|
الى عظم العرب يالعود خلي وراء نجران = مبطي ولارد جواله أثر البطاء يذبح الخلان = لاصار ماتعرف أحواله أنا دري أنه ماهو زعلان = وأن الشنب دايم أباله الى الفريد مع التحيه |
رد: الى عظم العرب بيض الله وجهك ياعلي ايه نبي نحيي هالقسم لاعدمتكم ياعزوتي والله حرب قوافيها لها طعم |
رد: الى عظم العرب مادام خلك سكن ضلعان=يامسندي حالته حاله وشلون تشره يابن جضعان=وخطوطهم يضعف ارساله ونجران تحدها عمران=وحبيّبك راح في فاله |
رد: الى عظم العرب وشلون أنسى قايد الغزلان = صافي عهد والله أمداله وش عاد لو قلت لي غلطان = أكيد عن حبهن داله سهران مع طيفها سهران = غالي وبالقلب منزاله |
رد: الى عظم العرب بكل اهتمام متابعين |
رد: الى عظم العرب الحب ياصاحبي ميدان=وانا زعيمه وخياله وترى كلامي على البرهان=يوم العرب بعضهم عاله يشهد لي هابس مع حويان=وابو زوايد ابمواله |
رد: الى عظم العرب أنته كفؤ بس وضعك كان = شايب ومن حوله أعياله عصرك مضى مع زمن نيسان = يوم اتصالك أبداله يوم الحساوي هو الفنان = هاك العصر راح في فاله |
رد: الى عظم العرب بالخير يالعاشق الولهان=الوضع يبغى له اكماله مافيه خط ٍّ بلا عنوان= ولا فيه بيعٍ بلا دلاله ومن لابذل غالي الاثمان=ماينفعه يكنز رياله |
رد: الى عظم العرب متابعين الصفوف بكل حماس |
رد: الى عظم العرب أنا كان ياصاحبي شرهان = كم مندفع غرد الحاله الحب كدبهذل الشجعان = كم واحدن سامر ادلاله وأنا وياك نبقى أخوان = ياعزوتي ماهي أطواله |
رد: الى عظم العرب الكذب مايروي العطشان=والمرء يحشر مع امثاله كم واحدٍ يقطع الديان=وليا فطن ماله صماله وبه آيةٍ داخل القرآن=من مرّها رعبه اشتاله |
رد: الى عظم العرب لاتحط راسك على النيشان = كم واحدن مات من خاله والفزعه اللي بها بلشان = خاله على وضعه أشواله قبل يتعزوى وأنا خليفان = محامي ومن ينهي أجداله |
رد: الى عظم العرب بعض الاوادم طويل لسان=واليا هرج ينطح القاله ماكنه الا سعد جدلان=والا الزلامي على هباله يابو عمر تسمع الجدران=لاتصير نمرٍ ابمحباله |
رد: الى عظم العرب متابعين بكل اهتمام يعطيكما العافية |
رد: الى عظم العرب مازلت اتابع ومتحمس لما يدور |
رد: الى عظم العرب ولا زلت متابع مثلكما :066: تحياتي |
رد: الى عظم العرب هاذي فزعتك يا كحيلان = تراء الفتى يندب بخاله وخلك سعد والسعد له بان = يكفيك طاريه وأفعاله ولاتحسب أنك وراء عمان = تراي أسمعك بالصاله |
رد: الى عظم العرب اقتباس: المشاركة الأصلية كتبت بواسطة خلف الفريد http://www.alfredah.net/forum/alfred...s/viewpost.gif ولا زلت متابع مثلكما :066: تحياتي وأنا كذلك مازلت متابع :016: |
رد: الى عظم العرب وشلون من عودها ريان=بنت الذي يرخص رياله تشوف راعٍ مع الرعيان=متمادٍ بغيّه وداله ان ما احتمت سرت والزنتان=راحت مع الاخ وعياله |
رد: الى عظم العرب يالعود وش فيه نطقك شان = وخليتني راعي أجواله ونبينا كان راعي ضان = وعقب الغنم حمُل رساله وشتان ياصاحبي شتان = ريم الشمال ومقياله |
رد: الى عظم العرب
|
رد: الى عظم العرب المعذره انا في الرياض ولم اصل الا المساء ....... يابو عبد الله رفيقك بان=يلعب على البيت وحباله من ينصحونه هم العدوان=والا الشواميت تبراله ومن حط رجله على الضيان=يصبرعلى النار واهواله |
رد: الى عظم العرب صح لسانك ابو عبدالعزيز وخلها قفله وابو عمر ونعم فيه واعتقد ان كل اللي ذكر مزوح ويبي يشوف رد الشعراء من هذا المنطلق وكلها بركه اللي شفنا هذه الدرر اخي خلف وتقبلوا تحياتي وجل احتراااامي ,,,,,,,, |
رد: الى عظم العرب
|
رد: الى عظم العرب اللهم صلي وسلم على أشرف الأنبياء والمرسلين , مساجلة رائعة , جمعت بين الغموض والوضوح في وقت واحد , مما جعلها ترتقي إلى أعالي الفتل والنقض بكل معانيه , سلمتم إخوان الشعراء , ودامت قوافيكم . |
رد: الى عظم العرب يعطيكما العافية |
| الساعة الآن 06:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir
