لا صار قدري فـي رسالـه بجـوال = = وإلا إتصـال إقصيـر مـرّه ومــرّه
لاعاد ترسـل لـي ولـو بيـت ينقـال = = خــلاص رقـمـي لا تـحـاول تـفـرّه
مانيب مـن يطـرد سـرابٍ بترحـال = = غرّه سراب القيض من جـور حـرّه
بنسى غرامك دام وصلك لي محـال = = وقلـب العنـا بخفـي جـروحٍ تضـرّه
لا تحسـب أنـي فـي محبّتـك لا زال = = حبّـك نهيتـه عقـب مـا بـاح ســرّه
لأجلـك تحمّـل قلبـي هـروج عــذّال = = وأنتـه ولا هـمّـك وجـمـرك تـكـرّه
يكفي عذاب وهم وأحـزان وأهـوال = = وعـيـنٍ شقـيّـه حلـمـهـا بالـمـجـرّه
أبعد بعيد أرجوك لاتطري أوصـال = = وصلك عرفنـا ويـش خيـره وشـرّه
لازاد راس المال تمشي ورى المال = = واللـي كسبـتـه بـيّـنٍ لــو تـصـرّه
زولـك نميّـز مشيتـه بيـن الأزوال = = زرعٍ زرعتـه مـاكـل الــدود بّــره
رح في طريقك وأنتهت قصة أمـال = = حـلاوتـك بالـحـب يـازيــن مـــرّه
خذها وأنـا (محمد) بـلا قيـد وذلال = = هــديّــةٍ لا تـرتـجـيـهـا مــســـرّه
من باعنـي برخيـص ينبـاع برمـال = = مانـي علـى فرقـاه قصّـاص جــرّه