مسابقة مجــلس المساجــلات الاولى

صح لسانك ابو فيصل
ولايأكـل إلا ماتحوشـه كـفـه................. صيده بكفه هـو طعـام أنيابـه
ابداع الله يعطيك العافيه

	بسم الله الرحمن الرحيم السلام عليكم ورحمة الله وبركاته يطيب لي ان ويشرفني ان اخوض غمارهذه المسابقة بما لدي من بضاعة وان كانت لاترتقي الى مستوى عمالقة المنتدى هنا , ولكن يكفيني فخراً ان اكون بجانب اهرام الشعر والادب هلا ياهجوس الشعر يامرحبا بالقاف=اشرّع لها البيبان وافتح مغالقها ارتب قوافيها واعدي بها المشراف=وعلى شاشة المحمول باكر انّسقها ولامن تكامل شدها ماعليها خلاف=ابروز لها بالنت صفحة والصِّقها قصيدة جديدة مثل ماينقد الصراف=وجزيل احترامي والتحايا ترافقها اشارك بها بالمنتدى والقلوب انظاف=قبل تعلن الساعة نهاية دقايقها اوصف بها الضرغام واقول قول إنصاف=على ساقة قرومٍ على الصدق منطقها اجاد الفريد الشاعر الفاهم العرّاف=ولاهان بن عجاب بيّن حقايقها اسودٍ تمَثّل بالاسد لين تقل ايشاف=وكلن يجيب من التماثيل صادقها صحيح الاسد حيوان لكن فعله ناف=مهابة مليك وكل الاخصام يرهقها ليا من زأر بالصوت جا للجبال ارجاف=دوي المدافع صيحته يوم يزعقها تهاوى الطيور ولايشيلنّه الاخفاف=ابا الاربع اللي لمحة الشوف يسبقها غروره من فعوله وبأسه شديد اوحاف=هذي صيدةٍ يغتالها وذيك يعتقها حكم غابته من دون حارس ولاسياف=بليا حكومه سلمت له بيارقها عرينه يزيّن سوره القرن والاضلاف=وعلى ساحته صف الجماجم معلقها وذكرت الاسد خطاب من جملة الاوصاف=بالافعال واللي عن جبينه يفرّقها ولكنّ فيه اشجع منه سيّد الاشراف=مهو ظاهره بالكون واقوى خوارقها قواه المهلل شال حمله على الاكتاف=وبنى رجم من روس الاسدّات واحرقها واشوفه زمان اليوم يعطى من الاعلاف=رهين الحديقة واحدٍ من مرافقها

أخوى العزيز
أبو بندر لاهنت على مشاعرك الطيبه وأتمنى أن أكون عند حسن ظنك لكن ( ما مع الماء مويهات )عظم العرب مازال بالمقدمه والله أبو عبد العزيز يستاهل ماخلا شىء ماقاله بالأسد
أشكرك على الوقوف أحتراماً وعلى خلع العقال تقديراً
شكراً على مرورك وإطرائك وكلماتك الصادقه
لكن أبو بندر أنا بلشانن بقايد الريم وأنت بليتنى بالأسد الله يسامحك مالقى بن جضعان غير الأسد مادور غيره يعني يعني ( جذوان ) من هالنوع ولا غزال ميخالف كله واحد لكن أسد مصيبه .....
تقبل تحياتي
تحياتي للجميع


ملاحظه : ذكرت أنه حمى الوطيس ويوجد أسدين بالساحه أين الأسود الباقيه؟؟؟

أولاد راشد أسود لكن ماشوف أحد ويش السالفه ؟؟؟

منصور الوسوس
هلا والله ومرحبا أكبر شرف مرورك يالوسوس وثنائك وإطرائك وعيال راشد كلهم أسود
تقبل تحياتي
تحياتي للجميع

الراشدى زياد
ياهلا ومرحبا تراحيب المطر تسلم يالغالى وشكراً على مرورك وثنائك
تقبل تحياتي
تحياتي للجميع

هلا ياهجوس الشعـر يامرحبـا بالقـاف اشـرّع لهـا البيبـان وافتـح مغالقـهـا
ارتب قوافيها واعـدي بهـا المشـراف وعلى شاشـة المحمـول باكـر انّسقهـا
ولامن تكامـل شدهـا ماعليهـا خـلاف ابروز لهـا بالنـت صفحـة والصِّقهـا
قصيدة جديـدة مثـل ماينقـد الصـراف وجزيـل احترامـي والتحايـا ترافقهـا
اشارك بها بالمنتـدى والقلـوب انظـاف قبـل تعلـن الساعـة نهايـة دقايقـهـا

كفو عزالله انك كفيت ووفيت ياكحيلان صح لسانك ....

اوصف بها الضرغام واقول قول إنصاف على ساقة قرومٍ على الصـدق منطقهـا
اجاد الفريـد الشاعـر الفاهـم العـرّاف ولاهـان بـن عجـاب بيّـن حقايقـهـا
اسودٍ تمَثّل بالاسـد ليـن تقـل ايشـاف وكلـن يجيـب مـن التماثيـل صادقهـا

ماعليك زود لاهنت ولاهان راسك تاج راسي

غروره من فعوله وبأسه شديـد اوحـاف هـذي صيـدةٍ يغتالهـا وذيـك يعتقـهـا
حكم غابته من دون حـارس ولاسيـاف بليـا حكومـه سلمـت لــه بيارقـهـا
عرينه يزيّن سوره القـرن والاضـلاف وعلى ساحته صـف الجماجـم معلقهـا

قمة الابداع والتمكن والله ...

ابو زياد
اهنئك على هذه القصيدة الرائعه المكتمله في كل شيء ...
لايهمني معرفة شخصية الشاعر بقدر ما اهنيء هذه المسابقه بشاعر مثل قامتك السامقه
فحياك الله وعلى الرحب
لاهنت لاهنت
...........

فكرة رائعة من أنسان رائع ابو عمر لاهنت بارك الله فيك

ومشكور كل من شارك ومازلنا نتطلع للمزيد من مشاركات الشعراء والتفاعل

ابو زياد لا هنت ولا هان إحساسك

قمة في الإبداع والتمكن

صح لسانك مليون

أعجبتنا وأطربتنا ، وختمتها بذكر الأسود .

لا هنت ،، لا هنت

ودم بالوجود

جواهر من النوادر تتوالى كلما رأينا درة قلنا هي الاجمل

فاذا بنا تقع ابصارنا على دانة اروع

فقد اضحى السيل متصلا والموج مترادفا والقصائد تترى

وأعناق القوافي تشرأب الى هذا المجلس

من شاعر المجالس خلف الى شاعر الغزل غازي

وصولا الى الحصان الاسود والرهان القادم بقوة


ابو زياد بدرته الرائع والتي اتت لتواكب الحدث وتخوض غمار المعترك بكل قوة .


اخي ابو زياد اهنئك على هذه المشاركة

ولم يخب ظني فيك واحييك على هذه الدرة الرائعة


اخيك ابوبندر

اتمنى على مشرفنا ابو عمر تثبيت الموضوع لانه يستحق التثبيت

ثم اتمنى على لجنة التحكيم التمديد للمسابقة حيث ان القصائد التي شاركت حتى الان من العيار

الثقيل وقد صدق شاعر المجالس خلف عندما قال:-
((اتوقع ان هناك من يعمل(على نار هادئه) وسنرى قصائد اكمل واجمل ان شاء الله ..))


وبالتالي وجب الانتظار والتمديد للمسابقة للاهمية من وجهة نظري