![]() |
رد: على ربحك بمر ربك يحدك نوب ألد أعداك اقتباس:
الاخ العزيز : ناصر بن عبيد صح بدنك وشهادتك وسام يابن راكب ..ومشكور على كلامك الطيب ولاهو غيرب الوفاء من اهله لك وللجميع طولة العمر ان شاء الله حـــياك الله |
رد: على ربحك بمر ربك يحدك نوب ألد أعداك اقتباس:
الشاعر مقبل النمران صح بدنك وتسلم يمينك ومشكور على الأطراء وافي ولاهو غيرب الوفاء من اهله وما اقول إلا لله درك يا بو ياسر قبل لا تفهم الشعر فهـــمت الشعور .. شرح لك شعرك الراقي شعور اللي بنا معناه * شرح لك قبل معناها خوافي دافع اشعوره شرفني مرورك وحياك مولاك يابو ياسر |
رد: على ربحك بمر ربك يحدك نوب ألد أعداك عبد المجيد ناصر صح بدنك ووجهــــــك ابيض حياك |
رد: على ربحك بمر ربك يحدك نوب ألد أعداك صح لسانك وعلا شانك قصيدة رائعة بكل المعاني دمت بهذا التالق الشعري الجميل تقبل تحياتي |
رد: على ربحك بمر ربك يحدك نوب ألد أعداك اقتباس:
ابو وسيم هلا ومرحبا بتواجدك ومرورك الطيب صح بدنك ولاهنت تقبل وافر التقدير |
رد: على ربحك بمر ربك يحدك نوب ألد أعداك صح لسانك وعلا شانك يابن عبلان على القصيده الرائعه. |
رد: على ربحك بمر ربك يحدك نوب ألد أعداك اقتباس:
اخوي عايض ومشكور على المرور |
رد: على ربحك بمر ربك يحدك نوب ألد أعداك السلام عليكم ورحمة الله وبركاته هذه مجاراه للقصيديتي من الشاعر عبدالله بن عايض بن عبلان وانا بالحقيقه نزلت القصيده ولم أخبره عنها لأنشغالي ..وتشرفت بزيارته مساء امس .. ومن باب الصدفه سائلني عن ماكتبت من جديد فقلت لي قصيده موجوده بموقع مجالس الفرده ..وسالني عنها فقلت له القصيده تحكي عن نفسها ماقدر اقولك يابو عايض .. واليوم بعد صلاة الظهر اتصل وقال صح لسانك يابو مهره وهاذي مجاراتي للقصيده تحرك ي هاجوسي واشغل أفكاري وهات وهاك=تنقا من بنات الفكر وأنا باتـنقابك مدام إن القصيد بصدري أوحيله وحي وحراك=تبي تلقابه المعنى وانا الجزلات بألقابك بعد طول السنين اللي بها صبحك قبل مساك=تطاولك الهموم ولا تغداها تعشابك تضايقني واجاحدها ولا تخفاني وتخفاك=مقفل دونها دولاب صدري قبل دولابك ولاكن دامها حانت تهيا أبآمرك وأنهاك=وأنا خابرك ياشعري تهقوي من تهقوابك أبو مهره تهيض وأودع بصدري مية دكاك=سقاك الله يادارٍ سقاها دم شيابك ولا تنلام بأفكارك ولا يلام من جاراك=يابيت العز والشيمة زمانك ويش سوابك سقيمة سلعة الدنيا ولو دارت بها الأفلاك=ياكيف الناس تسعد بك ياكيف الناس ترضابك ألا ياباغي الدنيا نبيك ويش به وصاك= قبل نفسك تلوم ولا يفيدك كثرة اعتابك فلو دامت لأحد غيرك لكان الدور ما قد جاك=ولو دام السعد فيها لابد الحزن ينتابك تفكر وحمد المولى على انه بالحياه أبقاك=وقدم خير تلقى خير ماقدمت بكتابك تذكر واذكر الأخرى عساها تنفعك ذكراك=فلا بده يطق الباب ولو هبت انت ما هابك تقلبّك سنينك بين ذا مبغض وذاك أغلاك=وذا لو ماتواحابه توحا فيك وأغتابك تجي لك عكس ما تبغى ونوبٍ حايزه لرضاك=ونوب يضيق بك من ضيقتك جوك من أسبابك ألا ما أقشرك يا دنيا يغطيك الخفا بغثاك=ألا بالحيل يا مصعب نهار مفارق أحبابك تنسيك الرضى وتصير منها أدناة ما بكاك=إليا منه تحرك هاجسك في فقد من جابك ليالينا تنسينا ولا كن لا حشا ما أنساك=ولو طالت بنا الدنيا ما يمحى ذكرك غيابك إليا مريتها الديرة وشافت عيني مصلاك=تشقى فكري الشاقي بشوقي لك وأشقابك واتيه بعالم أفكاري وأعيش بخافقي وياك=وأحس بلوعة الفرقا نهار ان القدر صابك ألا يا ليت هاك الوقت لي قدره وأكون فداك=حرام اني لأقدمها فداء روحك فداء ترابك ولكن يا لله إني طالبك يالله بأعز أسماك=ياخلاق الخلايق ما خلا ولخاب طلابك بعفوك تدخله عال الجنان الخضر في رحماك=بدار ابرار مع منهو رجا عفوك عن إعقابك |
رد: على ربحك بمر ربك يحدك نوب ألد أعداك رحمة الله على الوالد الشيخ عايض بن عبلان رجل الدين والرجوله والسمعه الطيبه .... الحقيقه اعتذر لك ابو مهره عن عدم علمي بانني لم ارد على هذه الدره فانا اراها ولكن كنت اظن انني قد رددت عليك وخصوصا ان موضوعها انساني من الدرجة الاولى وعاطفي من ابن تجاه والده الكبير ... فالحمد لله على كل حال ورحم الله جدك وافسح له في قبره ..... واشكرك على هذه المشاعر والوفاء والصله والذكريات الجميله .... نثرت هنا حروفا كلها حب وتوجد ودعاء ووفاء صح لسانك ... كما اقول لعبدالله بن عايض صح لسانك وسلمت يمينك ومشاعرك الطيبه تجاه والدك وتجاه شاعرنا ابو مهره فهو صاحب الاخلاق الحميده والاحاسيس المرهفه .... قصيدتين تكتبان بماء الذهب وارجو ان نراهما بعد فتره في مجلس المساجلات الشعريه .... تحياتي وتقديري ومحبتي |
رد: على ربحك بمر ربك يحدك نوب ألد أعداك ابن عبلان صح لسانك وتسلم على اتحافنا بجديدك الرائع وياهلابك كما لايفوتني أن أقول للأخ عبدالله بن عايض صح لسانك وياليت تفصلهم قسم المساجلات ينتظرهم على أحر من الجمر ويترف بنظامهم اليه |
الساعة الآن 02:16 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir