|
في ربوع العلا وأحضان التاريخ بسم الله الرحمن الرحيم هذه المشاركه مني بمناسبة الاحتفال الكبير الذي أقامه اهلنا وابناء عمنا في العلا العزيزه تكريماً لجماعتهم الفرده من اهل القصيم والمدينة المنوره وعلى رأسهم مشائخ الفرده من الحماد والهدبان واعيان المنطقتين وذلك يوم الخميس الموافق 18/4/1429هـ ------ مدخل --------
يا زائراً أرضَ العُلا اترى معيْ=هذا السّموّ لأرضِها ورجالِها الواثبونَ الى العلا بفعالِهم=الشامخون كما شموخِ جبالِها رضعوا من المجدِ التّليد لبائَه=فاشتدّ عودٌ واكتسى بجمالِها قد عانقَ الابداعُ صُمَّ جبالِهم=فتفيّؤا بظلالِه وظلالِها ******************************
بسم الذي نزّل تبارك وياسين=الواحد المعبود جلّ جلاله ......................اللي خلق خلْقه من الضعف والطين=وبقدرته سنّ الحرام وحلاله والمجد والتاريخ سطّر عناوين=في هالمكان اللي تكلم جباله قامت حضارات وبادت بَعَدْ حين=وما يريده الله كاينٍ لامحاله سبحان من يعطْ المخاليق تمكين=وليا حصل عصيان عجّل زواله هنا اعتبار القلب والعقل والعين=وتبدّل الاحوال حاله لحاله ويا اهل العلا قلتم هلا قلت وافين=هاذي عوايدكم وهذا مجاله وهاذي طبايعكم من سنين وسنين=مع الكرم والحب طيب وشكاله والليله الفرحه لها عيون ويدين=وتميّزت عن الليالي بهاله هالة وجود الحاضرين العزيزين=اللي تواجدهم يزوّد جَماله نخبة ضيوفٍ يرجْحون الموازين=روس الرجال اللي لهم كل طاله وحب الوفاء عند الاكارم قوانين=وتواصلٍ بين القلوب وجِماله ويا عيال راشد اسمحوا لي بحرفين= على عَجَلْ وانا عدو العجاله ياهل العلا واهل القصيم الميامين!!=وياهل المدينه !! طيبكم من يناله يازين جمعتكم على الحب يازين=ومبروك جمْع الشمل عقب انفصاله جَمْعٍ جَمَعْ غالين في دار غالين=ولا هي غريبه للقبيله رجاله انتم تفوّقتم بكل الميادين=ودستم على الدرب العسير بسهاله وامجادكم ما تحتويها دواوين=وافعالكم عزمْ وصمودْ وصماله واسم الفريدي درّةٍ بين كفين= كفّ الفََخَاْر وكف حرب الاصاله وللشيخ ابن حماد مني ثمانين=حبّه على خشمه ومقْدَمْ عقاله زيد المعالي لاقسا الوقت ما يلين=ولا ثَقْلت الاحمال زاد احتماله شيخٍ برايه لاعدمناه راضين=وناكل من صحونه ونشرب دلاله هاذي جهوده مع جهود المحبين=اللي يحبون الوفاء والرجاله قلته وانا سعودي من اوّل وهالحين=وبكره بَعَدْ..عِزّي ولا ابغى بداله ليّه علم فيه الشهادات ثنتين=شهادة التوحيد وايضا الرساله وليّه شعارٍ فيه نخله وسيفين=على الرخاء والعدل فيه الدلاله وليه شرف خدمة ضيوفٍ لبيتين=حقّ ٍ اساسي ما طلبته وكاله وليه وطن اشرف الاوطان تكوين=اسّس على شرع الولي والعداله توحيد من ذكره يهز السلاطين=اللي على نهجه تباروا عياله عبدالعزيز اللي حمى الارض والدين=وجَمّع قلوب الناس والغى الجهاله اللي عسى قبره رياض ورياحين=وياقابل الدعوات تحسن مآله واليوم عبدالله حبيب الملايين=مليكنا غيث البلاد وظلاله بقيادته في درب الامجاد ماشين=حكمٍ رشيد وزينته في كماله وسلطان ابو خالد له حزام ويمين=هذا ولي العهد ياحي فاله القايد الانسان طلق الحجاجين=هداج تيماء يرتوى من زلاله وعَقّب ابو تركي حرار وشياهين=سلالة آل سعود نعم السلاله الله يثبتهم على الحق راسين=ويحفظ وطنا الحر من كل قاله وعلينا حقٍّ للوطن يعتبر دين=لا للخيانه والغدر والعماله وصلوا على المختار سِيْد النبيين=اللي بنوره زال وجه الضلاله ابو عبد العزيز |
رد: في ربوع العلا وأحضان التاريخ الشاعر الكبير خلف الفريد بيض الله وجهك عز الله كفيت أوفيت يابن العم ولك مني ثمانين قبلة على جبينك .. أدام الله ابداعك .. أخوك ابن راشد |
رد: في ربوع العلا وأحضان التاريخ
ليّه علم فيـه الشهـادات ثنتيـن=شهادة التوحيد وايضـا الرسالـه وليّه شعارٍ فيـه نخلـه وسيفيـن=على الرخاء والعدل فيـه الدلالـه وليه شرف خدمة ضيوفٍ لبيتيـن=حقّ ٍ اساسي مـا طلبتـه وكالـه وليه وطن اشرف الاوطان تكويـن=اسّس على شرع الولـي والعدالـه صح لسانك ابو عبد العزيز وبيض الله وجهك ورائعة من روائعك وماقف رائع نازف الحرف |
رد: في ربوع العلا وأحضان التاريخ صـــــــح لسانك يابو عبد العزيز وعلا شانك كفيت وفيت وبيضت الوجه ولا قصرت يالبناخي عساك بالوجود ودايم بالجود من الجديد تعود |
رد: في ربوع العلا وأحضان التاريخ بيض الله وجهك يبو عبدالعزيز عاداتك العلم الغانم ..... وكذلك االحضور المشرف.... تحضر في مناسبات ربعك فيختلف حضورك لانه حضور تشريف وابداع نقل جميل لصور جمالية عديدة صح لسانك يالفريد ودمت بالوجود مبدعا كماهي عادتك تقبل اجمل تحية من محب |
رد: في ربوع العلا وأحضان التاريخ ابوعبد العزيز ( اخوى العود ) بالخليجى يعني اخوى الكبير بيض الله وجهك وعاداتك الوقفه مع ربعك وعيال راشد يستاهلون والله يجمعنا على العز والمعزه وعلى طاعته اقبل مرورى وتقبل تحياتي تحياتي للجميع |
رد: في ربوع العلا وأحضان التاريخ أبو عبد العزيز صح لسانك ودمت بالوجود كما تحب ونحب تنهل من ينابيع الوفاء والحضور المشرف دائماً وماهي غربيه على الطيبين أمثالك شهادتي فيك مجروحه وإحساسي بجزالتك راقي وعلى الخير والمحبة نراك دائماً |
رد: في ربوع العلا وأحضان التاريخ تيجان راسي ابو وليد .... ابو ماجد.... ابو بندر.... ابو محمد .... ابو فيصل .... ابو ياسر .... مروركم هنا شرف وتشريف وإشادتكم حب وتكريم ,,, كلماتكم هي وقود الروح وهي الدافع القوي كما انها المرآة الصادقه التي ارى من خلالها مجهودي المتواضع خدمة لربعي واداء لواجب محتم اشكركم جميعاً على احرفكم الساميه التي دخلت اعماق القلب ولن تغادره لاهنتم لاهنتم |
رد: في ربوع العلا وأحضان التاريخ أبو عبد العزيز صح لسانك صح لسانك صح لسانك وكعادتك دائماًمشرِف في مناسبات عيال راشد وبيض الله وجهك |
رد: في ربوع العلا وأحضان التاريخ الفريد : صـــــــــح الســــــــــــــــــــــ ــانك شــــــاعــــــر المناسبه والموقف كل قصيده اجمل من القبلها مثل اللي يدخل الربيع عقب دهر ابوعبدالعزيز تسلم على الحضور رغم بعد المسافه وضروفك ولكن الوافي وافي سجل أعجابي بهذه القصيده لحد الثماله وبصراحه بديت أغارمنك ~أخذت البساط والفرشه والدلال لا--كل العزبه لله درك غسلت أكبودنا الله لا يحرمنا منك عظم العرب |
رد: في ربوع العلا وأحضان التاريخ اخي ناصر اشكرك على المروروكلماتك الطيبه كما اشكرك على حسن الصحبه الى ذلك البلد العزيز وما هذه الابيات الا باسمكم جميعاً كما قلت هناك لك حبي ومودتي |
رد: في ربوع العلا وأحضان التاريخ ابو عمر اشكرك على هذه الكلمات الجميله كجمال طلتك البهيه واذا كنت تغار مني في هذه المواقف فغيرتي اكبر !!! فأنا غيرتي منك قديمه في مجال الرومانسيه الورديه هههههههههههههههههههه الست من تلتف له الاعناق وتخضر القلوب عندما يبوح بغزليه !!!!!!!!!! دائماً ابا عمر تزين متصفحي وتغمرني بوفائك المتواصل لك حبي ومودتي لاهنت |
رد: في ربوع العلا وأحضان التاريخ اقتباس:
كفيت ووفيت يا ابن جضعان ,,, صح لسانك ولد ابوي الفريد |
رد: في ربوع العلا وأحضان التاريخ الأخ الـمـوقـر أبـو عـبـد الـعـزيـز قـصـيـده رائـعـه جـداً ويـسـتـاهـلـون الـمـمـدوحـيـن وبـيـض الله وجـهـك |
رد: في ربوع العلا وأحضان التاريخ صح لسانك ابو عبد العزيز وبيض الله وجهك وليست بغريبه عليك و انت راعيها وبـيـض الله وجـهـك |
رد: في ربوع العلا وأحضان التاريخ انا عندي مشكله يا ابو عبدالعزيز القصيده اذا كانت عاديه مااقدر اجامل وامدحها واذا كانت رائعه مثل قصيدتك هذي يخوني التعبير والكلام في مدحها صح لسااااانك |
