مجالس الفرده - المنصب النايف ونايف ولايف

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - المنصب النايف ونايف ولايف (http://www.alfredah.net/forum/threads/alfredah12435/)

المنصب النايف ونايف ولايف

قصيدة للشاعر نواف نهيّر العلوي الشمري بمناسبة تعيين النائب الثاني لرئيس مجلس الوزراء صاحب السمو الملكي الأمير / نايف بن عبد العزيز

المنصب النايف ونايف ولايف

تسمعـوا وقـروا جديـد الطرايـف
فرايد المعنى على حـق ومصيـب

يازين صـورة نايـف بالصحايـف
إن قلت حر من شطـار المخاليـب

حر الحـرار وطالـع لـه شوايـف
وإن قلت أسد يضرس بناب المخاليب

وإن قلت قايد قـوم للقـوم شايـف
وإن قلت شيخ من خيار المعازيـب

الهـم عالـي والسرايـر نظـايـف
السعـودة عنـوان .. لاللأجانيـب

وشلون يلقـى للسعـودي وظايـف
يهدف يحققلـك جميـع المطاليـب

المنصب النايـف ونايـف ولايـف
ماهو غريب إن كان نصّبت تنصيب

ابو سعـود يـوم يبـس الشفايـف
سبع على الصيدات يلتـف ويليـب

كان الشجاعـة بـالأوادم خفايـف
هو مودع الإرهاب شتـى جناديـب

شجاعتـه والله مـالـه وصـايـف
يدحم على جمع المعـادي لياهيـب

خلايـف يــاوي والله خـلايـف
نسل الشجاع اللي كفوفـه معاطيـب

اللـي ولاهـا بالسيـوف الرهايـف
والعدل والإيمـان والبـذل للجيـب

حبـك تبنـى بالضلـوع النحايـف
إيمر يجيك الشعب من غير تحسيب

الله لايـرحـم كـديـد الهـدايـف
جحادة المعروف شـلات تخريـب

اللي يبون الشعب حـزب وطوايـف
مافكروا وشلـون تبقـى العواقيـب

أمـن ولا بالشعـب يبيـت خايـف
شعب موحد ماضـي لـه تجاريـب

في عهد منهو والمواطـن حلايـف
عبدالله اللي كمل الطيـب بالطيـب

وولي عهده كيف صغفـي وكايـف
سلطان أبو خالـد نزيـة الأشانيـب

ياستاهل المدح ولد عبد العزيز