مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   العلا بلد التاريخ ولم الشمل . . (http://www.alfredah.net/forum/threads/alfredah7410/)

مقبل بن نمران 26-04-08 09:13 AM

العلا بلد التاريخ ولم الشمل . .
 
بمناسبة حفل تكريم الشيخ / زيد بن محمد بن حماد ولم الشمل في محافظة العلا

غرب الشمال اللي عليك التساهيل=بنصاك منصى رجال من ضيق بالي
وتزهر بعيني هالليال المقابيل=بشوفة ديار الطيب وأهل المعالي
لأن التواصل دين والدين مايميل=يرسم على درب النفوس الكمالي
يبني إلتحام الصف في خير تنزيل=صله وتواصل دون زيف وظلالي
نذلل ضروف الزمن غصب تذليل=واجب وشوق إحساس بالصدر حالي
لديار من سادت حضاراته لجيل=مجدٍ تليد صعب عسر المنالي
واد القرى موطن ثقافات ونخيل=وألوان وأقسام وشموخ وتعالي
ماهوب تاريخٍ بليا محاصيل=مجدٍ على مجدٍ من أول وتالي
عليه نفحات المشاعر هماليل=مني غلا لأهل الوفاء والرجالي
أهل العلا رؤس الرجال المشاكيل=اللي لهم بالجود عز ومجالي
يكملون الطيب بالحق تكميل=لاشفتهم طيب المعادن طرالي
نيابة عنهم بزين التماثيل=أسرج قصيدي قبل مأتعب رحالي
أهلاً هلا جود ومساء عود والليل=اصبح نهار يشع نور ومثالي
بضيوفنا على الشحم والمعاميل=يامرحبا من قلب غالي لغالي
بأرض الوفاء ربعي كما ماطر السيل=غيث القلوب ومحتمين التوالي
أولاد راشد للفعايل مصاقيل=بالدين والتوحيد يوم القتالي
في غرة التاريخ والعج والخيل=بنوا على وجه البسيطه جبالي
بالفعل لاشبت برؤس القناديل=لابة فخر تاطأ الخطر ماتبالي
وللضيف والجيره حقوق ومواصيل=تبقى على مر الدهر والليالي
متوارثين الطيب من غير تبديل=يعني كريمين اللحى والسبالي
في راية شيوخٍ كما الجدي وسهيل=دون القبيله بالليال الهزالي
وافين جزلينٍ سيوفٍ مصاقيل=تشهد لهم شهب السنين الخوالي
مجدٍ على مجدٍ تسلسل بتفصيل=والنسل هذا الشيخ واف الخصالي
ابو محمد كاسب الطيب بالحيل=من طيب فاله قلت ياطيب فالي
قائد مثقف صائب الرأي حلحيل=راوي وشاعر للبيوت الجزالي
ديّن كريم أخلاق شامخ ولا يعيل=والكامل الله فيه جود وكمالي
قلته وأنا ماني بحاجه لتدليل=الحق حق وجاحد الحق خالي
وأنا لكم من دون زيفٍ وتظليل=شاعر وأحسب حساب ربعي بحالي
والشعر له برواز معنى وتحليل=صوره وتعبير وشعور وخيالي
لو مال دربه بالحنايا مداهيل=ماجيت أغنيبه ولالي مجالي
والفضل لله قسمنا يسرج الخيل=وهبه من المعبود رب الجلالي
يلقى قبول وحس طنخه وتبجيل=بروس الرجال الشامخين الطوالي
والله يحفظ الدار واللي بها يشيل=حمل الوطن والشعب بالحق والي
صقر العروبه للبلد شاطيء النيل=الحاكم السامي بلين وعدالي
وطلق الحجاج اللي بوجه تهاليل=ولي عهده للحمول الثقالي
حنا لهم جند بوجه المعاويل=نحمي وطنا بالجسد والحلالي
وصدر العلا ياللي عليك التساهيل=سلام من قلبٍ متيم وغالي
لأهل الكرم وأهل الوفاء عد ماقيل=سبحان رب البيت منشء الخيالي


18 / 4 / 1429 هـ

ناصر بن دليله 26-04-08 11:58 AM

رد: العلا بلد التاريخ ولم الشمل . .
 
بأرض الوفاء ربعي كما ماطر السيل غيث القلـوب ومحتميـن التوالـي

ابو ياسر بيض الله وجهك على هذه القصيدة الجزلةالتي تعبر بها عن افتخارك بربعك وتدل على حموتك وأهل العلا يستحقون ما قيل فيهم ربعنا وأهلنا
وابو محمد يستحق التكريم
تقبل تحياتي

غازى بن عجاب أبوزوايد 26-04-08 03:48 PM

رد: العلا بلد التاريخ ولم الشمل . .
 
