|
لها سبب من الأسباب سبب القصيده أنه كنا في رحلة قنص وكان معنا شخص يدعى (منيف) وعندما نزلنا أغراضنا على حاير ماء من السيول وقمنا في تجميع الحطب وتصليح قهوتنا أصابت منيف شوكه بسيطه وتعذر عن قيامه معنا في تجميع الحطب ((وأبتلش منيف في شوكته)) وصار سببً في هذي القصيده
يامنيف صوابك شوكتن من شضى الشيف=لاتشتكـي يامنيـف جــرح العـوافـي وأنا صوابـي بيـن الأضـلاع يامنيـف=يامنيـف مـن بيـن الضلـوع النحافـي مبطي عليه أسنيـن يامنيـف ومخيـف=يامنيـف ولـف أرقيـقـات الأشـافـي أزريـت لنسـى فنـهـن والغطـاريـف=وهرجن هـوى لنفـوس ناسـه وكافـي ويامنيـف حـب مصوبـات المواليـف=مـن جنـت الدنيـا عليـه الحسـافـي صويبهـن يامنيـف نومـه تخاطـيـف=ومتبينـن يامنـيـف بـيـن وخـافـي عشبن نبـت فـي عاليـات الشفاشيـف=ومسـه ضمـا يامنيـف قـدام يـافـي مشوهن يامنيـف مـن لاهـب الصيـف=قبليتـن تنـسـف علـيـه السـوافـي يامنيـف هـذي حالتـه والتواصـيـف=ولا أنـت ماتـدري سلـيـم متعـافـي طرادهـن يامنيـف مـالـه مناكـيـف=ولـو أنكفنـبـه يرجعنـبـه خـلافـي ويامنيف لو ترك المـوده علـى الكيـف=سـويـت مـثـل مقيـلـن الفيـافـي ويامنيف لو شفـت الطـواري مراديـف=تمـش النهـار وتسـري الليـل حافـي شـكـواي لله مابـيـدي تـصـاريـف=نوبـن عجـاج ونوبـن الجـو صافـي |
رد: لها سبب من الأسباب ابن ردمان كل ماسلينا نقضت الجروح الله يسامحك مهبول يالي جاب بصري يقنه--- جدد جروح العود والعودقاضي مبدع مبدع مبدع قصيده غايه في الجمال لاتحرمنا من جديدك |
رد: لها سبب من الأسباب اقتباس:
اللي هـرب للبر واللي يم السيف***يشـكي هواهـن ويتمـنى التعــافي يامنيف لاعادت منافعك يامنيـف***هيّضت ابن ردمان وايقظت غافي ابن ردمان صح لسانك واعتلا شانك غزلية عذرية رائعه وعسى الله يجعل جوك صافي دائماً لازال قلبك خضر وخضرت مؤشر بن جضعان وانت خابره رقيق :) لاهنت ............. |
رد: لها سبب من الأسباب ابن ردمان اللـــــــــــــــه اللـــــــــــه اللـــــــــــــــه حبيبي كيف حالك و صح لسانك يالبناخى وأعتقد منيف هذا عبيط لكن كثر خيره اللى جاب هالمقطوعه اللى أكثر من رائعه قرأنا وأستمتعنا ويعطيك العافيه تقبل مرورى تحياتي للجميع |
رد: لها سبب من الأسباب ابن ردمان صح لسانك وإعتلا شأنك سبب وجيه لكتابة مثل هذه القصيدة نشكرك عليها ويعطك ألف عافية |
رد: لها سبب من الأسباب علي الجضعان صح بدنك وشكور على المرور لاهنت خلف الفريدي صح بدنك بيض الله وجهك وأقول (صح لسانك) للقاف قاف وللسوالف سواليف **** ونت ياخلف صححتني بالقوافي وأتحفت قلبي بالبيوت المتاحيف **** حيث أنت يابن عتاق رجال وافي أكفيت شر المقبلات المغاليف **** ولك التحيه بالبوت النضافي غازي بن عجاب أبو زوايد صح بدنك ومشكور على المرور المشرف مقبل بن نمران صح بدنك ومشكور على المرور المشرف لاهنت |
رد: لها سبب من الأسباب صح السانك اخوي ابن ردمان والشكر موصول لمنيف على تحريك قريحتك |
رد: لها سبب من الأسباب
عشبن نبـت فـي عاليـات الشفاشيـف=ومسـه ضمـا يامنيـف قـدام يـافـي مشوهن يامنيـف مـن لاهـب الصيـف=قبليتـن تنـسـف علـيـه السـوافـي شـكـواي لله مابـيـدي تـصـاريـف=نوبـن عجـاج ونوبـن الجـو صافـي ابن ردمان صح لسانك وأعتلى شانك قصيدة رائعة كما تعودنا منك الروائع صح لسانك مليون |
رد: لها سبب من الأسباب الشامخ 1 ،، عبدالله بن غنام 0 صح بدن الجمع ومشكورين على المرور المشرف لاهنتم 0 |
رد: لها سبب من الأسباب صح لسانك ودمت بود |
| الساعة الآن 05:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir