ياعنك يابن افطيس ماجاه عني=أني سجين الظيقه اللي ذكرها
أواه من كثر الهموم أذبحني=صالت على قلبي وهلت مطرها
قبل الغروب ابوقتها مانسني=ولايوم عدا ماغشاني كدرها
أثر الهموم ابكثرها يوجعني=ردت هوى قلبي ابقدحت شررها
كني كسيرن عقب كسره يوني=تقوست بين السنايف كسرها
مع طول وقتي ياعرب صاحبني=حتي تساوا حلوها مع مررها
كثر التجارب بالدهر مانفعني= جاهدت فيها والبلا من دهرها
أندم عليها عقب ماضيعني=أعوذ من ظيم الامور وقشرها
أمحسبن درب المراجل تمني=وكل من بغاله حاجتن يقتدرها
الوقت قاسي والظروف اتعبني=لو هو جمل من حملها ماقدرها
يضيق صدري والهموم ايحدني= والنفس ملت من عواقب قدرها
منيت نفسي لو ظروفي قوني=ولو كان من بعض الامور اتعسرها
من خوف لايلحق امن الناس ظني=اللي تذيع السالفه من خبرها
يفرج لي اللي عالمن مايكني= عالم خفايا برها مع بحرها