . وانت ثورن من أسره !!
بعض البشر . . يرفع مقامه عن البـور
والبعض الآخر . . هو من ايحط قدره !!
وشخصن يجرك من غلا حرف . . مجرور
وشخصن على الويلات . . يكسرك جره!!
وشخصن تعادل غيبته .. حشمة احضور
وشخصن حضوره ماوزن ربع . . ذرّه!!
أكبر قهر لامن تبسّمت . . مقهـوووور!!
إكظم قَهَرْك . . وخل ضحكك .. لقهره !!
واللي يبي الطولات . . لاشـك ماجـور
والا الحقير ادري بنفسه . . اتحقـره !!
وادري العيون الحور . . تفرق عن العور
مثل الغنـي يومـه يقـارن . . بفقـره
ماقول يا شعري وانـا صـرت مشهـور
هذي الفرايـد جتـك يالشيـخ !! زفـره
شاورتهـا قالـت : خفايـف ولا اتثـور
وهذي غلاها . . مثـل خيطـن بمكـره
مسرح رجولة شخصـك اليـوم بالـدور
إخراجها فاشل . . وانا ابصم بعشـره !!
مشكور!!؟ . . إيوالله .. من قلب مشكور
ماطاح رجالـن مـن العيـن حسـره!!
والا الخبل . . مايستره لبـس مستـور!!
الشـق واضـح لـو تغطـى بستـره !!
والتربيـه ماهـي قلـم خـط واسطـور
واللي ربا باقـذار . . طينتـه قـذره !!
شخصن توده . . قبل ينطق على الفـور
وشخصن من اول كلمتينن . . اتخسـره
بعض البشر . . قدره كما وزن عصفور!!
والبعض بحرن والكرم . . مـوج بحـره
يلزم تكون ف بعض الاحيان . . مغـرور
لأن الغرور بحضرة اللآش . . حقـره !!
ماهمنـي طـرد الغوانـي مـع الحـور
أنا اهتمامي صعب توصـل لحصـره !!
والا انت ياجاهل . . مسامـح ومعـذور
من كلمتـن والدافـع اشـره .. وأشـره
هذي القوافي جتك ياالشيـخ .. بالـدور
واعرف بداية كل بركـان .. جمـره !!!!
صحيح انا مانـي علـى الـرد مجبـور
حبيت اوضح كل شخصن . . وقـدره !!!
.......
منقول

عايض المقطع 24-08-10 06:50 AM

الــغـــرس
 
القربه اللي تخر الما ولا تمســــك
مثل الصديق الذي يوشي على أصحابه

فصل صديقك على مقياسك ولبسك
وخله يفصلك لامن فصل ثيابـه

أبغاك تفهم صديقك فهمك لدرســك
وابيك تدرس معه وتذاكر كتابـه

ون كان محتاجلك لاتبخل بفلســك
وساعده لامن نهشه الوقت بنيابـه

واحذر معه لا تدور مصلحة نفســك
خله هو العين وأنت الرمش وأهدابـه

ترى صديقك ضياك أليا أشرقت شمسك
تغيب شمس السعادة لحظة غيابـه

اغرس معاني الوفا ثم اعتن بغرسـك
تجني من الغرس محصولٍ من أعنابه

ون كان صاحبك ذا يمشي على عكسك
جنبه يا صاحبي تســعد بجنابـه



للشاعر: عبدالله الدوسري.

ابـن مـطـيـع 24-08-10 07:08 AM

رد: الــغـــرس
 
صح السان الدوووووسري وصح بدنك يا ابو عبد الله

سهم الفريدي 24-08-10 02:47 PM

الشاعر سليمان القصيري الحربي
 

بوقت الجهل عقالنا الضحـك قالـوا عيـب=وبعد مـا فهمـت تقولـي عيـب الأيامـي
أحد ياصـل الستيـن مـالاح فيـه الشيـب= وأنا شبت في واحد وعشرين مـن عامـي
رصيدي قبيلة حرب ماهـو رصيـد الذيـب= حـرامٍ عليّـه بينهـم عـضـة إبهـامـي
حزامي ذرايه تـاج راسـي رجـال الطيـب= ومادام باقـي راس حربـي هـو وسامـي
فدينـا الخـوي بأرواحنـا بالليـال الشيـب= وتنشّد نويشـي عـن محطمـة الأرقامـي
طرقت الصحيح وصح وأبعد عـن التعقيـب= وعلى كل سطـر وحـرف وقعـت ببهامـي
دام الصدق ساس الطيب والكذب ساس العيب= عن الصـدق مـا والله تزلـن يـا قلامـي



عايض المقطع 25-08-10 03:08 AM

رد: الــغـــرس
 
مشكوووور على المرور ياخوي مشعل ،،، ولاخلا ولاعدم.

منصور الوسوس 25-08-10 03:33 PM

رد: الشاعر سليمان القصيري الحربي
 
صح لسان الشاعر المبدع / سليمان القصيري
وسلمت اخي سهم على هذا الاختيار
تقبل وافر التقدير

علي الجضعان 25-08-10 03:41 PM

رد: الشاعر سليمان القصيري الحربي
 
صح لسان الشاعر سليمان القصيري

وتسلم ياسهم الفريدي على النقل

ابـن مـطـيـع 25-08-10 04:26 PM

رد: الشاعر سليمان القصيري الحربي
 
صح السانك ...والسان الشاعر
على الأختيار الرائع والحصري

*ابو تركي* 25-08-10 05:24 PM

يمرج مع البيدا إمـراج الخريشـة
 
ياراكب اللي يوم تسمـع وشيشـه***وشيش رقطاً ذيلها بالعصاء نيـش




قامـت تحـك جنوبهـا مستهيشـة***وتبين أنيـابٍ سـوات المناقيـش





يمرج مع البيدا إمـراج الخريشـة***إلى أمرجت بين الوحش والنواحيش




من عقب ماهـي للمنايـا وليشـة***بين الصقور ومبهمـات النواتيـش




حيت حياة اللـي بتالـي الحشيشـة***عقب الدرك شرب القراح النقاريش




جمسٍ يربح كل مـن حـط شيشـة***يتعب بتعبيتـه طـوال الخراطيـش




إلى وقف يكوي الكبـود الغشيشـة***وإلى مشى ما يلحقه مومي الريـش




برقٍ من العارض جذبنـي رعيشـه***يوم يتـلالا بالمـزون المراهيـش




وأثره ما يسقي الكبـود العطيشـة***يبرق ويرعد مير مدري على ويش




لا تحتزم باللي ضلوعـه هشيشـة***اللي ليا سمع النداء صـد تطنيـش




لا تحتزم به لـو تحيـزم بخيشـة***ما يقطع الدِيان ركـض الأكاديـش




وبيتٍ بليا سـاس مثـل العريشـة***يطيح لو لمـع ببويـه و ورنيـش




وجرد السهال الخاليـات الوحيشـة***اللي تطوى في شجرهـا الحنافيـش




أخير من ضله ،،، وبعض المعيشـة***يعافها الطيب ،، ويفرح بها الديـش




وقال المثل مامن ورى طلع بيشـة***عيشة وراس الضبي ما به عراميش
الشاعر عبد الله ابن زويبن الحربي

غازي الفريدي 25-08-10 09:23 PM

رد: يمرج مع البيدا إمـراج الخريشـة
 
اشكرك ابو تركي على الاضافة الجيدة

لا كن القصيدة هي

لشاعر الكبير

عبدالله بن زويبن المعمري الحربي


الساعة الآن 05:54 AM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52