اركد هنيا كان للشعر جمهور=واسمع صدى بوح القصيد وعقيده
ماهي بمدة شعري ان كان مايثور=ويكسر مفاهيم العقول البليده
لو كنت ماتفقه ولاتدرك الشور=إحساس شاعر من عناه وجديده
شريعتك وحده بها الدم منثور=وطبيعتك لو مانت عاقل حميده
صارت وصوفك للعرب طيب وحضور=وافنيت عمرك بين صيد وطريده
مشهور بالجزله ولا انته بمشهور=على بني جنسك تشب الوقيده
تثور بالغابه على فجة النور=ماهو عوج دربك على الصيد سيده
والابتسامه لو على وجهك تدور=دليل قاطع حان لليث صيده
وحكمك لو انه دون مبدأ ودستور=اخير من بعض العلوم الزهيده
وطنك مابه حسد واحزاب وشرور=وهذا ظلم هذا وجرد رصيده
ياسيد الغابه ربع قرن مغمور=زئيرك اللي كل عامٍ تزيده
ابذل وفاء وادمح خطأ وابني جسور=واسكت حيا لاهل الوجيه المجيده