صح لسان الشاعر العلم


عبدالله بن زويبن المعمري الحربي


وسلمت يميناً نقلتها وأضافتها للمنتداء



تحياتي

أنواع الحب


حبٍ يشيّب صاحبه ما بَعَدْ شاب =وحبٍ يشيب وصاحبه في شبابه


وحبٍ يغيب وصاحبه ما بَعَدْ غاب=وحبٍ يدوم وصاحبه في غيابه


وحب يذوّب خافقٍ ما بعد ذاب=وحبٍ يداوي صاحبه من عذابه


وحبٍ يتوّب خافقٍ ما بَعَدْ تاب= وحبٍ يزيدك رغبةٍ في الكتابه


وحبٍ حياته كلّها لوم وِعْتاب= وحبٍ حقيقي ما يضرّك عتابه


وحبٍ بلا معنى وحبٍ بلا اسباب = يبدا غريب وينتهي في غرابه


وحبٍ ضعيفٍ مثل حبرٍ على كْتاب *** تمحيه دمعه في ثواني كآبه


وحبٍ قويٍ مثل قصرٍ له ابواب =لو هبّ عاتيْ الريح ما اهتز بابه


وحبٍ بداية رحلته نظرة اعجاب =واخر مطافه مثل يومٍ بدا به


وحبٍ يعيش بداخل قْلوب الاحباب =وحبٍ يشيع وكل حَيٍ درى به


وحبٍ مقامه في ضلوع الصَدِر طاب =وحبٍ يعدّي مثل مرّ السحابه


وحبٍ على قبره نعق بوم وغْراب=وحبٍ تغنّى به لحون الربابه


وحبٍ بمقدارٍ وحبٍ بلا حْساب =وحبٍ بمعروفٍ وحبٍ نهابه


وحبٍ يعيش أهله وسط داره اغراب =ويموت قهر ويندفن في ترابه


وحبٍ غدا سرّه سوالف للاجناب =وحبٍ يموت وصاحبه ما حكى به


وحبٍ يشيب وصاحبه ما بَعَدْ شاب= وحبٍ يشيب صاحبه في شبابه


مماراق لــــــــــــي

وحبٍ حياته كلّهـا لـوم وِعْتـاب=وحبٍ حقيقي مـا يضـرّك عتابـه
شكراً على حسن الأختيار
وصح السان الشاعروصح بدنك