![]() |
أبك كيف
قلبي دليلي فيه شي ٍ وخايف=وكني أشك بحالة أسباب خوفي أبك كيف كأنه خاطر القرم واقف=و دجتاه أن كان هاذي تطوفي معقول جبت العيد ولاني بعارف=على عماها وأحسبني أشوفي الله لايعيده وأعتذر منه وآسف=أهب هبيتي ياسبايب حروفي سقها على ماقيل ولاهي تخالف=وأبشر بحقك ماعلينا كلوفي والمعذره ياشوق زين الوصايف=اللي تحط للعيد خظاب الكفوفي |
رد: أبك كيف ياشاعرٍ شعره كثير الطرايف=قرناس خامس في وفاه معَروفي الخوف والله في بلاد الطوايف=اللي بها بشار جيشه يحوفي يابن مطر غيباتنا بالمصايف=وجو الشفاء به مرخيات القنوفي وحاشاك عن لوم الردى والحسايف=ياشوق كاملة الوصايف هنوفي غالي وقلبك من قلوبٍ نظايف=ومن طيبينٍ يكرمون الضيوفي ارتاح مافي خاطري منك لايف=الا ان ودك لايـجٍ وسط جوفي |
رد: أبك كيف مساجله تستحق الأشاده وبحلول العيد السعيد كل عام وأنتم بخير الشاعر محمد بن مطر والشاعر خلف الفريد صح الله ألسنتكم |
رد: أبك كيف صح لسانك قرناس خامس وصح لسان الشاعر ابو عبدالعزيز مساجله رائعه شكراً لكم ودام تواجدكم الرائع لاهنتم |
رد: أبك كيف
(العيد فرحه وفرحتي يوم أعايدك=كل عام وأنت بخيرعيدك مبارك)
|
الساعة الآن 12:09 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir