نهاية يوم ذى الحجه بداية ليل من عاشور=الا يامرحبـا والمملكـه باسعـد لياليهـا
انا ماهمني فالوقت لا مطلق ولا مستـور=اركبها على قمة جبـل وتهـز رجليهـا

انا اشوف المدافع فالمحاجي والفرود تثور=يدوم ابك البقا وانته جملها وانت راعيهـا
تقوله وانت محني في يديه حنية الباكـور=وانا اللي من زمان العام طابخها وشاويها

عينت الشايب اللي لقمته ما وصلت الحنجور=فضيحه لانتفلهـا وان بلعهـا سمهـا فيهـا
منول ياذهبنا كنت في صندوقنـا مصـرور=وذا الحينـه تشالتـك الحراميـه بياديـهـا

عينت الطرقي اللي شق قدره شعلت الدافور=ليا جاته ضيـوف الله يـزري لا يعشيهـا
ونا ماني بشايل لي عصاة راسها مشقـور=لكـن التاجـر اللـي جابهـا لازم يوديهـا

ولا ياصاحب ما تشرب الا السكر المعصور=ديار مابها الا الشـوك لـو يسيـل واديهـا
تصيح لها من المغرب وتقهرها طلوع النور=شداد فوق غاربهـا وحبـل فـوق اذانيهـا

انا اشوف السمن سايل من القبه الى الزبزور=تصلح وجهها ميـر الكوايـا فـي علابيهـا