مجالس الفرده - مساجلة بالمقناص

مجالس الفرده (http://www.alfredah.net/forum/)

- مجلس المحاورات والمساجلات الشعرية (http://www.alfredah.net/forum/alfredah39/)

- - مساجلة بالمقناص (http://www.alfredah.net/forum/threads/alfredah16114/)

مساجلة بالمقناص

التقى الشاعر الكبير سعيد ابو معيتق باحد اقاربه واسمه عيد في المقناص
فقال عيد هذه القصيده:-

اعرض لنا سعيد بديرة الصيد = وحنا على نيه لطرد الجـــــــــوازي
جانا على اللي ضاريه تقطع البيد = الخمس والتسعين جديد الطرازي
ومن بعد سلام وهرج وتناشيد = قال السعد في وجه من كان غــــازي
الله يطلق دربكم والمقاصيد = والله يعطي الرزق والله يجــــــــــــازي
يبو صقر هرجك غدير المراعيد= صافي زلاله كود بير ارتــــــوازي
هرج الفهيم اللي هروجه كما الغيد= اللي بطرد الصيد جاب امتيـــازي
والمعذره عن قول فيه المناقيد= واقبل سلامي مع كثير اعتــــــــزازي

فرد سعيد بهذه القصيد اللي هي توصيف لرحلة المقناص بادق الامور:________

وصلت هديتك على الفور ياعيد= على الة طباعه وخط متوازي
ابيات شعر واضحه بالمقاصيد= اروحت فيها ريح زهر الـنوازي
مشتاق للمقناص بالحيل يا عيد= ما شفتني على الثوب لابس جرازي
ولزيمي ابو اعتيق في ممشى بعيد = قرمن ليا نخيته وعنده ركازي
ومعزته عندي كل يومن تزيد = شرواك لسار بالوضع اهتـزازي
روس الجوازي وبدونه مراكيد= وجلودهن في ظل طور امتـوازي
ونصبر على ام البهم يومنه تعيد = قبل ما ادور الدرق بالمقازي
يا ما بكت باسبابنا ام المواليد= والوبر والبدن يواسوها التعازي
ما همنا مقابل سلوى وتغريد = وشوف حلوات الغوازي
نص العمر في البر والبريد= وعشق المشاريف من فوق نازي
حنا لنا ميعاد من دون تحدي د=في ديرتن بها وطيهن بالمنازي
حتا نحط الوهد على حصان ابو زيد=ونوقد هشيم الحول من دون كازي

سلمت يمينك أبوراكان وذكرتنا بالكشتات عسى الله يغيث البلاد والعباد

مشتاق للمقناص بالحيل يا عيد= ما شفتني على الثوب لابس جرازي
ولزيمي ابو اعتيق في ممشى بعيد = قرمن ليا نخيته وعنده ركازي
.................................................. .........................................
ما همنا مقابل سلوى وتغريد = وشوف حلوات الغوازي
نص العمر في البر والبريد= وعشق المشاريف من فوق نازي

بيض الله وجهك ياذيبان ولاهنت وترانا ماشبعنا الى هالحين كان حصل زوود..

نقل رائع وتوصيف اروع لاتبت يمينك ياولد العود ولاهنت وعزالله انك شرحت صدورنا..

بدران4/11/1430هــ 1.15مــــ

ابوراكان تسلم على النقل والله يجيب الربيع والمكشات وشوف اتلريضان الخضر

والغدران والنسيم العليل كم احب هذا الجو لدرجة الهوس

صح لسان الشاعرين

ودمت بخير عميد المجالس على هذا الاختيار

تقبل اجمل تحية

http://www.alfredah.net/vb/alfredah_...t-top-left.gifاقتباسhttp://www.alfredah.net/vb/alfredah_...-top-right.gif http://www.alfredah.net/vb/alfredah_...ot-by-left.gifالمشاركة الأصلية كتبت بواسطة بدرانhttp://www.alfredah.net/vb/alfredah_...t-by-right.gif http://www.alfredah.net/vb/alfredah_...p-right-10.gifمشتاق للمقناص بالحيل يا عيد= ما شفتني على الثوب لابس جرازي
ولزيمي ابو اعتيق في ممشى بعيد = قرمن ليا نخيته وعنده ركازي
.................................................. .........................................
ما همنا مقابل سلوى وتغريد = وشوف حلوات الغوازي
نص العمر في البر والبريد= وعشق المشاريف من فوق نازي

بيض الله وجهك ياذيبان ولاهنت وترانا ماشبعنا الى هالحين كان حصل زوود..

نقل رائع وتوصيف اروع لاتبت يمينك ياولد العود ولاهنت وعزالله انك شرحت صدورنا..

بدران4/11/1430هــ 1.15مــــ
http://www.alfredah.net/vb/alfredah_...t-bot-left.gif http://www.alfredah.net/vb/alfredah_...-bot-right.gif

ما شاء الله على ذوقك الرفيع اخي بدران

رد: مساجلة بالمقناص

صح لسان الشاعرين

وتسلم يمينك يا أبو راكان