ابو ياسر صح لسانك
قصيدن جزل من شاعرن جزل
بيض الله وجهك كفيت و وفيت
اقبل مرورى
تحياتي للجميع

خلف الفريد 26-04-08 05:33 PM

رد: العلا بلد التاريخ ولم الشمل . .
 

ابو ياسر
تظل دائماً من رموز الحب والوفاء
تضحية بالوقت والجهد وتكبد للعناء ،كل ذلك في سبيل الوفاء والمعزه
كما عهدناك دائماً في المقدمه في مناسبات عيال راشد
كلمات من الاعماق صغتها شعراً جميلاً وشعوراً صادقاً لمن يستحقها
اشكرك من الاعماق
لاهنت

عبدالعزيز العبلان 26-04-08 06:31 PM

رد: العلا بلد التاريخ ولم الشمل . .
 
.
~°¤§ أبـــويـــاســــــر §¤°~
.
.
~*¤ô(( صــح لســـانك ** صـــح لســــانك ))ô¤*~
.
.
وبيض الله وجهك على هالقصيدة الرائعه

اللتي تحمل أسما معاني الوفــــاء وأجمل بيوت الجزالـــه


ولاهــي غريـبــة من شـاعر مثــلك وشـــراوك
.
.
`~*¤!||!¤*~ سلمّـــت ودمـــت يابن نمـــــران ~*¤!||!¤*~

ابوبندر 26-04-08 08:06 PM

رد: العلا بلد التاريخ ولم الشمل . .
 
صح لسانك ابو ياسر
وبيض الله وجهك على القصيدة الجزلة


http://www.viafy.com/uploads/012513d9ac.gif

ضيف الله بن علي 26-04-08 11:10 PM

رد: العلا بلد التاريخ ولم الشمل . .
 
واد القرى موطن ثقافـات ونخيـل=وألوان وأقسام وشمـوخ وتعالـي
ماهـوب تاريـخٍ بليـا محاصيـل=مجدٍ على مجـدٍ مـن أول وتالـي
عليه نفحـات المشاعـر هماليـل=مني غلا لأهل الوفـاء والرجالـي
أهل العلا رؤس الرجال المشاكيـل=اللي لهـم بالجـود عـز ومجالـي
يكملـون الطيـب بالحـق تكميـل=لاشفتهم طيـب المعـادن طرالـي


بيض الله وجهك ابو ياسر والله ما حادت لا يمين ولا شمال عن الهدف السامي .

الشعراء كثيرون ولكن أصحاب الجزلات من المعاني متميزون أمثالك .

يجب ترقية العقيد لمرتبة تواكب شاعريته الرائعة .

صح لسانك وبيض الله وجهك .

نازف الحرف

ناصر بن راكب 27-04-08 12:28 AM

رد: العلا بلد التاريخ ولم الشمل . .
 



وصدر العلا ياللي عليك التساهيـل***سـلام مـن قلـبٍ متيـم وغالـي
لأهل الكرم وأهل الوفاء عد ماقيـل***سبحان رب البيت منشء الخيالـي


صح لسانك أبو ياسر

وبيض الله وجهك

وافي وافي أبو ياسر ومشرف لربعك دائماً في كل المناسبات


احمد بن ضيف الله بن حماد 27-04-08 01:02 AM

رد: العلا بلد التاريخ ولم الشمل . .
 
الشاعر الجزل / مقبل بن نمران

صح الله لسانك وماقصرت ويستاهلون ربعنا كل خير

غازى بن عجاب أبوزوايد 27-04-08 07:17 AM

رد: العلا بلد التاريخ ولم الشمل . .
 
ابوياسر كنت بالأمس على عجالة من أمرى
ولكن هذا اليوم أود الأشاده والأعجاب الا متناهى بشاعريتك الفذه فأنت شاعر ولست بحاجه لإشادتي ولكن الرجل الجزل مثلك وشرواك لايستطيع الأنسان الا أن يقف إعجابا وإجلالا


أكرر إعجابي بشخصك وبشاعريتك فتقبل مرورى
وتحياتي للجميع


أخوك أبو فيصل

مقبل بن نمران 27-04-08 09:05 AM

رد: العلا بلد التاريخ ولم الشمل . .
 
