![]() |
مساجلة بين الشاعرين حمود العويني . وسعد ابن جدلان قال الشاعر سعد ابن جدلان الأكلبي البارحة يا حمود والناس هدوا=وانا مع الهادين ماطاب هدوي ورد الشاعر حمود محمد العويني الفريديبان القمر في ليلة النصف وادوا=وانا مع كثر الهواجيس مدوي يحدني من ضيقة البال حدوا=على وليفٍ صار دونه تحدوي لو هو جديد كان يلداه لدوا=لكن قلبي في غلاه امتمدوي حبه بقلبي تقل مدراه سدوا=ينشر معاليق الحشى نشر سدوي قطن بقلبي تقل مقطان بدوا=ويتلني تل الرشا فوق عدوي عدو ردوم كل عام تعدوا=شلع سدسها ما دخلها التردوي يا حمود رايك بالمطاليق قدوا=وحنا من الطيب نحب التقدوي فلا لي على بعض المخاليق جدوا=الا الذي مثلك يعرف التجدوي البارحة يوم الخلايق هجدوا=جفني من النوم اللذيذ امتلدوي المساجلة الثانيه بين الشاعرين.........هيض غرام القلب من هو تندوا=ولا تنفع الأعذار عند التندوي يا الأكلبي بيتٍ بنيته على أدوا= هي رغبة منك انت والا تعدوي دايم على غمق المثايل تحدوا=وش مقصدك يا الأكلبي بالتحدوي ان كان قصدك بالمثايل تصدوا=ترى أكثر العالم تعرف التصدوي فلو أن عندي لهل العشق جدوا=والله ما أذخر عنك شي يجدوي العشق خلى اللي نخيته تفدوا=مضى زمانه في حياة التفدوي حب على وضح النقا ما تلدوا=والا غرام اليوم حب عصدوي عصر الهوى وأهل الهوى يا سعدوا=روح مثل ما راح عصر التبدوي يقوله اللي بالمثايل تشدوا=واختار منها طيبات التشدوي والمعذرة يا الأكلبي بالرددوا=ما من مجال يتسع للرددوي قال الشاعر / سعد بن جدلان الأكلبي ياتل قلبي تلتينٍ بنتله=كنه من الاضلاع ينتل بتلتال رد الشاعر / حمود بن محمد العويني الفريدي,,,من وقتي اللي شايفٍ فيه شتله=دنياً تخلي صاحي الفكر يهتال أحدٍ توريه السعد وضحكت له=وتخلي زنوده قويات وعتال وحدٍ ليامنه مشى خترشت له=مرٍ يطيح ومرٍ للحمل يشتال وحدٍ يصارعها وهي ماصفت له= لكن وده يفعل الطيب محتال عزمه يسوقه والليالي تختله=ويصير بين أثنين ناقض وفتال يا حمود حل الوضع والا ألتفت له=شرواك بالطيب له منهج ومبتال يقول من جزل البيوت أرسلت له=من فاهمن يلعب على كل منوال حي الجواب وحي من كان فتله=من شاعرٍ يفتل غريبات الأمثال اللي جزيلات البيوت أشهدت له=اليا فتل جزل المثل كل فتال يهوا المعان الطيبه وهوت له=يصوغهن صوغ الجواهر ليا قال اليا بغى صوغ التماثيل جت له=ياخذ خزايزهن جميلات وجزال سعد ولد جدلان مهوب هتله=من روس بني أكلب شريفين الاسلال يقنب ليا من السباع اقنبت له=ليا ترك رد النقا ساقط الخال يقول لي دنياه ما ساعفت له=ويشوف من وقته غرابيل واهوال واقول لا تزعل على الوقت بتله=الوقت دايم له اقفايات وقبال ركايب السلطان قد نوخت له=تجارب الدنيا على مر الأجيال ولا عرف هدفك اللي بيوتك عنت له=مدري وش المقصودي طيب الفال |
رد: مساجلة بين الشاعرين حمود العويني . وسعد ابن جدلان صح لسان الشاعرين بن جدلان والعويني يعطيك العافيه اخي ابن مطيع على الطرح الجميل لك شكري وحترامي |
رد: مساجلة بين الشاعرين حمود العويني . وسعد ابن جدلان صح بدنك أخووووووي النمر الأرقط على التواجد والمرور المميز ملاحظه القصيدة من قديم الشعراء |
رد: مساجلة بين الشاعرين حمود العويني . وسعد ابن جدلان صح السان الشاعرين الكبيرين وقديمهم رائع جداً شكراً يامشعل على حسن الانتقاء المفيد |
رد: مساجلة بين الشاعرين حمود العويني . وسعد ابن جدلان تشرفنا بمرورك أخي برق الوسم مرورك مميز وهذا دليل على ذوقك الشعري |
رد: مساجلة بين الشاعرين حمود العويني . وسعد ابن جدلان صح لسان الشاعرين بن جدلان والعويني يعطيك العافيه اخي ابن مطيع على الطرح الجميل لك شكري وحترامي |
رد: مساجلة بين الشاعرين حمود العويني . وسعد ابن جدلان صح لسان الاكلبي والعويني .. لاهنت على الموضوع يا مشعل..~ |
رد: مساجلة بين الشاعرين حمود العويني . وسعد ابن جدلان اقتباس: المشاركة الأصلية كتبت بواسطة ابو وليد الفريدي http://www.alfredah.net/forum/alfred...s/viewpost.gif صح لسان الشاعرين بن جدلان والعويني يعطيك العافيه اخي ابن مطيع على الطرح الجميل لك شكري وحترامي شرفني مررررورك الرائع والجميل |
رد: مساجلة بين الشاعرين حمود العويني . وسعد ابن جدلان اقتباس: المشاركة الأصلية كتبت بواسطة فريدي الشرقيه http://www.alfredah.net/forum/alfred...s/viewpost.gif صح لسان الاكلبي والعويني .. لاهنت على الموضوع يا مشعل..~ :022::022::022::022::022::022::022: شرفني مررررررورك الرائع والجميل |
الساعة الآن 06:18 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir