مجالس الفرده - قالت ترى منت بحلوا ؟؟ قلت رجااااااااال

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - قالت ترى منت بحلوا ؟؟ قلت رجااااااااال (http://www.alfredah.net/forum/threads/alfredah11494/)

قالت ترى منت بحلوا ؟؟ قلت رجااااااااال

السلام عليكم ورحمـة الله وبركــاته

هـذه أبيــات أبــدع في تصويرهـا الشـاعر وحكـاها وصـورها بأفعـال
تحــدث في هـذا الوقــت وأترككم مع القصــيده واتمنى ان اشوف آراء ( الصبايا )
وأتمنــى تحــوز على رضــاكـم :

قالت ترى منت بحلو قلت رجـال=والزين ماهو من شروط الرجولـه
الزين يلقـى عنـد لباسـة الشـال=والرجل زين ان كان زانت فعولـه
قالت علامك تلبس شماغ وعقـاال=انت بدوي؟ قلت بدوي ومن حموله
ما ألبس بناطيل لها الوان واشكـال=وامتر الشارع بعرضـه وطولـه
قالت اجل راعـي معاميـل ودلال=شرب القهاوي تحسبونـه بطولـه
كيفي يابنت الحضر دلـه وفنجـال=وحليب خلفـه بالمـراح معقولـه
قالت ترى بنت البدو حظهـا مـال=قلت احذري حذرا تكوني جهولـه
بنت البدو يابنت مضرب للامثـال=فوق الجمال وطاعـة الله خجولـه
ماحطة اصباغ ولا حطت ظـلال=ولا سيرة بالسوق سيـر مهبولـه
هي مهرة تصعب على كل خيـال=وانتي ومثلك عسفهـن بالسهولـه
قالت تغزل بي وشف حبة الخـال=ناظر عيوني والرموش الكسولـه
قلت العفو مايجتمع حـب وهبـال=ولكـل ذوق فالمزاييـن رجولـه
قلتي وقلت وكلمة الصدق تنقـال ؟=الزين ماهو من شروط الرجولـه

الأبيات للشاعر/ مرزوق السلمي