إيه شدوا ياعضودي شدات الحر القطامي =إيه هبوا للمعالي لاحيت نار الكسالى
إيه بالاسماء الصريحة أو تخفون الاسامي =مايهم سيان عندي أبيها اقلامٍ توالى
أبيها جد ورجوله مابها هذر الكلامي =لافتحت الكمبيوتر أبيها نجوم تلالا
أرفعوا راسي تعود بيّنٍ وسط الزحامي =ما خضع للغير لِله إلا للخالق تعالى
وبيتنا مفتوح بابه أحذروا غدر الحرامي =حطوا الحراس دونه من شغاميم الرجالا
ولابتي حرب الحبيبه ياهواي وياغرامي =منتدانا بعض فخرك وانتي امجاد وكمالا

مرحبا ويالله حيه حي ممدوح المقامي=حي ذيب بالمعالي قد مضاله ما تعالى
ذيب يا ذيب المواقف جيت لعيال العمامي=جيت في نظم القصيد وجيت بأفعال جزالا
ياخلف جدي وعمي ياعضيدي يا حزامي=يا شموخ بالمعاني ما خذاها بإتكالا
مدحك لربعك جذبني مالك شوقي وهيامي=وجيت ودي اضم صوتي بكلمة جاله مجالا
جيت ودي أضم صوتي وجيت ابا ابعثلك سلامي=أقبل الترحيب مني وكل تقدير وجلالا

ياخلف ياحي فالك ضيغمي والدم حامي =مرحبا مارعد سحاب وعد مانجم ٍ تلالا
حي من جانا بنشوه هادر ٍ بين الزحامي= ناشد ٍ رفعة اربوعه بطول شامخة الجبالا
فارس من عيال راشد جارهم لا مايضامي = بالعتامه والشهامه فعلهم ماله مثالا
جيت ارحب مثل ربعي بخلف قبل الملامي=وانت ذكرك يالبناخي بيّن ٍ بين الرجالا
اقبل الترحيب مني والتحيه والسلامي =واحد ٍ من عرض ربعك مايحب الاتكالا
وياخلف اعذر قصيدي كان ماوفى كلامي =والعذر ماني بشاعر والعذر ماله مجالا

ابشر بعزك ياسند كل مضيوم = عيال عمك كلهم يسمعونك
ياطيب السيره بعيد ٍ عن اللوم = ياحر نعرف غيرتك في عيونك
موضوعك اللي قلت ياذيب معلوم = كنّك تجاوب قبل ماينشدونك
تبيه موقع حر بالعلم موسوم = وكل المواقع بالاسم يعرفونك
محسوم والله ياابيض الوجه محسوم = بكل الجوانب ياخلف يعجبونك
حنا عملنا سنين ياذيب في يوم = غصب ٍ على اللي ياخلف مايبونك

اللي مرده لي مابه هشاشه=شاعر ومتمكن بجودة مشدّه
احس بردّه صدق وايضا بشاشه= وذي عادة الطيّب صريح ٍ مردّه
مادامكم ربعي فانا اصبحت باشه=يا باشة الا تراك ماانته بقدّه