بداية كـل مسلـم ذكـر ربـه لبتـدأ بأمـرا=وأنا أببدأ بذكر اللي يسوق السحـب ثجاجـه
أبعرف على نفسي وساسي من أهل الصحـرا=أبويه مـا شـراء سيكـل ولافكـر بدراجـه
معلمني علـى الدلـة وشبـة نـاره الفجـرا=وكيف الرجل يضربه مثـل تيمـاء وهداجـه
نقش حب الرجولة في فؤادي منذو الصغـرا=عسى الله يحفظه ليه عمود البيـت وسراجـه
وأنا جايز جزاء الحربي ربوعي من بني عمرا=ليا من المـلا كلـن تذكـر درعـه وتاجـه
أصوغ البيت في لندن وربعي من وراء البترا=مسافـات تبعثـر شاشـة الجـوال وأبراجـه
أشجع نفسي بنفسي وأقـول أن الفـرج بكـرا=وأشجعها لجل رزقي وأعرف الناس هراجـه
وأنا أعرف الكسور اللي لها في طبنـا جبـرا=ولكن كسرت الخاطـر بليـا طـب منعاجـه
تمنينا ونـص اللـي تمنـى يالعـرب فقـرا=وأنا لي أمنية وحدة تخـص البيـت وسياجـه
أبي جميع حربي(ن) يشيـل الرتبـة الصفـرا=يفز أن قالـه حربـي نخيتـك باغيـاً حاجـه
يكب الكرسي وياقف شعر رأسه من القشـرا=ولا يلويلـك حنوكـه ولا يعقدلـك حجاجـه
يقول أبشر بعزك لو تجي داعس من الغبـرا=ولا يذيـك بالمنـة ولا يبلشـك بأزعـاجـه
حمية حرب في وجهه على وجه السعد تقـرأ=وأنا بحـب القبيلـة والقبيلـة نـار وهاجـه
وأبي جميع حربي(ن) يحوش الزرق والعفـرا=عطاه الله من فضله وغيـره نـاس محتاجـه
أبيه ان شاف له حربي نفذ من صبره الصبرا=وطواه الوقت ما تلقى في جيبه قيمة علاجـه
يحاول ينهضه حتى من أمراض الزمن يبـرا=عشان الفقر عن ربعي يقفـل باقـي أدراجـه
ولاني قاصر الفزعة عن المحتاج مـن بـرا=جميع البدو شفقانه علـى الطيـب ومنهاجـه
ولكن المدينـه حبهـا فـارق يأهـل شقـرا=وأنا أحب القبيلة لو يصـك البعـد مزلاجـه
مناصبنا ومتاجرنا تخلى ليـا أنتهـى العمـرا=ومعاريف الفتى تبقى نهار الضيـق مخراجـه
وأنا غامرت يوم اني قطعت الأشارة الحمـرا=ما أحب أعصابي تطول معي في وسط ثلاجه
وكل القصد أبي اليمنى تساعد بالشقا اليسـرا=كتبت النص والحربي عليه الفلـم وأخراجـه