نظمنٍ قريته وأعجبتني معانيه = من واحد(ن) لاقال جزل المعاني
أجمل درر الشعر مكتوبةٍٍ(ن) فيه = ماقال هذا البيت صعب وعصاني
أخذ دروسه من زمانٍ معانيه = خلف من الأيام واضح معاني
ودرب الهوى ياصاح معلن تحديه = بعيد منوالٍ(ن) قريب الأماني
مثل السراب اللي يهيضك صافيه = يبعد الا قربت صوب المكاني
وكم واحد(ن)بيح كنينه وخافيه = لوكان سرُه ماعرفه شخص ثاني
الله يجيرك من توالي بلاويه = عزيز قوم ولارضيت الهواني
واللي تمنيته عسى الله يهييه = وزودٍ(ن) على الفرحه تجيك التهاني
عظم العرب !! ماعاد فيها مشاريه = تلقى الوناسه والدلع والحناني
والحب ياذيبان ماعاد تطريه = خله لابن عجاب مثلي يعاني
وإلا الهوى ياكثر ناس تعانيه = قبل الوتر جروا سبيب الحصاني
وللمندفع في حبهن قلت ياهيه = قبلك ترا حب العذارى كواني
ومن لامنا بالحب يبلى بغاليه = أربع مصايب كلهن في ثواني
وختامها بأجمل تحية نحييه = ومعطره بالمسك والزعفراني

الله يرحم واحد قام يدعيه= بآخر هزيع الليل قبل الآذاني
يدعيك بأسماك العظيمة تنجيه = وتلطف بضعفه ياجزيل الحساني
في ماقفن ماله رفيق يناجيه = خايف ويرجى رحمتك بأمتناني
وخلاف ذا ياهيه ياهيه ياهيه = يابو محمد ياعريب المجاني
قلبي على مافيه كافيه مافيه = وحب الحبيب ياعضيدي كواني
لو هو جفاني حالف ماعترف فيه = عذري معي لاقفيت (صد وجفاني)
مير البلا متجود في بيديه = وأنا بعد قلبي غدا ذيهباني
لبيه ثم لبيه لبيه لبيه = هاك القبال وزول هالمودماني
وياعلي كلن فيه هم مكفيه = والموت من هم لجا بالمحاني
هم الفراق وهم قرب ومشاريه = وتناقض التفكير زود جناني
ومن لامني لعل بقعاء توازيه = جعله فقير في حياته يعاني
أرمل ويدفن كل باقي عوانيه= مقطوع من شجرة ولاله عواني
وأقبل تحيات من القلب نهديه = أزكى تحياتي وجل أمتناني

والحب ياذيبـان ماعـاد تطريـه خله لابن عجـاب مثلـي يعانـي

المشاركة الأصلية كتبت بواسطة خلف الفريد (المشاركة 70770) هداك الله وش دخل ذيبان ، ماله بهذه الامور :) << ورطتك:D عزيزي الحب مايشيب وكذلك القلب الخضر ، والدليل انا و وانت راحت اعمارنا ، وعقولنا ياطير ياللي ههههه انت نسيت بصري وحجته !!!!!!! وشف ابو فيصل على الريموت ، هواوي الماخوذ :::::::::::::::::::: ابو عمر ابيات جميله كجمال طلتك وخفيفة كخفة ظلك ، لو انك سحّبت فينا شوي ، اولها ذبت فيه وآخرها ضعت فيه ... الحب لاعاد تطريه >> تهديد والا ................. كما اشكرك على ثقتك باخيك وثناءك عليه لاهنت ومع هذا شغلك عندي ::mad:: حفظك الباري .................. حييت ياشيخ الغَزَل يا -محلّيه=كم نابضٍ تشقيه ..خلْف المحاني مدْحك وتقديرك على الراس ..يابيه=ارويتنا ..غيثك حروف ومعاني تعطي وفاء..مدري متى فيك نوفيه=هذا مداد القلب ..خطّه بناني ويامرحبا يامعطّر الحرف ..محييه=ويازارع البسمه ..بصدر الغواني هو ليه تشكي لي سبب علتك ليه=وتشرح ظروفك ..يالله المستعاني وتسند لبو فيصل ..وما فيه مكفيه=عبد المعين اليوم ..حقّه يعاني يابو عمر هو فاقد الشي..يعطيه؟=في حاجة الاحسان ..عطف وحناني وانا حبيبي ماتمنّيت .. طاريه=ولو حالت ظروفي ولاجيت ..جاني ولا هو سرابٍ يطرده..عاشق التيه=حبٍ حقيقيٍّ ..بسر وعلاني على وفاقْ ... وعهدنا مانخليه=ولا اشكي جفاه ..وصاحبي ما جفاني تعلموا منا الغرام ..ومعانيه=درسٍ بلاش وفيه ..حب وتفاني ويابو عمر انته وغازي اوصيه=تكاتفوا ..عودك وعوده لياني ....................

ابوفيصل : وش رايك اترك التعليق لك !!!! ويابو عمر انته وغازي اوصيه=تكاتفوا ..عودك وعوده لياني انت أكثر شخص يعرف يعرف أسراره

ابو عمر الفريد جاب ماعنده ويسلم وصح لسانه ماقصر وبيض الله وجهه أما وصيته مادرى التكاتف هاليومين صعب جداً وش جاب الشرق للغرب ياخلف بين الطوز والبراد مسافه بعيده لكن يابو عمر خلف حبه مدرى بالحلم مدرى يغطى علينا يفظخ على عيوننا الحلم هو صقار والصقار حسود مايعلم أحد ؟؟ صح لسانك أبو عمر وصح لسان الفريد تقبلوا تحياتى جميعكم تحياتي للجميع

المشاركة الأصلية كتبت بواسطة منصور الوسوس (المشاركة 70775) ابو عمر ::: ابو فيصل ابيات راقية فعلا صحت السنتكم ودامت ايامكم على هذه الابيات الجميلة