أحبتي الكرام

الدليله : غازي بن عجاب أبو زوايد : خلف الفريد : عبد العزيز العبلان : أبو بندر : نازف الحرف

ناصر بن راكب : أحمد بن ضيف الله بن حماد :


تواجدكم هنا محل فخر وإعتزاز وصحة أبدانكم جميعاً ودمتم فخر وذخر

وكل حرف كتب هنا من جودكم وكرمكم

ولا هنتم جميعاً على وقوفكم وتسجيل تواجدكم الراقي

ولكم من أخيكم كل معاني الحب والوفاء

وعلى الخير والمحبه نلتقي

علي الجضعان 27-04-08 05:36 PM

رد: العلا بلد التاريخ ولم الشمل . .
 
ابا ياســــــر صـــــح الســــــــانك

شهادتي فيك مجروحه شاعر متمكن متآلق دائما تحلق بنا دائماً

الى سمو الشعرالراقي امتلكت رسن المفرده يسرح مع شعر

كل ناقد وشاعر أعذب من الشهد المصفى لك مني أجميل

التحايا والتقدير تقبل مروري واعجابي

ابن ردمان 28-04-08 12:00 AM

رد: العلا بلد التاريخ ولم الشمل . .
 
الأخ الـعــزيـز الـمـوقـر مـقـبـل بـن نـمـران
بـيـض الله وجـهـك عـلـى الـقـصـيـده الـرائـعـه
ويـسـتـاهـلـون الـمـمـدوحـيـن

ذيبان 28-04-08 01:18 AM

رد: العلا بلد التاريخ ولم الشمل . .
 
مقبل النمران

اقف لك احتراما وتقديرا لشخصك وشاعريتك

ما اقول الا ,,, صح لسانك,,,

,,,, وبيض الله وجهك,,,,,

ووالديك للجنه ان شاء الله

خالدبن حماد 28-04-08 01:49 AM

رد: العلا بلد التاريخ ولم الشمل . .
 
السلام عليكم ورحمة الله وبركاته


والله ونعم والله ونعم

صح لسانك يابو ياسر على القصيده الجزله

وبيض الله وجهك دايم ودوم

واقف لك احتراما وتقديرا لشخصك وشاعريتك

ابو محمد كاسـب الطيـب بالحيـل من طيب فاله قلـت ياطيـب فالـي
ويستاهل ابو محمد كل خير

وكلمت حق (مافيك حيله )

ابن سدحان 28-04-08 02:57 AM

رد: العلا بلد التاريخ ولم الشمل . .
 
عقيدالقصيد
الابداع لايستغرب اذا جاء من المبدعين لذلك لم استغرب ان اسمع هذه القصيده منك

مقبل بن نمران 29-04-08 10:47 PM

رد: العلا بلد التاريخ ولم الشمل . .
 
علي الجضعان : : ابن ردمان : : ذيبان : : خالد بن حماد : : ابن سدحان

حياكم الله جميعاً وصحة أبدانكم ولا عليكم زود

والله إن كل واحد مر من هنا له حق علي لكن هالايام هذي مشغول ومابغيت أطيل عليكم بعدم الرد

وشهاداتكم أوسمه أعلقها على حائطي الشعري ومحل فخر وإعتزاز

والله لايهينكم ويديم التواصل والمحبه على الخير والعلم الغانم

وألف شكر لكم جميعاً

القسومي 30-04-08 02:00 AM

رد: العلا بلد التاريخ ولم الشمل . .
 
صح لسانك يا وافي
وبيض الله وجهك على هذا الابداع

ابن جدعاء 01-05-08 12:43 AM

رد: العلا بلد التاريخ ولم الشمل . .
 
ابو ياسر

انت
قامة من قامات الشعر

وانت
صاحب حضورمشرف
في محافل عيال راشد

الله يبيض وجهك على
هذه الرائعه

عماد الفريدي 07-05-08 09:49 PM

رد: العلا بلد التاريخ ولم الشمل . .
 
أهل العلا رؤس الرجال المشاكيـل اللي لهـم بالجـود عـز ومجالـي


يعطيك العافيه

مقبل بن نمران 15-05-08 09:12 PM

رد: العلا بلد التاريخ ولم الشمل . .
 
القسومي ـ ابن جدعاء ـ عماد الفريدي

صح الله أبدانكم جميعاً وسلم الله إحساسكم الراقي وتواجدكم الأجمل

وشاكر ومقدر لكم طيب الحمياء والتفاعل

ودمتم جميعاً بخير

ابن منيديل 19-05-08 05:39 PM

رد: العلا بلد التاريخ ولم الشمل . .
 
صح لسانك ابو ياسر

جزل ، ، جزل وهذا ظننا بك منذ ان سمعنا اول قصيدة لك ولاتحتاج لاي شهاده


قائد مثقف صائب الـرأي حلحيـل =راوي وشاعـر للبيـوت الجزالـي
ديّن كريم أخلاق شامـخ ولا يعيـل = والكامـل الله فيـه جـود وكمالـي

يستاهل شيخنا الكريم الحليم ابو محمد

ولاهنت

تقبل مروري واعجابي

مقبل بن نمران 08-06-08 08:41 AM

رد: العلا بلد التاريخ ولم الشمل . .
 
ابو تركي

صح بدنك وسلم بنانك

ولاشك اللي مثل أبو محمد وشرواه يستاهل المدح

لاتعبت بعد الغيبه

مع شكري وتقديري لحضورك

مشعل الجضعان 08-06-08 11:25 AM

رد: العلا بلد التاريخ ولم الشمل . .
 
صح لسانك ابن نمران

الشاعر الجزل ابو ياسر بيض الله وجهك

مقبل بن نمران 08-06-08 09:51 PM

رد: العلا بلد التاريخ ولم الشمل . .
 
ابو باسل

صح بدنك ووجهك أبيض يالغالي

ومشكور على التواجد الوافي

ودمت على الخير والمحبة

يونس السليمان 15-07-08 07:20 AM

رد: العلا بلد التاريخ ولم الشمل . .
 
مقبل ابن نمران

يجدل من خيوط النور 00000 ليكتب 0000 وليرسم صوره خاصه 00000 اكثر ايغالا في خصوصياتها وبنياها النفسي 0000 ابا ياسر يقبض الريح 000 يجمع شتات الغيم 00000
ماهذه الكلمات الاخروج مباح عن كل المقدمات للشاعر يقدم لنا الاخر وينسى نفسه
0000000000 انه العزيزمقبل ابن نمران فقط امنحوه الاصغاء00000 تحياتي لكل عاشق لحرف ابا ياسر المختلف جدا
اخي الكبير قدرا مقبل مهما تعالئت كلماتي امامك تنكسر خجلا ومهما لذت

بالشعر والنثر وعلم الكلام ليت شعري !!!!!!!! حتى احاول ومهما حاولت من ايفائك جزئيه ضئيله من قدرك

علي فلان استطيع

اليك ياتاريخ المشاعر ياكل الشعر والمشاعر تحياتي


قلب ابن نمران ياللي عليك التساهيل ............بنصاك منصى محب من ضيق بالي

ي و ن س

مقبل بن نمران 19-07-08 07:29 PM

رد: العلا بلد التاريخ ولم الشمل . .
 
اقتباس:

المشاركة الأصلية كتبت بواسطة يونس السليمان (المشاركة 69093)
مقبل ابن نمران

يجدل من خيوط النور 00000 ليكتب 0000 وليرسم صوره خاصه 00000 اكثر ايغالا في خصوصياتها وبنياها النفسي 0000 ابا ياسر يقبض الريح 000 يجمع شتات الغيم 00000
ماهذه الكلمات الاخروج مباح عن كل المقدمات للشاعر يقدم لنا الاخر وينسى نفسه
0000000000 انه العزيزمقبل ابن نمران فقط امنحوه الاصغاء00000 تحياتي لكل عاشق لحرف ابا ياسر المختلف جدا
اخي الكبير قدرا مقبل مهما تعالئت كلماتي امامك تنكسر خجلا ومهما لذت

بالشعر والنثر وعلم الكلام ليت شعري !!!!!!!! حتى احاول ومهما حاولت من ايفائك جزئيه ضئيله من قدرك

علي فلان استطيع

اليك ياتاريخ المشاعر ياكل الشعر والمشاعر تحياتي


قلب ابن نمران ياللي عليك التساهيل ............بنصاك منصى محب من ضيق بالي

ي و ن س

هلا وغلا وحياك الله

هذا البيت منك أنتظر ان يكون واقع بالقريب وتنصاني على الرحب والسعه

.

شاعر التصوير الفوتوغرافي وصاحب الحس المرهف

وأخي وصديقي وابن عمي يونس السليمان

من أجمل ماسمعت في حياتي ومن أجمل مأفخر به تقديمك لهذه القصيده في ذلك الحفل الميمون المبارك

لك الحب والغلا ياقاريء الوجدان وساحر الكلمات

فكلماتك قصيده مبعثره وحروفك غايةٌ في الروعة .. تلتقطها عدستك الداخلية لتبهجنا بها ونقف مذهولين . .

فكل الشكر والتقدير لك يامبدعنا المتميز

ولاعدمناك . . ودمت بخير


الساعة الآن 01:51 PM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52