|
رساله اخر الليل من بن جضعاااااااااان ............ اهلا اعزائي من جديد والقصيد وصلتني رساله من الاخ عبدالرحمن بن محمد جضعان الفريدي . صديق عزيز علي ومبطي عنه والرساله قصيده موجهه للاخ الرائد متعب السحيمي كذلك من اصدقائي يسأله عني لانه اتصل بي مرتين وكنت صدفه خارج نطاق الخدمه وحبيت انقلها لكم مع مجاراتي لها بالتالي ,,, يابوعلي عينت شيخ الشواعير انا على شوفه اسوق البشاير الصاحب اللي له معزة وتقدير يزيد ربحي مايزيد الخساير عن هابس الحربي قطعت المداوير ومشيت رجلي نوب راكب وطاير اصيح وارجيله مثل سالم الزير اللي بخوه اكليب هل العباير ولاودي انك تخلف العلم وتصير طبعك هجومي عادة الدم فاير واعرف ترى الموضوع نشدة وتدوير لاتصير فرد ن طلعه الشمس ثاير رد الاخ متعب السحيمي ابوعلي اذا انت عن هابس قطعت المشاوير وأحفيت رجلينك وسود التواير تراك ماتنشد عن نياق وابعير اللي يشوفك قال وش فيه ذاير هذاك حر ن يكفخ الريش ويطير لاتدوره بين الفلل والعماير يحب طلعات الخلا والمسايير رزين عقل .. ومايعرف الكباير انشد علي جضعان يعطيك تقرير عنده خبر هابس وكل السراير والمعذرة لو صار باالعلم تقصير ياشوق من دايم تكد الظفاير مجااراااتي اهلا هلا وعدآد مارفرف الطير٠٠ باالقآفيه واللي تكن الضمآير٠٠ متعب وابورآشد زبون المخآسير٠٠ خوه وعرفتهم تسآوي تجآير٠٠ ربعي هل الطولآت حرب المشآهير٠٠ حرب الدول والترك رآحت نفآير٠٠ اهل الكرم والطيب واهل المغاتير عز الضعيف اللي تولاه جآير٠٠ انا مع الطيب ولا ابدي معآذير٠٠ ولا امشي مع اهل الدآيري والزرآير٠٠ امشي مع رجآل الشجآعه بوآتير٠٠ حرب المروه والوفا والجبآير٠٠ وافرح ليا جوني نشآما خطآطير٠٠ او زآرني وسط الدوآوين زآير٠٠ ابهر الرسلآن بالهيل تبهير٠٠ وافرش لهم بالارض ورد وحرآير٠٠ واذبح لهم كبش ن بغآل الدنانير٠٠ من خآطر ن سآمح ولاهي حسآير٠٠ وبآق القبآيل والرجآل المنآعير٠٠ ماذمهم ماقول فيهم حقآير٠٠ وعدآد ماتغرد بهّن العصآفير٠٠ وعدآد من زآر الحرم والشعآير٠٠ صلوا على اللي سطر الحق تسطير٠٠ المصطفى اللي يعتلي بالمنآير٠٠ وسلآمتك |
رد: رساله اخر الليل من بن جضعاااااااااان ............ صح لسانك وصحت ألسن الشعار جزل مانقلت ولاتقل عنه جزاله مابدعت تحيتي وتقديري لك |
رد: رساله اخر الليل من بن جضعاااااااااان ............ صح لسانك يالغالي بس لو سألوني كان قوفل أرث ثواني وأعطيهم تقرير مفصل بالساعه والدقيقه مع تحديث مستمر ع العموم مساجله ممتعه مع روح الفكاهه تسلم على الأضافه لاعدمناك اباعبدالله مبدع تغرد في منتدانا هلابك مره آخرى عند ربعك عزيز وغالي |
رد: رساله اخر الليل من بن جضعاااااااااان ............ الاخ عبدالعزيز العبلان الاخ علي بن جضعاان منورين يالغالين المتصفح وصحت ابدانكم ولا عليكم زود ونسعى ونحرص كل الحرص على ماينشر بمنتدانا الشااامخ تحيااتي للجميع ,,,,,,,, |
رد: رساله اخر الليل من بن جضعاااااااااان ............ صحت السنتكم.... والنعم بالجميع.... تقبل مروري.... |
رد: رساله اخر الليل من بن جضعاااااااااان ............ أف 15 صح بدنك وشرف كبير مرورك وشعورك وكذلك تشرفنا بمعرفتك والقاء بك قبل البااارح بالجنادريه تحيااااتي واحتراامااتي |
رد: رساله اخر الليل من بن جضعاااااااااان ............ ابو عبدالله تضل احد عناوين الوفاء وجودك يضفي جو من الفرح والمرح والسعادة ابيات جميلة ومساجلة رائعة صح لسان الشعراء جميعا تقبل باقات من الورد والكادي لشخصك الكريم |
رد: رساله اخر الليل من بن جضعاااااااااان ............ صح بدنك اخي ابو يارا مرورك شرف كبير وسطورك دعم كثير لنا الله لايهينك تقبل تحياتي وتقديري ,,,,, |
رد: رساله اخر الليل من بن جضعاااااااااان ............ اخوى الشاعر هابس العلوي مساجلات رائعه كروعة أصحابها صحت الألسن وسلمت القلوب إستمتعت بقراءتها جمعت جزالة الكلمه ورقي المفرده لله دركم تقبلوا تحياتي |
رد: رساله اخر الليل من بن جضعاااااااااان ............ هلابك يا هابس صح لسانك والسنت الشعراء ابدعتتم بارك الله فيكم |
| الساعة الآن 02:24 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir