فارس الحرف

[align=center]فارس الحرف نعم وفارس القاف اكيد ـ ـ اخي العزيز الشاعر الموهوب تحية طيبة تليق بمن تهدى له من صادقٍ بماقاله. قصيدة فيها من المداعبة لشاعرنا ابو عبد العزيز الذي هو قدوتنا . وتبين لنا قدرة الشاعر على تطويع الحرف[/align]

فارس وتغرف من بحور الشعر غرف = فارس ومعك اعيال راشد فوارس

تحية مني طيبة لشاعرنا ابو ياسر صاحب البديهه الخارقة ماشاء الله عليه تقبل مرروري على المجاراة على قصيدة الفارس ابو غاده الله يخليها له ~

هلا وغلا .... يا فارس الحرف

وصح لسانك.

والله يبارك في ابو عبدالعزيز اللي حرك شجونك ... وخلاك تجود بهذي التحفه الفريده......

وتروح وترجع لنا بالسلامة( لا يكون بتروح للجزيرة اياها)

لك غيبة..... ولنا حر لأنتظار...

لك مني صادق الود... والدعوات الصادقه بالعوده لنا سالم...

	بسم الله ابدا جابتي ياهل العرف=والحمد للمعبود وإبليس خارس وارقى براس الباسقة واحسن الخرف=النبتة الي العود بيديه غارس لاجل اثبت إني ياخلف فارس الحرف=وان لا يدوّر غيري الحرف فارس واثبت كذلك إنني من هل الشرْف=وثقافتي من مصدر العلم تارس واني درست مقرر النحو والصرف=واسمي بلوحات الشرف بالمدارس واليا بدعت القاف اراعي الظرف=اما بهجير القيظ او برد قارس وبحد اليراع اللي مداده من الذرف=اخط حرفي واندب الجن حارس واختم جوابي في ذكر ناعس الطرف=الغادة الي جات في شهر مارس

ـــــــــــــــــــــــــ ـــــــــــــــــــــــــ ـــــ

	سلام ياللي من البحر تحسـن الغـرف=بحور شعـرك مـد جـود ونـوارس مأنته من اللي بالشعـر يزرفـه زرف=ياصاحبـي بالحـرف رجـلٍ إمـارس تصرف جنيهات الذهب بالشعر صـرف=فهيـم وافـي ناضـج الفـكـر دارس شد اليـراع بقامتـك وأكرفـه كـرف=وسط المجالس وأنت للحـرف فـارس ولا تغيب تسرف في قلوب العرب سرف=لك منزله يالشهـم عقـب الفـوارس عيـال راشـد باللـوازم لهـم عـرف=مايروح منهم شخص ضامي وضارس وهنا الأحبه طيبهـم شامـخ وظـرف=لنـا ودون الضيـم حيـد ومـتـارس وأما الأخير الحالي الناعـس التـرف=محفوظ في عين الولـي قبـل مـارس

فارس الحرف

مقبل النمران

هداكم الله ! هي كلها كم -ارف وآرس -ماخليتم منها شي!!!!!!!!!!

	نظرت ولا رجلي على حافة الجرف=ماعندي ما اشدّه على ارْف و آرس الاّ اتساوى فوق مجدولة العرْف=وابحث بدار الروم وديار فارس اللّب دايم يحتمي داخل القرْف=وكم عاشق ٍ يبكي على اطلال دارس

بسـم الله ابـدا جابتـي يـاهـل الـعـرف = والحـمـد للمعـبـود وإبلـيـس خــارس

(( سبحان مابديت به ونحمده ونشكره ))

وارقى براس الباسقة واحسن الخرف = النبـتـة الــي الـعــود بـيـديـه غـــارس

(( كفو وترقى القمم ولاهي بغريبه عليك وجودك وطلتك تكفي وعرفتنا بإنك فارسآ ليس للحرف فقط انما للقلوب والكلمات الرائعه ))

لاجل اثبت إني ياخلف فارس الحرف = وان لا يـدوّر غيـري الـحـرف فــارس

(( لاتثبت نفسك لاعتد خلف ولاعندي انت خلاص ثبّت نفسك بقلمك واخلاقك العاليه وكلنا عارفين ويشهد على ذلك خلف ))

واثبـت كذلـك إننـي مـن هـل الـشـرْف = وثقافتـي مـن مـصـدر العـلـم تــارس

(( ماشاءالله تبارك الله ، الله يمدك بالعلم والصحه وان تبقى لنا وعندنا ))

وانـي درسـت مقـرر النحـو والـصـرف = واسمـي بلوحـات الشـرف بالمـدارس


(( يعني تخصصك لعه عربيه كفشناك واذا اسمك علق بالمدارس كذلك بالمجالس ))

واليـا بدعـت الـقـاف اراعــي الـظـرف = امــا بهجـيـر القـيـظ او بــرد قـــارس

(( هذا يدل على ذكائك واسلوب الطرح الجميل واحسنت في هذا البيت الذي اعجبني ورددته كثيرآ ))

وبحـد اليـراع اللـي مـداده مـن الـذرف = اخـط حرفـي وانــدب الـجـن حــارس

(( الله واكبر والله يستر علينا من الجايات ولاتحرمنا من هذه المتلبسه والممسوسه ))

واختم جوابي في ذكر ناعس الطرف = الغـادة الـي جـات فـي شهـر مـارس


(( الله يخليها لك ويصلحها وتتربى بعزكم ان شاءالله هذه الغاده ))



ابو غــــــــادهـ صح لـــــســــــــانــــــــ ـــك وعـــــــــلا شــــــــــأنـــــــــــك


واســــــمــــــــح لــــــــي بـــالتــــعـــلـــيـــــ ـق عـــلـــى قـــصــــــيــــــدة / إبــن نـــمــــران




سلام ياللي من البحر تحسـن الغـرف = بحور شعـرك مـد جـود ونـوارس

(( الله ، الله رد جميل وبداية طيبه للشخص الوافي فارس الحرف الذي لازال يخفي عن حروفه ))

مأنته من اللي بالشعـر يزرفـه زرف = ياصاحبـي بالحـرف رجـلٍ إمـارس

(( وكشفته لنا يابو ياسر وهو يقول انا ماني بشاعر ابد واكتشفنا انه يطوع الحرف بحراسة . . . . . . . ))

تصرف جنيهات الذهب بالشعر صـرف = فهيـم وافـي ناضـج الفـكـر دارس
(( عزالله صدقت ياعقيد القصيد ، ياشباب فارس وعقيد تقابلوا انظروا للمقابلة والمجاراة التي اسعدتني
جدآ حماسية نريد مثلهم نريد المنابشات اللي على ود ومحبه بالقصيد ))

شد اليـراع بقامتـك وأكرفـه كـرف = وسط المجالس وأنت للحـرف فـارس
(( الله الله يالله مانبي الموضوع يتوقف انا اطالب بالتثبيت لهؤلاء الثنائي نريد المشاركة من البقية ))

ولا تغيب تسرف في قلوب العرب سرف = لك منزله يالشهـم عقـب الفـوارس

عيـال راشـد باللـوازم لهـم عـرف = مايروح منهم شخص ضامي وضارس

(( والنعم فيهم وفيك انت وفارس الحرف ابوغادهـ ويالله لاتضموننا اسقونا من اشعاركم ))

وهنا الأحبه طيبهـم شامـخ وظـرف = لنـا ودون الضيـم حيـد ومـتـارس

(( وانتم ايها الثنائي كلكم طيب وكرم ))

وأما الأخير الحالـي الناعـس التـرف = محفوظ في عين الولـي قبـل مـارس

(( الله ختامه جميل لبنت الشخص الذي سبق ذكره بالبيت الاول من هذه القصيدة والله يحفظها ))



ملاحظة : قصيدتين جدآ رددتهم كثيرآ اعجبني فيها كل حرف وكل جمله وكل بيت وكل شخص فيه

اخي الشاعر / غــــــازي الفـــريــدي

فارس وتغرف من بحور الشعر غرف = فارس ومعك اعيال راشد فوارس

وانت فارس وشاعر وتجدف ببحر الشعر وبحار بالجزل والاوزان والقافية



جاكم الاعصـــــار ، جاكـــــــم خـــلف

نعم نبي تكون جميع القصائد هكذا نريد التغيير والبركه كلها بفارس الحرف وينك من زماااااان ؟


نظرت ولا رجلي على حافة الجـرف = ماعندي ما اشدّه علـى ارْف و آرس

(( ابو عبدالعزيز خبري فيك ماتعجزك القافية والا انت تبي تهدي اللعب يالله حمسنا لاتوقفها يابو عبدالعزيز ))

الاّ اتسـاوى فـوق مجـدولـة الـعـرْف = وابحـث بـدار الـروم وديــار فــارس

(( الله حلوهـ ثناء لرجل يستاهل نجهل اسمه لكن لانجهل افعاله ابدآ نعرف بإنه فارس الكلمة قبل الحرف ونعرف انه فارس الاخلاق ولكن والنعم فيه دام هذي اخلاقه وافعاله ))

الـلّـب دايــم يحتـمـي داخــل الـقـرْف = وكم عاشق ٍ يبكي على اطلال دارس

(( تحيه على هذا الوصف يابو عبدالعزيز وظهر لنا اللب وصح لسانك يالغالي والعزيز على قلوبنا ))

المشاركة الأصلية كتبت بواسطة مقبل بن نمران

إلى أبو غادة وأبو عبدالعزيز وكل الإحبه ليست بالإنابة إن كان هناك من سيضيف شعرياً

وإنما يعز علي وعليكم غياب عزيز ولو لأيام معدودة

سلام ياللي من البحر تحسن الغرف = بحور شعرك مد جود ونوارس
مأنته من اللي بالشعر يزرفه زرف = ياصاحبي بالحرف رجلٍ إمارس
تصرف جنيهات الذهب بالشعر صرف = فهيم وافي ناضج الفكر دارس
شد اليراع بقامتك وأكرفه كرف = وسط المجالس وأنت للحرف فارس
ولا تغيب تسرف في قلوب العرب سرف = لك منزله يالشهم عقب الفوارس
عيال راشد باللوازم لهم عرف = مايروح منهم شخص ضامي وضارس
وهنا الأحبه طيبهم شامخ وظرف = لنا ودون الضيم حيد ومتارس
وأما الأخير الحالي الناعس الترف = محفوظ في عين الولي قبل مارس

وسلامتكم

---

تسلم ووافي ياابن نمران وقدرك عزيز وتقبل هالابيات المتواضعة وترى الموضوع جد ........ مانبي نتورط مع الهيئه.

أحرجتني بالحيل ياعقب نمران=والله مملك للهدية لدية
ياكود غاده جادل شأنها شان=وان كان تقبلها تراها عطيه
وان عارضت هيئة حقوق الانسان=حنا بدو وسلومنا جاهليه
نوفي بكلمتنا ولو كان ماكان=لو وردتنا في حياض المنيه

شكرااااا لمرورك ودعمك الدائم

فارس الحرف

المشاركة الأصلية كتبت بواسطة البارق

لاجل اثبت إني ياخلف فارس الحرف&&&وان لا يـدوّر غيـري الحـرف فـارس

صح لسانك يافارس الحرف لقد اعتليت الصهوة فابدعت ونثرت لنا الياقوت

في هذه المقطوعة الادبية الجميلة والشكر موصول لفارس الكلمة الفريد

على استثارة امثالك لنرتشف الجمال الشعري الرائع من يراع امثالك ايها الفارس

مشكور وحياك ربي ودمت لنا شاعرا مبحرا في غمار الشعر وجميله ....

ياهلا والله بالبارق ومن اللي مايحب البارق
........ لقد اضفت لمجالسنا بعد آخر اراه يتجسد في شخص مرهف الحس وصاحب ذائقة ادبية راقية.. لقد لمست من خلال ردودك التي اطلعت عليها بانك رجل واعي تدرك بان المشاركة ليست فقط لتسجيل حضور وكسب نقاط بل نقد هادف وبناء. شكرا لك ايه البارق على مرورك ومشاعرك الطيبة.

فارس الحرف

المشاركة الأصلية كتبت بواسطة ناصر بن راكب

فارس الحرف

صح السانك واعتلا شانك على هذه الرائعة

أبدعت في نظم هذه القصيدة

وإن شاء الله تزول ظروفك وتستمر معانا

والله لايخلينا منك

وتقبل تحياتي

هلا باخوي ناصر وشكرا على مرورك ومشاعرك النبيلة

المشاركة الأصلية كتبت بواسطة علي الجضعان

الله يردك بالسلامه ولي عوده

هلا وغلا باخوي علي ابن جضعان وشكرا على مرورك وانا عدت الحمدلله وبأنتظار عودتك.