هذي قصيده وصلتني من الشاعر هزاع الفريدي
البارحه عندي غدا الليل ليلين=فكرة بالعالم وشفت العجايب
وانا شباب ولا وصلت الثلاثين=والراس من كثر البهاذيل شايب
اللي عرفت من الاوادم ملايين=فيهم يا ابن مياس مخطي وصايب
فيهم قريب الناس يسوى البعيدين=وفيهم بعيد الناس يسوى القرايب
وقت القساء مافيهم اللي على الدين=وقت الرخاء صفت جيوش وكتايب
يعني من المليون يصفيلي اثنين=واللي بقو ما ينطحون المصايب
ليا نخيته ما يفل الحجاجين=ولتشيله عضامه لعين الصلايب
العام اجامل للخبول المساكين=واليوم انا عن خوت الخبل تايب

وهذا ردي
هزاع ابو عيبه يحد السكاكين=على زمانن شاف فيه الغرايب
يسهر طوال الليل والناس ممسين=وفكره مع احوال المخاليق غايب
والقلب من همه تبي تسهر العين=وقلب العيابي من عنا الوقت عايب
والشين ياهزاع ماشين الزين=تبقى الرجال رجال ماهي زلايب
كنا ولا زلنا على راية الدين=وعلى المعاهد مانحث الركايب
خل الهروج اللي مثل ثورة حنين=واسمع كلام امكنين الضرايب
الوقت ماخلى العرب مستريحين=حتى ملوك الارض راحو نهايب
هذي طبوع الوقت مبطي وهالحين=ان طاب لك وإلا على غير طايب

السلام عليكم ورحمة الله وبركاته
صح السانك ابن مياس والسان هزاع بن فهد الفريدي
مساجله رائعه