فارس الحرف

المشاركة الأصلية كتبت بواسطة فهد بن مبارك

صح لسانك

ومشكور على لموضوع الجميل

تقبل مروري

يا غالي

صح بدنك اخوي فهد وشكرا لك على مرورك ومشاعرك الطيبة... لاعدمناك

المشاركة الأصلية كتبت بواسطة ابوبندر

نادب الجن




صح لسانك

وعلا شانك

وبانتظار عودتك التي نامل الا تتاخر

فقد ادمنا حروفك

هلا وغلا بابو بندر وصح بدنك وتصدق المندوب ماطلع امين ويبدو لي انه تواطأ مع ابن نمران وعطاه روؤس اقلام لكن شغله عندي بنحرمه الانتداب ونسجنه شهر رمضان كامل , وبعد العيد يفرجها الله.
شكرا لمرورك وتقبل تحياتي.
فارس الحرف

المشاركة الأصلية كتبت بواسطة دلهام

أثبات رائع من الفارس

ودمت بود يافارس الحرف وصح لسانك

هلا باخوي دلهام واشكر لك مشاعرك الطيبة وصح بدنك

فارس الحرف

فارس الحــرف..

ونعم الفروسيه..

صح لسانك ولسان الجماعه كلهم..
ماشالله عليكم كلكم الله لايضركــم..
ياليتني شــاعر عشان اعبر عن مشاعري..
حتى اقدر اصف في صفــكم ولو كنت بآخر كرسي ..
يشرفني هالمكان دامه بحضرتكم..

لاتطول الغيبه يابوغاده..
لو على الاقل خل غطوة قلمك عندنا
عشان نضمن عودتك باذن الله

المشاركة الأصلية كتبت بواسطة القسومي

فارس الحرف
صح لسانك . وانشاء الله تزول الظرف وتكون معانا دائماً على الساحة

بيض الله وجهك على هذا الابداع الجميل

هلا وغلا بالقسومي الحمدلله زالت الظروف .. وشكرا لك على مرورك ومشاعرك الطيبة.

فارس الحرف

المشاركة الأصلية كتبت بواسطة غازي الفريدي

[align=center]فارس الحرف نعم وفارس القاف اكيد ـ ـ اخي العزيز الشاعر الموهوب تحية طيبة تليق بمن تهدى له من صادقٍ بماقاله. قصيدة فيها من المداعبة لشاعرنا ابو عبد العزيز الذي هو قدوتنا . وتبين لنا قدرة الشاعر على تطويع الحرف

المشاركة الأصلية كتبت بواسطة غازي الفريدي

فارس وتغرف من بحور الشعر غرف = فارس ومعك اعيال راشد فوارس

الشاعر المبدع غازي الفريدي شكرا لك لمرورك ومشاعرك الطيبة.. ومنك نستفيد

فارس الحرف

[/align]

المشاركة الأصلية كتبت بواسطة خلف الفريد

فارس الحرف

انا تعبت معك فكيف وانت تندب قرينك!!!!

لكن الحمد لله صارت براس علي الجضعان لان ((( له عوده)))اكلتها يابو عمر هههههههه

وكفى الله المؤ منين القتال

مشكور يا ابا الغاده رائعة تسطر بماء الذهب

لاهنت لاهنت لاهنت

لك حبي وتحياتي

هلا ابوعبدالعزيز ولاهنت......... وابشر بالراحة رمضان قرب وكلهم يصفدون.. شكرا لمرورك. بس انا ملاحظ انك كاتب كلام حلو في التوقيع وحاط صورة اسد فوق !!! يمكن سياسة العصا والجزرة. مشرف ومن حقك. وقبل ما انسى ترى جايينك انا وغاده قريب ان شاء الله.

المشاركة الأصلية كتبت بواسطة ابن منيديل

بسـم الله ابـدا جابتـي يـاهـل الـعـرف = والحـمـد للمعـبـود وإبلـيـس خــارس

(( سبحان مابديت به ونحمده ونشكره ))

وارقى براس الباسقة واحسن الخرف = النبـتـة الــي الـعــود بـيـديـه غـــارس

(( كفو وترقى القمم ولاهي بغريبه عليك وجودك وطلتك تكفي وعرفتنا بإنك فارسآ ليس للحرف فقط انما للقلوب والكلمات الرائعه ))

لاجل اثبت إني ياخلف فارس الحرف = وان لا يـدوّر غيـري الـحـرف فــارس

(( لاتثبت نفسك لاعتد خلف ولاعندي انت خلاص ثبّت نفسك بقلمك واخلاقك العاليه وكلنا عارفين ويشهد على ذلك خلف ))

واثبـت كذلـك إننـي مـن هـل الـشـرْف = وثقافتـي مـن مـصـدر العـلـم تــارس

(( ماشاءالله تبارك الله ، الله يمدك بالعلم والصحه وان تبقى لنا وعندنا ))

وانـي درسـت مقـرر النحـو والـصـرف = واسمـي بلوحـات الشـرف بالمـدارس


(( يعني تخصصك لعه عربيه كفشناك واذا اسمك علق بالمدارس كذلك بالمجالس ))

واليـا بدعـت الـقـاف اراعــي الـظـرف = امــا بهجـيـر القـيـظ او بــرد قـــارس

(( هذا يدل على ذكائك واسلوب الطرح الجميل واحسنت في هذا البيت الذي اعجبني ورددته كثيرآ ))

