|
الشاعر بدر الحويفي هذي القصيده للشاعر / بدر الحويفي ... مناسبة القصيده .. ان أحد الاشخاص سئل أبو سلمان " أنت من أي القبايل" فرد عليه هذه الأبيات... .......................... به شخص يسألني من اي القبايل=قلت اي نعم حاضر وابا اثبت وجودي أسمع جوابي في بيوت قلايل=الأصل حربي و البطاقه سعودي وليه علاقه مع رجال الحمايل=و باالشعر عشاق المعاني شهودي ومن خيرة الشعار ناخذ دلايل=والشعر منهج به نزول و صعودي وقريحتي نظم البيوت الجزايل=أرضي بها الصاحب وابا أزعل حسودي هذي القصيده للشاعر / مرزوق بن مضحي الفريدي ....التي يجاري فيها الشاعر بدر الحويفي ............................. البارحه ما امسيت أخيل المخايل=بين الجلد وشعاف ذيك النفودي جتني بيوت"ن" وافيات المكايل=من شاعر يرقى الطويل السنودي يقول يسئلني من الناس سايل=واثبت له اني مواطن سعودي يااللي تبي عن بدر وصف وسلايل=هذاك ابو سلمان عرب الجدودي لاصك جال بجال مامن سهايل=في فعلهم يوم الشجاع محمودي لاثار غبار الخيل وقت القوايل=عدوهم مقفي ما اظنه يعودي |
رد: الشاعر بدر الحويفي شكراً ابو نغم على الاضافه الرائعه لاهنت وللمعلوميه الشاعر بدر الحويفي له ديوان هنا وتم نقل موضوعك الى هنا شكراً لك |
رد: الشاعر بدر الحويفي صح بدن الشاعرين الكبيرين وتسلم ابانغم على الاضافه ومرحبابك ضيفا عزيزاً |
رد: الشاعر بدر الحويفي صح لسان الشاعر بدر الحويفي ..... والشاعر مرزوق لو ان ملاحظه على كلمة سعودي... سراها الحويفي وكررها مرزوق بمجارااته فلو بدلها ب مواطن صمودي افضل وجهة نظر فياليت توصل للأخ / مرزوق وهي معرضه للقبول والرفض ...... تحيااااتي |
رد: الشاعر بدر الحويفي لاهنت ابو نغم وصحت السن الشعراء الكبار تحيتي |
| الساعة الآن 11:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir