توكلنـا وعلـيـه الائتكـالـه=الـه ٍ نعبـده جـلا جـلالـه
غفور ٍ يغفر اذنوب الخلايـق=والى ضاقت بنا الدنيـا نسالـه
رحيم ٍ رحمته تسبـق عذابـه=رجيتـك يـا الـه ٍ يرتجالـه
من الصكات فى وجه الليالـي=وانا سالي مع وقتـي ودالـه
صواديف الدهر ماهي غريبـه=تراودنـي وفكـري بنشغالـه
اشوف ان الزمن قاسي علينـا=وحنا من قساتـه فـى جهالـه
نعرف الحق لاكـن مانقولـه=لان الحق هو اصـل العدالـه
نعيش بضعف وامتنا ضعيفـه=مع المليـار مسلـم وحتلالـه
تشعبنـا وكنـا شعـب واحـد=وصار الشعب كلـه بنعزالـه
عن الواقـع نصـد ولانفكـر=مصالح ترتبـط فيهـا حثالـه
تجردنا مـن النخـوه وقامـت=اقصور اشباح تبنيهـا النذالـه
فقدنا كـل مانملـك ونحـزن=على اللي راح واعلن برتحاله
رحل عنـا التمسـك بالعقيـده=مع التوحيد فى كبح الضلالـه
وكتـاب الله مـع سنـة نبيـه=وحفظ الدين بيصال الرسالـه
هذاك العصرهو عصرالصحابه=ماهوب اليوم فى عصر المقاله
اذا شفنا العدو يبطـش كتبنـا=من الاعماق نشجـب ماننالـه
صواريخ الكفر تهـدم وتقتـل=تبيد اطفال وشيـوخ وسلالـه
على كل المحطـات انتفـرج=على اللي يهدم ا بيوت الثكاله
حقوق انسان والقانـون ينظـر=ولاكن الفعـل ياتـي سهالـه
الا يالقدس لـك فينـا محبـه=جنوب القلب ولا فـي شمالـه
محبتنـا غريـزه مستـمـره=ولايمكن يجـي منـا انخذالـه
نبيع ارواحنا من شـان تبقـى=ندافع عنهـا فـى كـل حالـه
قضيه جسـدت كـل القضايـا=نظام احزاب تحكمهـا عمالـه
قيادات لشعب ٍ بـان ضعفـه=وثوره تنبعـث منهـا الازالـه
صحيح انه باسم الاسلام قايـد=يخون الدين والكرسي خيالـه
لاجل يبقى على عرش التصدر=ولا يسئل حرامه عن حلالـه
الا تكفـون منهـو ويـن داره=يعوضنـا بطـارق ونعنـالـه
يقود المسلمين بصـف واحـد=تحت رايتـه مافيهـا احتمالـه
نسوق النفس لين النفس ترضى=بحكـم الله والديـن نحمـالـه
فلسطين اصمدي وابقـي ابيـه=لان النصـر قـادم لا محالـه
ترى هذي الحقيقه واعذرونـي=قصير الهرج يكفي عن طواله