وبحـد اليـراع اللـي مـداده مـن الـذرف = اخـط حرفـي وانــدب الـجـن حــارس

(( الله واكبر والله يستر علينا من الجايات ولاتحرمنا من هذه المتلبسه والممسوسه ))

واختم جوابي في ذكر ناعس الطرف = الغـادة الـي جـات فـي شهـر مـارس


(( الله يخليها لك ويصلحها وتتربى بعزكم ان شاءالله هذه الغاده ))



ابو غــــــــادهـ صح لـــــســــــــانــــــــ ـــك وعـــــــــلا شــــــــــأنـــــــــــك


واســــــمــــــــح لــــــــي بـــالتــــعـــلـــيـــــ ـق عـــلـــى قـــصــــــيــــــدة / إبــن نـــمــــران




سلام ياللي من البحر تحسـن الغـرف = بحور شعـرك مـد جـود ونـوارس

(( الله ، الله رد جميل وبداية طيبه للشخص الوافي فارس الحرف الذي لازال يخفي عن حروفه ))

مأنته من اللي بالشعـر يزرفـه زرف = ياصاحبـي بالحـرف رجـلٍ إمـارس

(( وكشفته لنا يابو ياسر وهو يقول انا ماني بشاعر ابد واكتشفنا انه يطوع الحرف بحراسة . . . . . . . ))

تصرف جنيهات الذهب بالشعر صـرف = فهيـم وافـي ناضـج الفـكـر دارس
(( عزالله صدقت ياعقيد القصيد ، ياشباب فارس وعقيد تقابلوا انظروا للمقابلة والمجاراة التي اسعدتني
جدآ حماسية نريد مثلهم نريد المنابشات اللي على ود ومحبه بالقصيد ))

شد اليـراع بقامتـك وأكرفـه كـرف = وسط المجالس وأنت للحـرف فـارس
(( الله الله يالله مانبي الموضوع يتوقف انا اطالب بالتثبيت لهؤلاء الثنائي نريد المشاركة من البقية ))

ولا تغيب تسرف في قلوب العرب سرف = لك منزله يالشهـم عقـب الفـوارس

عيـال راشـد باللـوازم لهـم عـرف = مايروح منهم شخص ضامي وضارس

(( والنعم فيهم وفيك انت وفارس الحرف ابوغادهـ ويالله لاتضموننا اسقونا من اشعاركم ))

وهنا الأحبه طيبهـم شامـخ وظـرف = لنـا ودون الضيـم حيـد ومـتـارس

(( وانتم ايها الثنائي كلكم طيب وكرم ))

وأما الأخير الحالـي الناعـس التـرف = محفوظ في عين الولـي قبـل مـارس

(( الله ختامه جميل لبنت الشخص الذي سبق ذكره بالبيت الاول من هذه القصيدة والله يحفظها ))



ملاحظة : قصيدتين جدآ رددتهم كثيرآ اعجبني فيها كل حرف وكل جمله وكل بيت وكل شخص فيه

هلا بابن منيديل تصدق والله انا وصيت واحد يتابع مشاركتي عندما صار لي الظرف وقلت له من غير قصور بالاخوان كلهم اذا رد ابن منيديل اتصل علي.. وفعلا اتصل الرجال وبلغني حمدت الله انها عدت بسلام من مشرط الجراح وعملية التشريح التي اراها اجمل مرحلة تمر فيها المشاركة.. فمشرطك بلسم يضفي رونقا رائعا لمشاركاتنا .. دمت لنا يابن منيديل وشكرا من الاعماق لجهودك العظيمه وجزاك الله عن عيال راشد خير الجزاء والله يحفظكم.

فارس الحرف

المشاركة الأصلية كتبت بواسطة بندر نغيمش

فارس الحــرف..

ونعم الفروسيه..

صح لسانك ولسان الجماعه كلهم..
ماشالله عليكم كلكم الله لايضركــم..
ياليتني شــاعر عشان اعبر عن مشاعري..
حتى اقدر اصف في صفــكم ولو كنت بآخر كرسي ..
يشرفني هالمكان دامه بحضرتكم..

لاتطول الغيبه يابوغاده..
لو على الاقل خل غطوة قلمك عندنا
عشان نضمن عودتك باذن الله

هلا وغلا بالاخ بندر نغيمش
كلماتك المعبرة والموثرة وصلت مشاعرك وهي ابلغ من قصيدة. اشكرك جزيل الشكر ويفداك القلم وراعيه.. (بس حلوه غطوة القلم).. وان شاء الله مجتمعين دوما .
لك حبي وتقديري
فارس الحرف

المشاركة الأصلية كتبت بواسطة عبدالله بن عوده

هلا وغلا .... يا فارس الحرف

وصح لسانك.

والله يبارك في ابو عبدالعزيز اللي حرك شجونك ... وخلاك تجود بهذي التحفه الفريده......

وتروح وترجع لنا بالسلامة( لا يكون بتروح للجزيرة اياها)

لك غيبة..... ولنا حر لأنتظار...

لك مني صادق الود... والدعوات الصادقه بالعوده لنا سالم...

هلا ابو زياد
ابو عبدالعزيز كله بركة.. لكن انت اسكت ساكت.. ماكل مايعرف يقال.
شكرا على مرورك وتسلم ياغالي.
فارس الحرف