![]() |
مصافحة أولى .. وإهداء خاص السلام عليكم تحية طيبة وكل عام وانتم بخير بعد إلحاح من الأخ العزيز/أبو ياسر بالمشاركة بهذا الصرح الجميل والذي يحمل إسم نفتخر به وعزيز على قلوبنا يسرني ويشرفني الإنضمام كأحد الأعضاء وأرجو أن أكون خفيف الظل وأن أقدم كل مايرتقي بذائقة القرّاء من أعضاء وزوار كما يسعدني بهذه المناسبة أن أبتدئ بقصيدة غالية على قلبي والتي قدمتها في الحفل المقام لشيوخ واعيان قبيلة حرب والذي أقيم مساء الخميس الماضي تحت رعاية أبناء الشيخ إبن حماد رحمه الله والمتمثل برئيس مركز النقرة الأخ / هادي بن محمد حفظه الله وهنا أشيد وأتقدم بكلمات الثناء والشكر الجزيل لكل من سعى لإنجاح الحفل وظهورة بهذه الصورة المشرفة .
جتني الدعوة مساء يوم الخميس ..وجيت ساري=للمكان اللي لو تمره كذا .. يجذبك ضوّه حفلة ٍ .. من نورها نسريك .. ياليل الغداري=الكرم .. والطيب .. والترحيب .. والقول المفوّه في محل معزّب ٍ دايم على الجزلات ضاري=لانطق كلمة هلا .. تلقا بها طعم وطروّة من شيوخ آلاد راشد .. مروية عوج الشباري=كل ماحمي الوطيس .. وناحرت قوة لقوة جيتكم ياهل الحفل .. من داري .. مسيّر لداري=جيت أسلم .. وأنقل تحية مزبنة الجلوّة ياسلام الله عليكم .. والتحية جت جباري=إن بغيتوها غلا .. والا بغيتوها حموّة دام راسي حي .. ويشم الهواء .. والله لماري=في فعايل حرب.. وآسطر من بيوت الفتوة والله إن راسي يشوش .. ومعلنً حالة طواري=يوم أشوف جموع حرب .. أهل المكارم والمروّة جمعكم عندي طراة .. وحبكم بالدم جاري=وإلتحام صفوفنا .. يلزم على الشاعر ينوّة القوافي يوم أخايلها .. تجيني بالمحاري=مزن ٍ يلج رعده في مقدمه .. ويعل نوّة ينهمل .. لين السيول تسيل .. وتفيض الخباري=والنفل والشيح نبته .. بأول الشعب وعلوّه فيضة ٍ .. فيها تعل أرواحنا عن كل طاري=لين ماراع العماس يمرها .. ويزين جوّه لاخليت .. ولاعدمت .. وعل ماأهل العباري=في فراق اللابة اللي تضمني .. وإلها غلوّة حرب .. ياحرب الدول .. لاثار بارود السواري=كسبكم بالعز راس العز .. ومعانق سموّه في مواقفكم جبال ٍ صم .. وسباعٍ ضواري=حايشين الطيب من عصر الصحابة والنبوّة مجدكم نقراه بالتاريخ .. وبكتب البخاري=من قديم الوقت .. حتى وقتنا هذا .. وتوّه لأنكم سيرة وفا .. وأفعالكم بيض ٍ عواري=تضربون أعظم مثل للجيرة .. وحق الأخوّة مايضيع المجد والتاريخ له كاتب وقاري=لبسكم عز وفخر .. ماهو من اللبس المموّة دمتكم ودام البقاء .. والعمر بياع ٍ وشاري=واللقاء حلقة وصل .. ياضامي ٍ بالوصل روّه رجل ٍ بليا جماعة .. بيت ٍتهبّه ذواري=تلفحه صلف الهبايب في عْشاه وفي غدوّه والسلام ورحمة الله والتحية جت جباري=إن بغيتوها غلا .. والا بغيتوها حموه الأكيد إنه من الثنتين لاحقها مواري=يالحزام اللي ذخرته .. عن قسى وقتي .. وسوّة أخوكم/ محمد بن معتق بن صخيبر الغرابي 26/3/1429 |
رد: مصافحة أولى .. وإهداء خاص محمد بن صخيبر اتشرف بأن اكون اول المصافحين لك واول من يتلقى منك هذه الهدية الثمينه .. واذا كان لكل مقام مقال فلك مني شهادة بأنك اتقنت المقال لذلك المقام فأهلا بك ومرحبا في مجالس عيال راشد وصح لسانك وعلا شأنك تقبل مروري وتقديري فارس الحرف |
رد: مصافحة أولى .. وإهداء خاص بيض الله وجهك يابن صخيبر قمة الجزالة والطيب والوفاء وأنت راعيها وماعليكم زود أخوي الغالي وصل سلامي وتحيااتي للشيخ سعدابن صخيبر أبو مهلي وقل ابن راشد ماهو بناسي معروفك قبلة على جبينك .. ابن راشد |
رد: مصافحة أولى .. وإهداء خاص اقتباس:
وحياك بين أبناء عمك وفي منتداك قصيدة أكثر من رائعة من شاعر علم غني عن التعريف صح لسانك مليون وكفيت ووفيت وبيض الله وجهك |
رد: مصافحة أولى .. وإهداء خاص شاعرنا المبدع محمد بن صخيبر نشكر لك تواجدك وتشريفك لمجالس الفردة التي تفخر بوجود مثلك وشرواك قصيدة غاية في الجمال والابداع من شاعر جزل صح لسانك ودامت ايامك واهلا ومرحبا مليون بتواجدك الغالي علينا جميعا ... والشكر موصول لبو ياسر على دعوة مثلك من شعراء حرب الذين يشرفون اسم القبيلة دائما بتواجدهم وحضورهم الفعال في حفلات ربعهم ... تقبل اجمل تحية من محب .... |
رد: مصافحة أولى .. وإهداء خاص هلا هلا هلا وغلا ياربي حيه في مجالس أبناء عمه ومجالسه دعوتي تتشرف بك كما تتشرف المجالس بك أيضاً وصح لسانك وكفو يابو تركي بيض الله وجهك مليار قمة الحس الراقي في المدح والمناسبات قل من يكتب هذا التصوير وهذه اللوحة اليانعه وعساك بالبقاء والسلامه |
رد: مصافحة أولى .. وإهداء خاص اقتباس:
شاكر ومقدر لك أخي الكريم فارس الحرف شرف الله مقدارك ولاهنت تحياتي |
رد: مصافحة أولى .. وإهداء خاص اقتباس:
حياك الله يابن راشد شرفني مرورك وإعتبر السلام واصل تستاهل كل خير تحياتي |
رد: مصافحة أولى .. وإهداء خاص اقتباس:
الله يحييك يدوم إلك البقاء صح بدنك ولاهنت أشكر لك إطراءك الذي أرجو أن أكون أهلاً له شرفني مرورك تحياتي لشخصك الكريم |
رد: مصافحة أولى .. وإهداء خاص اقتباس:
حياك الله أخوي منصور ولاهنت الشرف لنا صح بدنك شرفني مرورك وردك على الموضوع نرجو أن نقدم مايحوز على رضى الجميع تحياتي وتقديري لشخصك الكريم |
الساعة الآن 04:03 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir