المجال مفتوح

الله يرد الشمال اللي تسوق الغمام: من شان تستبشر البدوان في غيمها
المشكله بالصغار للي بسن الفطام:ان كان بكره ندمنا يوم تفطيمها

اليوم يوم الزخم والزيف والازدحام...اهل المحازم تبرت من محازيمها
كم شيخ قوم طلع ماهو بقد المقام...كانك مكلف على القصه وترهيمها

اليوم نبكي على الاطلال كله كلام : وش عاد تملك يدينا عند تقديمها
الصوت لو ترفعونه ماتقوم النيام :لاكن بكره يجيها الموت في نيمها

الف الف شكر لابو عمر على المتابعه والتشجيع يعلم انا انك وقود

صحت السنتكم شعرائنا الكرام
وهكذا نستفيد نحن كمتذوقين للشعر من تواجد الشعراء
دمتم بخير

نتااااابع

يانايف انت ابدويٍ مابحلقك عظام=في كل حفله تصير اول معازيمها
ذنبٍ على الاقتصاد وجاهلٍ بانظام=همك تعرف البهايم وين برسيمها

ياهلا بك ابو يارا نعتز بهاذا المرور المشرف.....

يبدو لي نك يا ابن نومان فيك انفصام:ضيعت حتى حدودك عند ترسيمها
انا مسكت الرسن وانته مسكت الخطام :ماودي اضغط على العالم وتحطيمها

خلك من النرفزه والغيض والانتقام=بالملعبة ..كان ماتجهل تعاليمها
اما تمثل عرب والا تمثل مقام = وعلى الجماهير مبداها وتقييمها

انته حزام وظهر لاكن الد الخصام : مع كل سين ن تسابقني على جيمها
لاكن بعض الصخور السود وقت الضلام : سمعت صجة مصادمها وتلطيمها