رد: في ربوع العلا وأحضان التاريخ ابو راكان صح بدنك يالغالي وياهلا |
رد: في ربوع العلا وأحضان التاريخ ابن ردمان ووجهك الابيض ياكحيلان هذا واجب علينا تجاه ربعنا واسم القبيله اشكرك على مرورك الجميل لاهنت |
رد: في ربوع العلا وأحضان التاريخ خالد بن حماد صح بدنك ياتاج راسي لاهنت مرور قامة بمستواك نور لمتصفحي ومفخرة لي اشكرك على ثقتك باخيك لك حبي ومودتي ......... |
رد: في ربوع العلا وأحضان التاريخ ابن سدحان صح بدنك ولاهان شعورك وتفكيرك نعم احياناً امام صدق المحبه يخون التعبير !!! ومجرد مرورك وتسطيرك لهذه الكلمات الاخويه يكفيني لانها من الاعماق اشكرك على عميق البوح لاهنت |
رد: في ربوع العلا وأحضان التاريخ السلام خير كلام بيض الله وجهك يا شاعر المناسبات كفيت ووفيت كعادتك يا با عبدالعزيز اسلوب مميز وكل قصيدة تغار من التي تاتي بعدها *** ملاحظة بسيطة : ارجو من شخصكم الموقر مراجهة البيت الثالث من الاسفل .................................................. ................................ الله يثبتهم علـى الحـق راسيـن == ويحفظ وطنـا الحـر مـن قالـه .................................................. .............................. |
رد: في ربوع العلا وأحضان التاريخ ابو عبد العزيز بيض الله وجهك وصح اللسانك واعتلى شانك وبارك الله فيك0000000000 تقبال تحيات اخوك |
رد: في ربوع العلا وأحضان التاريخ لا يقتني الدرر:o إلا من يملك خزينة الجواهر والدرر وأنت يا أبا عبدالعزيز من الذين يتمخطرون في بساتين الجواهر مرتدي بشت الفخر أنت من يملك الدرر نعم ... أنت من يملك الدرر |
رد: في ربوع العلا وأحضان التاريخ ابو عبدالعزيز صح لسانك ماهي غريبة عليك هذي عادتك يالفريد عادتك الوفاء وان بعدت المسافات وصعبة الظروف عادتك جزالة الشعر في مناسبات عيال راشد عادتك الحضور المشرف في كل محفل تكون حضراً فية الله يكثر من امثالك |
رد: في ربوع العلا وأحضان التاريخ الله يثبتهم علـى الحـق راسيـن == ويحفظ وطنـا الحـر مـن(كل) قالـه القسومي هلا هلا مليون هلا وسلامات على هذه الغيبه عسى خير وانت ابيض الوجه الله يسلمك ويحفظك وهذا واجبنا تجاه ربعنا في اي مكان اشكرك من الاعماق على هذه الكلمات الاخويه ------------------------ اما بخصوص ملاحظتك فكما ترى اعلاه هذا هو الصحيح والكلمة الحمراء سقطت سهواً وخاصية التعديل لاتوجد عندي حالياً |
رد: في ربوع العلا وأحضان التاريخ اخي الدليله صح بدنك وسلمت يمينك اشكرك اعمق الشكر على هذا المرور الجميل تواجدك هنا اسعدني جداً لاهنت لاهنت .................... |
رد: في ربوع العلا وأحضان التاريخ فهد الهديب كعادتك ابا مشاري اثر مرورك يراه الجميع وينبهر به !!! تأبى الا ان تنثر الورود والآليء على جنباته وبكرم كبير !! والدرر لولا من يعرفون قيمتها ويقيمونها لما سميت دررا !!! ولما استخرجت من غياهب البحار البعيده لتعرض على من هم بحجم ذائقتك !!! اشكرك على هذا الألق الاخوي الوفي لاهنت لاهنت ---------------------------- |
رد: في ربوع العلا وأحضان التاريخ ابن جدعاء غمرتني ابا عبد الله بهذا الكم الهائل من الحب وعذوبة الكلمات الاخويه التي يصعب ان اجد الرد المناسب عليها !!!! ولكنني عندما اتذكر طبعك وجوهرك لا استغرب ان تخرج هذه النفحات من ذلك القلب الكبير واقول صح بدنك وسلمت يمينك ايها العزيز وما قمت به انا واجب يفرضه الوفاء والانتماء اشكرك من الاعماق لاهنت ---------------------------------- |
| الساعة الآن 09:20 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir